Garuda Purana · Chapter 2.41

iti śrīgāruḍe mahāpurāṇe uttarakhaṇḍe dvitīyāṃśe dharmakāṇḍe pretakalpe śrīkṛṣṇagaruḍasaṃvāde 'pamṛtyau sukhaduḥ khalābhālābhanirūpaṇaṃ nāma catvāriṃśattamo 'dhyāyaḥ
śrīgaruḍamahāpurāṇam- 41
śrīviṣṇuruvāca /
vṛṣotsargaṃ prakurvīta vidhipūrvaṃ khageśvara /
kārtikādiṣu māseṣu paurṇamāsyāṃ śubhe dine

vivāhotsarjanaṃ śrāddhaṃ nāndīmukhamupakramet /
kuryādbhuvaśca saṃskārānagnisthāpanameva ca

vāpyāṃ kūpe gavāṃ goṣṭhe sthāpyāgniṃ vidhivattataḥ /
vivāhavidhinā sarvaṃ kuryādbrāhmaṇavācanam

pātrāsādanaṃ śrapaṇamupayamanakuśādikam /
puryukṣaṇānte homaṃ ca karyā dvai brāhmaṇena tu

āghārāvājyabhāgau ca cakṣuṣī ca pradā payet /
prathame 'hariti mantreṇa hotavyāśca ṣaḍāhutīḥ (tayaḥ)

āghārāvājyabhāgau tu pāyasenāṅgadevatāḥ /
agnaye rudrāya śarvāya paśupataye ugrāya śivāya /
bhavāya mahādevāyeśānāya yamāya ca

piṣṭakena sakṛddhomaṃ pūṣāgā iti mantrataḥ /
ubhayoḥ sviṣṭikūddhomaścaruṇā pāyasena ca

prathamaṃ vyāhṛtihomaḥ prāyaścittaṃ prajāpatiḥ /
saṃstravaprāśanaṃ kuryātpraṇītāparimokṣaṇam

pavitrapratipattiśca brāhmaṇe dakṣaiṇā tataḥ /
ṣaḍaṅgarudrajāpyena proto mokṣamavāpnuyāt

ekavarṇaṃ vṛṣañcaiva sakṛdvatsatarīṃ khaga /
snāpayitvā tataḥ kuryātsarvālaṅkārabhūṣitam

pratiṣṭhāpya ca tadyugmaṃ preto mokṣamavāpnuyāt /
puccheca tarpaṇaṃ kāryamucchrite mantrapūrvakam /
brāhmaṇān bhojayetpaścāddakṣiṇābhiśca toṣayet

tataḥ śrāddhaṃ samuddiṣṭamekoddiṣṭaṃ yathāvidhi /
jalamannaṃ tathā deyaṃ pretoddharaṇahetave

dvādaśāhe tataḥ kuryānmāsemāse pṛthakpathak /
evaṃ vidhiḥ samāyuktaḥ pretamokṣe karoti hi