ગરુડ પુરાણ · અધ્યાય 2.41

ઇતિ શ્રીગારુડે મહાપુરાણે ઉત્તરખણ્ડે દ્વિતીયાંશે ધર્મકાણ્ડે પ્રેતકલ્પે શ્રીકૃષ્ણગરુડસંવાદે ઽપમૃત્યૌ સુખદુઃ ખલાભાલાભનિરૂપણં નામ ચત્વારિંશત્તમો ઽધ્યાયઃ
શ્રીગરુડમહાપુરાણમ્- 41
શ્રીવિષ્ણુરુવાચ ।
વૃષોત્સર્ગં પ્રકુર્વીત વિધિપૂર્વં ખગેશ્વર ।
કાર્તિકાદિષુ માસેષુ પૌર્ણમાસ્યાં શુભે દિને

વિવાહોત્સર્જનં શ્રાદ્ધં નાન્દીમુખમુપક્રમેત્ ।
કુર્યાદ્ભુવશ્ચ સંસ્કારાનગ્નિસ્થાપનમેવ ચ

વાપ્યાં કૂપે ગવાં ગોષ્ઠે સ્થાપ્યાગ્નિં વિધિવત્તતઃ ।
વિવાહવિધિના સર્વં કુર્યાદ્બ્રાહ્મણવાચનમ્

પાત્રાસાદનં શ્રપણમુપયમનકુશાદિકમ્ ।
પુર્યુક્ષણાન્તે હોમં ચ કર્યા દ્વૈ બ્રાહ્મણેન તુ

આઘારાવાજ્યભાગૌ ચ ચક્ષુષી ચ પ્રદા પયેત્ ।
પ્રથમે ઽહરિતિ મન્ત્રેણ હોતવ્યાશ્ચ ષડાહુતીઃ (તયઃ)

આઘારાવાજ્યભાગૌ તુ પાયસેનાઙ્ગદેવતાઃ ।
અગ્નયે રુદ્રાય શર્વાય પશુપતયે ઉગ્રાય શિવાય ।
ભવાય મહાદેવાયેશાનાય યમાય ચ

પિષ્ટકેન સકૃદ્ધોમં પૂષાગા ઇતિ મન્ત્રતઃ ।
ઉભયોઃ સ્વિષ્ટિકૂદ્ધોમશ્ચરુણા પાયસેન ચ

પ્રથમં વ્યાહૃતિહોમઃ પ્રાયશ્ચિત્તં પ્રજાપતિઃ ।
સંસ્ત્રવપ્રાશનં કુર્યાત્પ્રણીતાપરિમોક્ષણમ્

પવિત્રપ્રતિપત્તિશ્ચ બ્રાહ્મણે દક્ષૈણા તતઃ ।
ષડઙ્ગરુદ્રજાપ્યેન પ્રોતો મોક્ષમવાપ્નુયાત્

એકવર્ણં વૃષઞ્ચૈવ સકૃદ્વત્સતરીં ખગ ।
સ્નાપયિત્વા તતઃ કુર્યાત્સર્વાલઙ્કારભૂષિતમ્

પ્રતિષ્ઠાપ્ય ચ તદ્યુગ્મં પ્રેતો મોક્ષમવાપ્નુયાત્ ।
પુચ્છેચ તર્પણં કાર્યમુચ્છ્રિતે મન્ત્રપૂર્વકમ્ ।
બ્રાહ્મણાન્ ભોજયેત્પશ્ચાદ્દક્ષિણાભિશ્ચ તોષયેત્

તતઃ શ્રાદ્ધં સમુદ્દિષ્ટમેકોદ્દિષ્ટં યથાવિધિ ।
જલમન્નં તથા દેયં પ્રેતોદ્ધરણહેતવે

દ્વાદશાહે તતઃ કુર્યાન્માસેમાસે પૃથક્પથક્ ।
એવં વિધિઃ સમાયુક્તઃ પ્રેતમોક્ષે કરોતિ હિ