Scripture Library

Garuda Purana · Chapter 2.31

2.31.1

iti śrīgāruḍe mahāpurāṇe uttarakhaṇḍe dvitīyāṃśe dharmakāṇḍe pretakalpe śrīkṛṣṇagaruḍasaṃvāde nānādānanirūpaṇaṃ nāma triṃso 'dhyāyaḥ
śrīgaruḍamahāpurāṇam- 31
śrīviṣṇuruvāca /
ye narāḥ pāpasaṃyuktāste gacchanti yamālayam /
nṛṇāṃ matsākṣikaṃ dattamanantaphaladaṃ bhavet

2.31.2

yāvadrajaḥ pramāṇābdaṃsvarge tiṣṭhati bhūmidaḥ /
aśvārūḍhāśca te yānti dadate ye hyupānahau

2.31.3

ātape śramayogena na dahyante ca kutracit /
chattradānena vai pretā vicaranti sukhaṃ pathi

2.31.4

yamuddiśya dadātyannaṃ tena cāpyāyito bhavet

2.31.5

andhakāre mahāghore amūrte lakṣyavarjite /
uddyotenaiva te yānti dīpadānena mānavāḥ

2.31.6

āśvine kartike vāpi māghe mṛtatithāvapi /
caturdaśyāñca dīyeta dīpadānaṃ sukhāya vai

2.31.7

pratyahañca pradātavyaṃ mārge suviṣame naraiḥ /
yāvat saṃvatsaraṃ vāpi pretasya sukhalipsayā

2.31.8

kule dyotati śuddhātmā prakāśatvaṃ sa gacchati /
jyotirmayo 'sau pūjyo 'sau dīpadānaprado naraḥ

2.31.9

prāṅmukhodaṅmukhaṃ dīpaṃ devāgāre dvijātaye /
kuryādyāmyamukhaṃ pitre adbhiḥ saṅkalpya susthiram

2.31.10

sarvopahārayuktāni padānyatra trayodaśa /
yo dadāti mṛtasyeha jīvannapyātmahetave /
sa gacchati mahāmārge mahākaṣṭavivarjitaḥ

2.31.11

āsanaṃ bhājanaṃ bhojyaṃ dīyate yaddvijāyate /
sukhe na bhuñjamānastu dena gacchatyalaṃ pathi

2.31.12

kamaṇḍalupradānena tṛṣitaḥ pibate jalam

2.31.13

bhājanaṃ vastradānañca kusumañcāṅgulīyakam /
ekādaśā he dātavyaṃ pretoddharaṇahetave

2.31.14

trayodaśa padānītthaṃ pretasya śubhamicchatā /
dātavyāni yathāśaktyā preto 'sau prīṇito bhavet

2.31.15

bhojanā ni tilāṃścaiva udakumbhāṃstrayodaśa /
mudrikāṃ vastrayugmañca tayā yāti parāṃ gatim

2.31.16

yo 'śvaṃ nāvaṃ gajaṃ vāpi brāhmaṇe pratipādayet /
sa mahimno 'nusāreṇa tattatsukhamupāśnute

2.31.17

nānālokān vicarati mahiṣīñca dadāti yaḥ /
yamaputtrasya yā mātā mahiṣī sugatipradā

2.31.18

tāmbūlaṃ kusumaṃ deyaṃ yāmyānāṃ harṣavardhanam /
tena samprīṇitāḥ sarve tasmin kleśaṃ na kurvate

2.31.19

go-bhū-tila-hiraṇyāni dānānyāhuḥ svaśaktitaḥ

2.31.20

mṛtoddeśena yo yadyājjalapātrañca mṛnmayam /
udapātrasahasrasya phalamāpnoti mānavaḥ

2.31.21

yamadūtā mahāraudrāḥ karālāḥ kṛṣṇapiṅgalāḥ /
na bhīṣayanti taṃ yāmyā vastradāne kṛte sati

2.31.22

mārge hi gacchamānastu tṛṣṇārtaḥ śramapīḍitaḥ /
ghaṭānnadānayogena sukhī bhavati niścitam

2.31.23

śayyā dakṣiṇayā yuktā āyudhāmbarasaṃyutā /
haimaśrīpatinā yuktā deyā viprāya śarmaṇe /
tathā pretatvamukto 'sau modate saha daivataiḥ

2.31.24

etat te kathitaṃ tārkṣya dānamantyeṣṭikarmajam /
adhunā kathayiṣye 'hamanyadehapraveśanam

2.31.25

jātasya mṛtyuloke vai prāṇino maraṇaṃ dhruvam /
mṛtiḥ kuryāt svadharmeṇa yāsyataśca parantapa

2.31.26

pūrvakāle mṛtānāñca prāṇināñca khageśvara /
sūkṣmobhūtvā tvasau vāyurnirgacchatyāsyamaṇḍalāt

2.31.27

navadvārai romabhiśca janānāṃ tālurandhrake /
pāpiṣṭhānāmapānena jīvo niṣkrāmati dhruvam

2.31.28

śarīrañca patet paścānnirgate marutīśvare /
vātāhataḥ patatyeva nirādhāro yathā drumaḥ

2.31.29

pṛthivyāṃ līyate pṛthvī āpaścaiva tathāpsu ca /
tejastejasi līyate samīraṇaḥ samīraṇe /
ākāśe ca tathā kāśaḥ sarvavyāpī ca śaṅkare

2.31.30

tatra kāmastathā krodhaḥ kāye pañcendriyāṇi ca /
ete tārkṣya samākhyātā dehe tiṣṭhanti taskarāḥ

2.31.31

kāmaḥ krodho hyahaṅkāro manastatraiva nāyakaḥ /
saṃhārakaśca kālo 'yaṃ puṇyapāpasamanvitaḥ

2.31.32

jagataśca svarūpantu nirmitaṃ svena karmaṇā /
punardehāntaraṃ yāti sukṛtairduṣkṛtairnaraḥ

2.31.33

pañcendriyasamāyuktaṃ sakalairviṣyaiḥ saha /
praviśet sa navaṃ dehaṃ gṛhe dagdhe yathā gṛhī

2.31.34

śarīre ye samāsīnā sambhavet sarvadhātavaḥ /
ṣāṭkauśiko hyayaṃ kāyo mātā pitrośca dhātavaḥ

2.31.35

sambhaveyustathā tārkṣya sarve vātāśca dehinām /
mūtraṃ purīṣaṃ tadyogā ye cānye vyādhayastathā

2.31.36

asthi śukraṃ tathā snāyuḥ dehena saha dahyate /
eṣa te kathitastārkṣya vināśaḥ sarvadehinām

2.31.37

kathayāmi punasteṣāṃ śarīrañca yathā bhavet /
ekastambhaṃ snāyubaddhaṃ sthūṇādvayasamuddhṛtam

2.31.38

indriyaiśca samāyuktaṃ navadvāraṃ śarīrakam /
viṣayaiśca samākrāntaṃ kāma-krodhasamākulam

2.31.39

rāga-dveṣasamākīrṇaṃ tṛṣṇādurgasudustaram /
lobhajālasamāyuktaṃ puraṃ puruṣasaṃjñitam

2.31.40

etadguṇasamāyuktaṃ śarīraṃ sarvadehinām /
tiṣṭhanti devatāḥ sarvā bhuvanāni caturdaśa

2.31.41

ātmānaṃ ye na jānanti te narāḥ paśavaḥ smṛtāḥ /
evametanmayākhyātaṃ śarīraṃ te caturvidham

2.31.42

caturaśītilakṣāṇi nirmitā yonayaḥ purā /
udbhijjāḥ svedajāścaiva aṇḍajāśca jarāyujāḥ

2.31.43

etatte sarvamākhyātaṃ yatpṛṣṭohaṃ tvayānagha

Original text: Garuḍapurāṇa · Edition: Bombay : Venkatesvara Steam Press (or a reprint thereof) · Data entry members of the Sansknet Project · GRETIL (Göttingen) · CC BY-NC-SA 4.0