Garuda Purana · Chapter 2.11

iti śrīgāruḍe mahāpu- uttarakhaṇḍe dvitīdṛdharmadṛpretakalpe śrīkṛṣṇagaruḍasaṃvāde śrāddhasya tṛptidatvādinirūpaṇaṃ nāma daśamo 'dhyāyaḥ
śrīgaruḍamahāpurāṇam- 11
garuḍa uvāca /
mānuṣatvaṃ labhetkasmānmṛtyumāpnoti tatkatham /
mriyate kaḥ suraśreṣṭha dehamāśritya kutracit

indriyāṇi kuto yānti hyaspṛśyaḥ sa kathaṃ bhavet /
kva karmāṇi kṛtānīha kathaṃ bhuṅkte prasarpati

prasādaṃ kuru me mohaṃ chettumarhasyaśeṣataḥ /
kāśyapo 'haṃ suraśreṣṭha vinatāgarbha saṃbhavaḥ /
yamalokaṃ kathaṃ yānti viṣṇulokaṃ ca mānavāḥ

śrīkṛṣṇa uvāca /
parasya yoṣitaṃ hṛtvā brahmasvamapahṛtya ca

araṇye nirjane deśe jāyate brahmarākṣasaḥ /
hīnajātau prajāyeta ratnānāmapahārakaḥ

yaṃyaṃ kāmamabhidhyāyetsa talliṅgo 'bhijāyate /
nainaṃ chindanti śastrāṇi nainaṃ dahati pāvakaḥ

na cainaṃ kledayantyāpo na śoṣayati mārutaḥ /
vāk cakṣurnāsikā karṇau gudaṃ mūtrasya sañcaraḥ

aṇḍajādikajantūnāṃ chidrāṇyetāni sarvaśaḥ /
ānābhermūrdhaparyantamūrdhvacchidrāṇi cāṣṭa vai

santaḥ sukṛtino martyā ūrdhvacchidreṇa yānti vai /
mṛtāhe vārṣikaṃ yāvadyathoktavidhinā khaga

kuryātsarvāṇi karmāṇi nirdhano 'pi hi mānavaḥ /
dehe yatra vasejjantustatra bhuṅkte śubhāśubham

manovākkāyajāndoṣāṃstathāṃ bhuṅkte khageśvara /
mṛtaḥ sa sukhamāpnoti māyāpāśairna badhyate /
pāśabaddho naro yastu vikarmanirato bhavet