ગરુડ પુરાણ · અધ્યાય 2.11

ઇતિ શ્રીગારુડે મહાપુ- ઉત્તરખણ્ડે દ્વિતીદૃધર્મદૃપ્રેતકલ્પે શ્રીકૃષ્ણગરુડસંવાદે શ્રાદ્ધસ્ય તૃપ્તિદત્વાદિનિરૂપણં નામ દશમો ઽધ્યાયઃ
શ્રીગરુડમહાપુરાણમ્- 11
ગરુડ ઉવાચ ।
માનુષત્વં લભેત્કસ્માન્મૃત્યુમાપ્નોતિ તત્કથમ્ ।
મ્રિયતે કઃ સુરશ્રેષ્ઠ દેહમાશ્રિત્ય કુત્રચિત્

ઇન્દ્રિયાણિ કુતો યાન્તિ હ્યસ્પૃશ્યઃ સ કથં ભવેત્ ।
ક્વ કર્માણિ કૃતાનીહ કથં ભુઙ્ક્તે પ્રસર્પતિ

પ્રસાદં કુરુ મે મોહં છેત્તુમર્હસ્યશેષતઃ ।
કાશ્યપો ઽહં સુરશ્રેષ્ઠ વિનતાગર્ભ સંભવઃ ।
યમલોકં કથં યાન્તિ વિષ્ણુલોકં ચ માનવાઃ

શ્રીકૃષ્ણ ઉવાચ ।
પરસ્ય યોષિતં હૃત્વા બ્રહ્મસ્વમપહૃત્ય ચ

અરણ્યે નિર્જને દેશે જાયતે બ્રહ્મરાક્ષસઃ ।
હીનજાતૌ પ્રજાયેત રત્નાનામપહારકઃ

યંયં કામમભિધ્યાયેત્સ તલ્લિઙ્ગો ઽભિજાયતે ।
નૈનં છિન્દન્તિ શસ્ત્રાણિ નૈનં દહતિ પાવકઃ

ન ચૈનં ક્લેદયન્ત્યાપો ન શોષયતિ મારુતઃ ।
વાક્ ચક્ષુર્નાસિકા કર્ણૌ ગુદં મૂત્રસ્ય સઞ્ચરઃ

અણ્ડજાદિકજન્તૂનાં છિદ્રાણ્યેતાનિ સર્વશઃ ।
આનાભેર્મૂર્ધપર્યન્તમૂર્ધ્વચ્છિદ્રાણિ ચાષ્ટ વૈ

સન્તઃ સુકૃતિનો મર્ત્યા ઊર્ધ્વચ્છિદ્રેણ યાન્તિ વૈ ।
મૃતાહે વાર્ષિકં યાવદ્યથોક્તવિધિના ખગ

કુર્યાત્સર્વાણિ કર્માણિ નિર્ધનો ઽપિ હિ માનવઃ ।
દેહે યત્ર વસેજ્જન્તુસ્તત્ર ભુઙ્ક્તે શુભાશુભમ્

મનોવાક્કાયજાન્દોષાંસ્તથાં ભુઙ્ક્તે ખગેશ્વર ।
મૃતઃ સ સુખમાપ્નોતિ માયાપાશૈર્ન બધ્યતે ।
પાશબદ્ધો નરો યસ્તુ વિકર્મનિરતો ભવેત્