Garuda Purana · Chapter 1.237

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ātmajñānasvarūpavarṇanaṃ nāma ṣaṭtriṃśaduttaradviśatatamo 'dhyāyaḥ
śrīgaruḍamahāpurāṇam- 237
śrībagavānuvāca /
gītāsāraṃ pravakṣyāmi arjunāyoditaṃ purā /
aṣṭāṅgayogayuktātmā sarvavedāntapāragaḥ

ātmalābhaḥ paro nānya atmadehādivarjitaḥ /
hīnarūpādidehāntaḥ karaṇatvādilocanaḥ

bijñānarahitaḥ prāṇaḥ suṣuptau hi pratīyate /
nāhamātmā ca duḥ khādisaṃsārādisamanvayāt

vidhūma iva dīptārcirādīpta (ditya) iva dīptimān /
vaidyuto 'gnirivākāśe hṛtsaṅge ātmanātmani

śrotrādīni na paśyanti svaṃsvamātmānamātmanā /
sarvajñaḥ sarvadarśo ca kṣetrajñastāni paśyanti

yadā prakāśate hyātmā paṭe dīpo jvalanniva /
jñānamutpadyate puṃsāṃ kṣayātpāpasya karmaṇaḥ

yathādarśatalaprakhye paśyatyātmānamātmani /
indriyāṇīndriyārthāṃśca mahābhūtāni pañcakam

manobuddhirahaṅkāramavyaktaṃ puruṣaṃ tathā /
prasaṃkhyāya paraṃvyāpto vimukto bandhavairbhavet

indriyagrāmamakhilaṃ manasābhiniveśya ca /
manaścaivāpyahaṅkāre pratiṣṭhāpya ca pāṇḍava

ahaṃ kāraṃ tathā buddhau buddhiṃ ca prakṛtāvapi /
prakṛtiṃ puruṣe sthāpya puruṣaṃ brahmaṇi nyaset

ahaṃ bahma paraṃ jyotiḥ prasaṃkhyāya vimucyate /
navadvāramidaṃ gehaṃ tisṛṇāṃ?pañcasākṣikam

kṣetrajñādhiṣṭhitaṃ vidvānyo veda sa varaḥ kaviḥ /
aśvamedhasahasrāṇi vājapeyaśatāni ca /
jñānayajñasya sarvāṇi kalāṃ nārhanti ṣocśīm