Garuda Purana · Chapter 1.236

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe brahmavijñānasvarūpaṇaṃ nāma pañcatriṃśaduttaradviśatatamo 'dhyāyaḥ
śrīgaruḍamahāpurāṇam- 236
śrībhagavānuvāca /
ātmajñānaṃ pravakṣyāmi śṛṇu nārada tattvataḥ /
advaitaṃ sāṅkhyamityāhuryogastatraikacittatā

advaitayogasampannāste mucyante 'tibandhanāt /
atītārabdhamāgāmi karma naśyati bodhataḥ

sadvicārakuṭhāreṇa cchinnasaṃsārapādapaḥ /
jñānavairāgyatīrthena labhate vaiṣṇavaṃ padam

jāgratsvapnasuṣuptaṃ ca māyā tripuramucyate /
atraivāntargataṃ sarvaṃ śāśvate nādvaye pade

nāmarūpakriyāhīnaṃ sarvaṃ tatparamaṃ padam /
jagatkṛtveśvaro 'nantaṃ svayamatra praviṣṭavān

vedāhametaṃ puruṣaṃ cidrūpaṃ tamasaḥ param /
so 'hamasmīti mokṣāya nānyaḥ panthā vimuktaye

śravaṇaṃ mananaṃ dhyānaṃ jñānānāṃ caiva sādhanam /
yajñadānatapastīrthavedairmuktirna labhyate

tyāgena kenaciddhyānapūjākarmādibhiryathā /
dvividhaṃ vedavacanaṃ kuru karma tyajeti ca

yajñādayo vimuktānāṃ niṣkāmānāṃ vimuktaye /
antaḥ karaṇaśuddhyarthamūcurevātra kecana

ekena janmanā jñānanmuktirna dvaitabhāvinām /
yogabhraṣṭāḥ kuyogāśca viprā yogikulodbhavāḥ

karmaṇā badhyate janturjñānānmukto bhavādbhavet /
ātmajñānantvāśrayedvai ajñānaṃ yadato 'nyathā

yadā sarve vimucyante kāmā yesyahṛdi sthitāḥ /
tadāmṛtatvamāpnoti jīvanneva na saṃśayaḥ

vyāpakatvātkathaṃ yāti ko yāti kva sa yāti ca /
anantatvānnadeśo 'sti amūrtitvādgatiḥ kutaḥ

advayatvānna ko 'pyasti bodhatvājjaḍatā kutaḥ /
ekoddiṣṭaṃ yadanyasya mativāggatisaṃsthiti (m)

kathamākāśakalpasya gatirāgatisaṃsthiti /
jāgratsvapnasuṣuptaṃ ca māyayā parikalpitam

vastu taijasakaṃ prājñe yattu puṇyamakhaṇḍakam /
yathā te priyātmā naḥ sarveṣāṃ ca tathā priyaḥ

bodhamārge yathā cittaṃ sarveṣāṃ ca tathā mate /
sarvadā sarvabhūtānāṃ sarvasya ca mahāmune

nāhamatrātmavijñānaṃ tasmātpūrṇaṃ nirantaram /
jāgratsvapnaṃ tathā vṛttaṃ sauṣuptasukhameva ca

smaraṇaṃ vismṛtārthasya nāsti cetkasya jāyate /
satyamastu tathā vāṇu aśarīraṃ paraṃ tathā

nāsti cetsukhaduḥ khānāṃ sarveṣāṃ vedanaṃ katham /
sadā sarvatra sarvajñaḥ sarvasya hṛdaye na yet

sākṣibhūtaḥ samāśritya ko jānāti viceṣṭitam /
satya jñānānanta bhinnaṃ syānnasatyaṃ jñānataḥ pṛthak

nānantyātpṛthagānandaṃ nāpyamānandataḥ pṛthak /
tvameva paramaṃ brahma satyajñānādilakṣaṇam

ahaṃ brahma paraṃ tattvaṃ jñātvā tvakhilavidbhavet /
yathaikamṛnmaye jñāte sarvametaccarācaram

yathaikahemamaṇinā sarvaṃ hemamayaṃ bhavet /
jñānaṃ tathaivamīśena jñānināpyakhilaṃ jagat

yathāndhakāradoṣeṇa rajjuḥ samyaṅnadṛśyate /
yathā saṃmohadoṣeṇa cātmā samyaṅnadṛśyate

sarpadhārādibhirbhedarainyathā vastukalpanam /
vyomādinā sarūpādyairanyathātmā prakalpyate

pratyakṣamapi yaddravyandurdarśamiti bhāṣate /
vyomādinā sarūpādyairanyathā kalpitaistathā

tathā hi rajjururagaḥ śuktiḥ kārajataṃ yathā /
mṛgatṛṣṇāpathāyāmbhastṛptiṃ viṣṇo tathā jagat

hāhiṣṇodvijā kathi dbhohamitidṛ /
grahanāśātpunardhyāyanbrāhmaṇyaṃ manyate yathā

māyāviṣṭastathā jīvo dehohamiti manyate /
māyānāśātpunaḥ svīyarūpaṃ brahmāsmi manyate

grahanāśādyathā mānyajanokrūramavekṣate /
svarūpadarśanāccāyaṃ māyā nāśantayā vinā

anāditvaṃ samaṃ dvābhyāṃ svarūpaṃ tadvilakṣaṇam /
ekaḥ satyaṃ tathā bhāgī vicāreṇa paraṃ mṛṣā

ajopi hi sakṛtpretya saṃbhavāmyātmamāyayā /
māyecchayā dvidhā sa syātpatiḥ patnī sukhaṃ jagat

aṣṭāviṃśatibhedaistu traiguṇyaṃ vidyate pṛthak /
caturaśītirlakṣyante naranāryākṛtīni ca

eṣuviśvaṃ prabhavati khaṇḍajaṃ māyayā yathā /
ādāvante ca santyete nāmarūpakriyādayaḥ

sattāvakalpanaṃ kāle na santi paramārthataḥ /
yathā rathādayaḥ svapne santo naiva ca satyataḥ

tathā jāgradavasthāyāṃ bhūtāni na tu sannidhau /
dvairūpyaṃ māyayā yāti jāgratsvapnapadajña (kṣa) yoḥ

evametatparaṃ brahma svapnajāgratpadadvaye /
suṣuptamacalaṃ rūpamadvayaṃ padamucyate

māyāvicārasiddhaiva vicāreṇa vilīyate /
āpātarahitā sāpi kalpanā kālavartinī

evaṃ tasyā (dātyā) tmanādityaṃ siddhamekasya satyajā /
satostitvaṃ vasātitvādastitvāsatyatāṃ tataḥ

jñānaṃ tatopyananto naḥ pūrṇontaḥ śukamātmanā /
na nityabhāvājjātohamakṛtvādamṛtosmyaham /
dīpavaddhṛdaye jyotirahaṃ brahmāsmi muktaye