Garuda Purana · Chapter 1.238

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śrīmadbhagavadgītāsāranirūpaṇaṃ nāma saptatriṃśaduttaradviśatatamo 'dhyāyaḥ
śrīgaruḍamahāpurāṇam- 238
śrībhagavānuvāca /
yamaśca niyama.pārtha āsanaṃ prāṇasaṃyamaḥ /
pratyāhārastathā dhyānaṃ dhāraṇārjuna saptamī

samādhiriti cāṣṭāṅgo yoga ukto vimuktaye /
karmaṇā manasā vācā sarvabhūteṣu sarvadā

hiṃsāvirāmako dharmo hyāhiṃsā paramaṃ sukham /
vidhinā yā bhaveddhiṃsā sā tvahiṃsā prakīrtitā

satyaṃ brūyātpriyaṃ brūyānna brūyātsatyamapriyam /
priyaṃ ca nānṛtaṃ brūyādeṣa dharmaḥ sanātanaḥ

yaccadravyāpaharaṇaṃ cauryādvātha balena vā /
steyaṃ tasyānācaraṇamasteyaṃ dharmasādhanam

karmaṇā manasā vācā sarvāvasthāsu sarvadā /
sarvatra maithunatyāgaṃ brahmacaryaṃ pracakṣate

dravyāṇāmapyanādānamāpatsvapi tathecchayā /
aparigrahamityāhustaṃ prayatnena varjayet

dvidhā śaucaṃ mṛjjalābhyāṃ bāhya bhāvādathāntarāt /
yadṛcchālābhatastuṣṭiḥ santoṣaḥ sukhalakṣaṇam

manasaścaindriyāṇāṃ ca aikāgryaṃ paramaṃ tapaḥ /
śarīraśoṣaṇaṃ vāpi kṛcchracāndrāyaṇādibhiḥ

vedāntaśatarudrīyapraṇavādijapa budhāḥ /
sattvaśuddhikaraṃ puṃsāṃ svādhyāyaṃ paricakṣate

stutismaraṇapūjādivāṅmanaḥ kāyakarmabhiḥ /
aniścalā harau bhaktiretadīśvaracintanam /
āsanaṃ svastikaṃ proktaṃ padmamardhāsanaṃ tathā

prāṇaḥ svadehajo vāyurāyāmastannirodhanam /
indriyāṇāṃ vicaratāṃ viṣayeṣu tvasatsviva