Garuda Purana · Chapter 1.224

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yugadharmakathanaṃ nāma trayoviṃśatyadhikadviśatatamo 'dhyāyaḥ
śrīgaruḍamahāpurāṇam- 224
sūta uvāca /
caturyugasahasrānte brāhmo naimittiko layaḥ /
anāvṛṣṭiśca kalpānte jāyate śatavārṣikī

utiṣṭhanti tadā raudrā divi sapta divākarāḥ /
te tu pītvā jalaṃ sarvaṃ śoṣayanti jagattrayam

bhūrbhuvaḥ svarmaharlokaṃ carācaraṃ janastathā /
viṣṇuśca rudro bhūtvāsau pātālāni dahatyadhaḥ

viṣṇurdahettrilokañci mukhānmeghān sṛjatyalam /
varṣante vai varṣaśataṃ nānāvarṇā mahāghanāḥ

viṣṇurūpaḥśataṃ vāti varṣāṇāṃ vāyurūrjitaḥ /
viṣṇure kārṇavī bhūte varṣe brahmasvarūpadhṛk /
śete 'nantāsane viṣṇurnaṣṭe sthāvarajaṅgame

suptvā varṣasahasraṃ sa jagadbhūyo 'sṛjaddhariḥ /
atha prākṛtikaṃ vakṣye pralayaṃ śṛṇu śaunaka

pūrṇe saṃvatsaraśate saṃhṛtya sakalaṃ jagat /
brahmāṇaṃ nyasya dehe hi mukto yogabalairhariḥ

ye gatā brahmaṇaḥ sthānaṃ te 'pi yānti paraṃ padam /
anāvṛṣṭyarkasampannā āsanmeghāstathā dvija /
śataṃ varṣāṇi varṣadbhirmedhairaṇḍaṃ prapūryate

antargatena toyena bhinnamaṇḍaṃ jagatpateḥ /
pūrṇe brahmāyuṣi gate bhidyate 'mbhasi līyate

evaṃ sā jagadādhārā toye corvo pralīyate /
āpastejasi līyante tejo vāyau pralīyate

vāyuḥ khe khañca bhūtādau viśate ca tadā mahān /
mahānprapadyate 'vyaktaṃ prakṛtiḥ puruṣe pare

śatavarṣaṃ hariḥ śete sṛjatyatha dinagame /
avyaktādikrameṇaiva vyaktībhūtaṃ carācaram