ગરુડ પુરાણ · અધ્યાય 1.224

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે યુગધર્મકથનં નામ ત્રયોવિંશત્યધિકદ્વિશતતમો ઽધ્યાયઃ
શ્રીગરુડમહાપુરાણમ્- 224
સૂત ઉવાચ ।
ચતુર્યુગસહસ્રાન્તે બ્રાહ્મો નૈમિત્તિકો લયઃ ।
અનાવૃષ્ટિશ્ચ કલ્પાન્તે જાયતે શતવાર્ષિકી

ઉતિષ્ઠન્તિ તદા રૌદ્રા દિવિ સપ્ત દિવાકરાઃ ।
તે તુ પીત્વા જલં સર્વં શોષયન્તિ જગત્ત્રયમ્

ભૂર્ભુવઃ સ્વર્મહર્લોકં ચરાચરં જનસ્તથા ।
વિષ્ણુશ્ચ રુદ્રો ભૂત્વાસૌ પાતાલાનિ દહત્યધઃ

વિષ્ણુર્દહેત્ત્રિલોકઞ્ચિ મુખાન્મેઘાન્ સૃજત્યલમ્ ।
વર્ષન્તે વૈ વર્ષશતં નાનાવર્ણા મહાઘનાઃ

વિષ્ણુરૂપઃશતં વાતિ વર્ષાણાં વાયુરૂર્જિતઃ ।
વિષ્ણુરે કાર્ણવી ભૂતે વર્ષે બ્રહ્મસ્વરૂપધૃક્ ।
શેતે ઽનન્તાસને વિષ્ણુર્નષ્ટે સ્થાવરજઙ્ગમે

સુપ્ત્વા વર્ષસહસ્રં સ જગદ્ભૂયો ઽસૃજદ્ધરિઃ ।
અથ પ્રાકૃતિકં વક્ષ્યે પ્રલયં શૃણુ શૌનક

પૂર્ણે સંવત્સરશતે સંહૃત્ય સકલં જગત્ ।
બ્રહ્માણં ન્યસ્ય દેહે હિ મુક્તો યોગબલૈર્હરિઃ

યે ગતા બ્રહ્મણઃ સ્થાનં તે ઽપિ યાન્તિ પરં પદમ્ ।
અનાવૃષ્ટ્યર્કસમ્પન્ના આસન્મેઘાસ્તથા દ્વિજ ।
શતં વર્ષાણિ વર્ષદ્ભિર્મેધૈરણ્ડં પ્રપૂર્યતે

અન્તર્ગતેન તોયેન ભિન્નમણ્ડં જગત્પતેઃ ।
પૂર્ણે બ્રહ્માયુષિ ગતે ભિદ્યતે ઽમ્ભસિ લીયતે

એવં સા જગદાધારા તોયે ચોર્વો પ્રલીયતે ।
આપસ્તેજસિ લીયન્તે તેજો વાયૌ પ્રલીયતે

વાયુઃ ખે ખઞ્ચ ભૂતાદૌ વિશતે ચ તદા મહાન્ ।
મહાન્પ્રપદ્યતે ઽવ્યક્તં પ્રકૃતિઃ પુરુષે પરે

શતવર્ષં હરિઃ શેતે સૃજત્યથ દિનગમે ।
અવ્યક્તાદિક્રમેણૈવ વ્યક્તીભૂતં ચરાચરમ્