Garuda Purana · Chapter 1.184

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe tryaśītyadhikaśatatamo 'dhyāyaḥ
śrīgaruḍamahāpurāṇam- 184
hariruvāca /
rajanīkadalīkṣāralepaḥ sidhmavināśanaḥ /
kuṣṭhasya bhāgamekantu pathyābhāgadvayaṃ tathā /
uṣṇodakena saṃpīya kaṭiśūlavināśanam

abhayā navanītañca śarkarāpippalīyutam /
pānādarśoharaṃ syācca nātra kāryā vicāraṇā

āṭarūṣakapatreṇa ghṛtaṃ mṛdvagninā pacet /
cūrṇaṃ kṛtvā tu lepo 'yaṃ arśarogaharaḥ paraḥ

guggulutriphalāyuktaṃ pītvā naśyedbhagandaram /
ajājīśṛṅgaverañca dathā maṇḍaṃ vipācayet

lavaṇena tu saṃyuktaṃ mūtrakṛcchravināśanam /
yavakṣāraṃ śarkarā ca mūtrakṛcchravināśakṛt

citāgniḥ khañjarīṭasya viṣṭhā pheno hayasya ca /
saubhāñjanaṃ vāsanetraṃ nara etaistu dhūpitaḥ /
adṛśyastridaśaiḥ sarvaiḥ kiṃ punarmānavaiḥ śiva

tilatailaṃ yavāndagdhvā maṣīṃ kṛtvā tu lepayet /
tenaiva saha tailena agnidagdhaḥ sukhī bhavet

lajjāloḥ śarapuṅkhāyā lepaḥ sājyo 'gnināśanaḥ /
oṃ namo bhagavate ṭha ṭha chindhi chindhi jvalanaṃ prajvalitaṃ nāśaya nāśaya huṃ phaṭ

kare baddhaṃ tu nirguṇḍyā mūlaṃ jvaraharaṃ drutam /
mūlañca śvetaguñjāyāḥ kṛtvā tatsaptakhaṇḍakam

haste badhvā nāśayecca arśāṃsyeva na saṃśayaḥ /
viṣṇukrāntājamūtreṇa cauravyāghnādirakṣaṇam

brahmadaṇḍyāstu mūlāni sarvakarmāṇi kārayet /
triphalāyāstu cūrṇaṃ hi sājyaṃ kuṣṭhavināśanam

ājyaṃ punarnavābilvaiḥ pippalībhi sādhitam /
hareddhakkāṃ śvāsakāsau pītaṃ strīṇāñca garbhakṛt

bhakṣayedvā narībījaṃ payasājyena pācitam /
ghṛtaśarkarayā yuktaṃ śukraḥ syādakṣayastataḥ

viḍaṅgaṃ madhukaṃ pāṭhāṃ māṃsīṃ sarjarasaṃ tathā /
rahidrāṃ triphalāñcaiva mapāmārgaṃ manaḥ śilām

udumbaraṃ dhātakīñca tilatailena paṣeyet /
yoniṃ liṅgaṃ ca mrakṣeta strīpusoḥ syātpriyaṃ mithaḥ

namaste īśavaradāya ākarṣiṇi vikarṣiṇi mugdhe svāhā iti /
yonilaṅgasya tailena śaṅkara mlakṣaṇāttataḥ

punarnavāmṛtā dūrvā kanakañcaindravāruṇī /
bīje naiṣāṃ jātikāyā rasena rasamardanam

mūṣāya madhyagaṃ kṛtvā rasaṃ māraṇamīritam /
madhvājyasahitaṃ dugdhaṃ valīpalitanāśanam

madhvājyaṃ guḍatāmrañca kāravellarasastathā /
dahanācca bhavedraupyaṃ suvarṇakaraṇaṃ śṛṇu

pītaṃ dharattūpuṣpañca sīsakañca palaṃ matam /
lāṅgalikāyāḥ śākhā ca svarṇañca dahanādbhavet

dhattūrabījatailena dīpaprajvalanāddhara /
samādhāvupaviṣṭantu gaganastho na paśyati

vṛṣasya mṛnmayasyaiva yukto bheko nigṛhyate /
śaṅkarāvayavairyukto dhūpaṃ ghrātvā ca garjati /
vismayaṃ kurute caiva vṛṣavannātra saṃśayaḥ

rātrau ca sārṣapaṃ tailaṃ kīṭaṃ khadyo tanāmakam /
tābhyāṃ dīpaḥ prajvalito vāgmijvālakalāpavat

cūrṇaṃ chucchundarīdhaṃ dagdhvā rudra pralepayet /
tapyate takṣaṇāddagdho yadi samyakpralepayet /
candanena bhavenmokṣaḥ pānāllepātsukhī bhavet

kuñjarasya madāktasya svayaṃ netre śivavāñjayet /
yuddhe vijayate so 'pi mahāśūraśca jāyate

dantaṃ ḍuṇḍubhasarpasya mukhe saṃgṛhya vai kṣipet /
tiṣṭhate ca jalāntastu nirvikalpaṃ sthale yathā

kumbhīranetradaṃṣṭrāśca asthīni rudhiraṃ tathā /
vasātailasamāyuktamekatra tanniyojayet /
ātmānaṃ mlakṣayettena jale tiṣṭheddinatrayam

kumbhīrakasya netrāṇi hṛdayaṃ kacchapasya ca /
mūṣikasya vasāsthīni śiśumāravasā tathā /
etānyekatra saṃlepājjale tiṣṭhedyathā gṛhe

lohacūrṇaṃ takrapītaṃ pāṇḍurogaharaṃ bhavet /
taṇḍulīya kagokṣūramūlaṃ pītaṃ payonvitam

kamalādiharaṃpitaṃ mukharogaharaṃ tathā /
jātīmūlaṃ takrapītaṃ kolamūlaṃ tvajīrṇanut

satakraṃ kuśamalaṃ vā markaṭī mūlameva vā /
kāñjikena ca vākucyā mūlaṃ vai dantaroganut

tathendravāruṇīmūlaṃ vāripītaṃ viṣādihṛt /
surabhikāmūlapā nādvā tannāśo bhavecchiva

śirorogaharaṃ lepādguñjācūrṇaṃ sakāñjikam /
balā cātibalā yaṣṭī śarkarā madhusaṃyutā

vandhyāgarbhakarī pītā nātra kāryā vicāraṇā /
śvetāparājitāmūlaṃ pippalīśuṇṭhikāyutam

paripiṣṭaṃ śirolepācchiraḥ śūlavināśanam /
nirguṇḍikāśikhāṃ pītvā gaṇḍamālāṃ vināśayet

ketakīpatrajaṃ kṣāraṃ guḍena saha bhakṣayet /
takreṇa śarapuṅkhāṃ vā pītvā plīhāṃ vināśayet

mātulaṅgasya niryāsaṃ guḍājyena samanvitam /
vātapittajaśūlāni hanti vai pānayogataḥ /
śuṇṭhī sauvarcalaṃ hiṅgu pītaṃ hṛdayaroganut