ગરુડ પુરાણ · અધ્યાય 1.184

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ત્ર્યશીત્યધિકશતતમો ઽધ્યાયઃ
શ્રીગરુડમહાપુરાણમ્- 184
હરિરુવાચ ।
રજનીકદલીક્ષારલેપઃ સિધ્મવિનાશનઃ ।
કુષ્ઠસ્ય ભાગમેકન્તુ પથ્યાભાગદ્વયં તથા ।
ઉષ્ણોદકેન સંપીય કટિશૂલવિનાશનમ્

અભયા નવનીતઞ્ચ શર્કરાપિપ્પલીયુતમ્ ।
પાનાદર્શોહરં સ્યાચ્ચ નાત્ર કાર્યા વિચારણા

આટરૂષકપત્રેણ ઘૃતં મૃદ્વગ્નિના પચેત્ ।
ચૂર્ણં કૃત્વા તુ લેપો ઽયં અર્શરોગહરઃ પરઃ

ગુગ્ગુલુત્રિફલાયુક્તં પીત્વા નશ્યેદ્ભગન્દરમ્ ।
અજાજીશૃઙ્ગવેરઞ્ચ દથા મણ્ડં વિપાચયેત્

લવણેન તુ સંયુક્તં મૂત્રકૃચ્છ્રવિનાશનમ્ ।
યવક્ષારં શર્કરા ચ મૂત્રકૃચ્છ્રવિનાશકૃત્

ચિતાગ્નિઃ ખઞ્જરીટસ્ય વિષ્ઠા ફેનો હયસ્ય ચ ।
સૌભાઞ્જનં વાસનેત્રં નર એતૈસ્તુ ધૂપિતઃ ।
અદૃશ્યસ્ત્રિદશૈઃ સર્વૈઃ કિં પુનર્માનવૈઃ શિવ

તિલતૈલં યવાન્દગ્ધ્વા મષીં કૃત્વા તુ લેપયેત્ ।
તેનૈવ સહ તૈલેન અગ્નિદગ્ધઃ સુખી ભવેત્

લજ્જાલોઃ શરપુઙ્ખાયા લેપઃ સાજ્યો ઽગ્નિનાશનઃ ।
ઓં નમો ભગવતે ઠ ઠ છિન્ધિ છિન્ધિ જ્વલનં પ્રજ્વલિતં નાશય નાશય હું ફટ્

કરે બદ્ધં તુ નિર્ગુણ્ડ્યા મૂલં જ્વરહરં દ્રુતમ્ ।
મૂલઞ્ચ શ્વેતગુઞ્જાયાઃ કૃત્વા તત્સપ્તખણ્ડકમ્

હસ્તે બધ્વા નાશયેચ્ચ અર્શાંસ્યેવ ન સંશયઃ ।
વિષ્ણુક્રાન્તાજમૂત્રેણ ચૌરવ્યાઘ્નાદિરક્ષણમ્

બ્રહ્મદણ્ડ્યાસ્તુ મૂલાનિ સર્વકર્માણિ કારયેત્ ।
ત્રિફલાયાસ્તુ ચૂર્ણં હિ સાજ્યં કુષ્ઠવિનાશનમ્

આજ્યં પુનર્નવાબિલ્વૈઃ પિપ્પલીભિ સાધિતમ્ ।
હરેદ્ધક્કાં શ્વાસકાસૌ પીતં સ્ત્રીણાઞ્ચ ગર્ભકૃત્

ભક્ષયેદ્વા નરીબીજં પયસાજ્યેન પાચિતમ્ ।
ઘૃતશર્કરયા યુક્તં શુક્રઃ સ્યાદક્ષયસ્તતઃ

વિડઙ્ગં મધુકં પાઠાં માંસીં સર્જરસં તથા ।
રહિદ્રાં ત્રિફલાઞ્ચૈવ મપામાર્ગં મનઃ શિલામ્

ઉદુમ્બરં ધાતકીઞ્ચ તિલતૈલેન પષેયેત્ ।
યોનિં લિઙ્ગં ચ મ્રક્ષેત સ્ત્રીપુસોઃ સ્યાત્પ્રિયં મિથઃ

નમસ્તે ઈશવરદાય આકર્ષિણિ વિકર્ષિણિ મુગ્ધે સ્વાહા ઇતિ ।
યોનિલઙ્ગસ્ય તૈલેન શઙ્કર મ્લક્ષણાત્તતઃ

પુનર્નવામૃતા દૂર્વા કનકઞ્ચૈન્દ્રવારુણી ।
બીજે નૈષાં જાતિકાયા રસેન રસમર્દનમ્

મૂષાય મધ્યગં કૃત્વા રસં મારણમીરિતમ્ ।
મધ્વાજ્યસહિતં દુગ્ધં વલીપલિતનાશનમ્

મધ્વાજ્યં ગુડતામ્રઞ્ચ કારવેલ્લરસસ્તથા ।
દહનાચ્ચ ભવેદ્રૌપ્યં સુવર્ણકરણં શૃણુ

પીતં ધરત્તૂપુષ્પઞ્ચ સીસકઞ્ચ પલં મતમ્ ।
લાઙ્ગલિકાયાઃ શાખા ચ સ્વર્ણઞ્ચ દહનાદ્ભવેત્

ધત્તૂરબીજતૈલેન દીપપ્રજ્વલનાદ્ધર ।
સમાધાવુપવિષ્ટન્તુ ગગનસ્થો ન પશ્યતિ

વૃષસ્ય મૃન્મયસ્યૈવ યુક્તો ભેકો નિગૃહ્યતે ।
શઙ્કરાવયવૈર્યુક્તો ધૂપં ઘ્રાત્વા ચ ગર્જતિ ।
વિસ્મયં કુરુતે ચૈવ વૃષવન્નાત્ર સંશયઃ

રાત્રૌ ચ સાર્ષપં તૈલં કીટં ખદ્યો તનામકમ્ ।
તાભ્યાં દીપઃ પ્રજ્વલિતો વાગ્મિજ્વાલકલાપવત્

ચૂર્ણં છુચ્છુન્દરીધં દગ્ધ્વા રુદ્ર પ્રલેપયેત્ ।
તપ્યતે તક્ષણાદ્દગ્ધો યદિ સમ્યક્પ્રલેપયેત્ ।
ચન્દનેન ભવેન્મોક્ષઃ પાનાલ્લેપાત્સુખી ભવેત્

કુઞ્જરસ્ય મદાક્તસ્ય સ્વયં નેત્રે શિવવાઞ્જયેત્ ।
યુદ્ધે વિજયતે સો ઽપિ મહાશૂરશ્ચ જાયતે

દન્તં ડુણ્ડુભસર્પસ્ય મુખે સંગૃહ્ય વૈ ક્ષિપેત્ ।
તિષ્ઠતે ચ જલાન્તસ્તુ નિર્વિકલ્પં સ્થલે યથા

કુમ્ભીરનેત્રદંષ્ટ્રાશ્ચ અસ્થીનિ રુધિરં તથા ।
વસાતૈલસમાયુક્તમેકત્ર તન્નિયોજયેત્ ।
આત્માનં મ્લક્ષયેત્તેન જલે તિષ્ઠેદ્દિનત્રયમ્

કુમ્ભીરકસ્ય નેત્રાણિ હૃદયં કચ્છપસ્ય ચ ।
મૂષિકસ્ય વસાસ્થીનિ શિશુમારવસા તથા ।
એતાન્યેકત્ર સંલેપાજ્જલે તિષ્ઠેદ્યથા ગૃહે

લોહચૂર્ણં તક્રપીતં પાણ્ડુરોગહરં ભવેત્ ।
તણ્ડુલીય કગોક્ષૂરમૂલં પીતં પયોન્વિતમ્

કમલાદિહરંપિતં મુખરોગહરં તથા ।
જાતીમૂલં તક્રપીતં કોલમૂલં ત્વજીર્ણનુત્

સતક્રં કુશમલં વા મર્કટી મૂલમેવ વા ।
કાઞ્જિકેન ચ વાકુચ્યા મૂલં વૈ દન્તરોગનુત્

તથેન્દ્રવારુણીમૂલં વારિપીતં વિષાદિહૃત્ ।
સુરભિકામૂલપા નાદ્વા તન્નાશો ભવેચ્છિવ

શિરોરોગહરં લેપાદ્ગુઞ્જાચૂર્ણં સકાઞ્જિકમ્ ।
બલા ચાતિબલા યષ્ટી શર્કરા મધુસંયુતા

વન્ધ્યાગર્ભકરી પીતા નાત્ર કાર્યા વિચારણા ।
શ્વેતાપરાજિતામૂલં પિપ્પલીશુણ્ઠિકાયુતમ્

પરિપિષ્ટં શિરોલેપાચ્છિરઃ શૂલવિનાશનમ્ ।
નિર્ગુણ્ડિકાશિખાં પીત્વા ગણ્ડમાલાં વિનાશયેત્

કેતકીપત્રજં ક્ષારં ગુડેન સહ ભક્ષયેત્ ।
તક્રેણ શરપુઙ્ખાં વા પીત્વા પ્લીહાં વિનાશયેત્

માતુલઙ્ગસ્ય નિર્યાસં ગુડાજ્યેન સમન્વિતમ્ ।
વાતપિત્તજશૂલાનિ હન્તિ વૈ પાનયોગતઃ ।
શુણ્ઠી સૌવર્ચલં હિઙ્ગુ પીતં હૃદયરોગનુત્