Garuda Purana · Chapter 1.165

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe kuṣṭharoganidāna nāma catuḥ ṣaṣṭyuttaraśatatamo 'dhyāyaḥ
śrīgaruḍamahāpurāṇam- 165
dhanvantariruvāca /
krimayaśca dvidhā proktā bāhyabhyantarabhedataḥ /
bahirmalakaphāsṛgviṭjanmabhedāccaturvidhāḥ

nāmato viṃśatividhā bāhyāstatra malodbhavāḥ /
tilapramāṇasaṃsthānavarṇāḥ keśāmbarāśrayāḥ

bahupādāśca sūkṣmāśca yūkā likṣāśca nāmataḥ /
dvidhā te koṣṭhapiḍikāḥ kaṇḍūgaṇḍānprakurvate

kuṣṭhaikahetavo 'ntarjāḥ śleṣmajā bāhyasambhavāḥ /
madhurānnaguḍakṣīradadhimatsyanavaudanaiḥ

kaphādāmāśaye jātā vṛddhāḥ sarpanti sarvataḥ /
pṛthubradhnanibhāḥ kecitkecidgaṇḍūpadopamāḥ

rūḍhadhānyāṅkurākārāstanudīrghāstathāṇavaḥ /
śvetāstāmrāvabhāsāśca nāmataḥ saptadhā tu te

antrādā udarāveṣṭā hṛdayādā mahāgudāḥ /
cyuravo darbhakusumāḥ sugandhāste ca kurvate

hṛllāsamāsyaśravaṇamavipākamarocakam /
mūrchācchardijvarānāhakārśyakṣavathupīnasān

raktavāhiśirāsthānaraktajā jantavo 'ṇavaḥ /
apādā vṛttatāmrāśca saukṣmyātkecidadarśanāḥ

keśādā romavidhvaṃsā romadvīpā udumbarāḥ /
ṣaṭte kuṣṭhaikakarmāṇaḥ sahasaurasamātaraḥ

pakvāśaye purīṣotthā jāyante 'thovisarpiṇaḥ /
vṛddhāste syurbhaveyuśca te yadāmāśayonmukhāḥ

tadāsyodgāraniḥ śvāmaviḍgandhānuvidhāyinaḥ /
pṛthuvṛttatanusthūlāḥ śyāvapītasitāsitāḥ

te pañcanāmnā krimayaḥ kakerukamakerukāḥ /
sausurādāḥ saśūlākhyā lelihā janayanti hi

vaṅbhedaśūlaviṣṭambhakārśyapāruṣyapāṇḍutāḥ /
romaharṣāgnisadanaṃ gudakaṇḍūṃrvimārgagāḥ