Garuda Purana · Chapter 1.164

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe vīsarpanidānaṃ nāma tripaṣṭyadhikaśatatamo 'dhyāyaḥ
śrīgaruḍamahāpurāṇam- 164
dhanvantariruvāca /
mithyāhāravihāreṇa viśeṣeṇa virodhinā /
sādhunindāvadhādyuddhaharaṇādyaiśca sevitaiḥ

pāpmabhiḥ karmabhiḥ sadyaḥ prāktanaiḥ preritāmalāḥ /
śirāḥ prapadya tairyuktāstvagvasāraktamāmiṣam

dūṣayanti ca saṃśoṣya niścarantastato bahiḥ /
tvacaḥ kurvānti vaivarṇyaṃ śiṣṭāḥ kuṣṭhamuśantitam

kālenopekṣitaṃ yatsyātsarvaṃ koṣṭhāni tadvapuḥ /
prapadya dhātūnbāhyāntaḥ sarvānsaṃkledya cāvahet

sasvedakledasaṅkocānkṛmīn sūkṣmāṃścadāruṇān /
lomatvaksnāyudhamanīrākrāmati yathākramam

bhasmācchāditavatkuryādbāhyaṃ kuṣṭhamudāhṛtam /
kuṣṭhāni saptadhā doṣaiḥ pṛthagdvandvaiḥ samāgataiḥ

sarveṣvapi tridoṣeṣu vyapadeśo 'dhikastataḥ /
vātena kuṣṭhaṃ kāpālaṃ pittenaudumbaraṃ kaphāt

maṇḍalākhyaṃ vicarco ca ṛṣyākhyaṃ vātapittajam /
carmaikakuṣṭhaṃ kiṭimaṃ sidhmālasavipādikāḥ

vātaśleṣmodbhavāḥ śleṣmapittāddadrūśatāruṣī /
puṇḍarīkaṃ savisphoṭaṃ pāmā carmadalaṃ tathā

sarvebhyaḥ kākaṇaṃ pūrvatrikaṃ dadru sakākaṇam /
puṇḍarīkaryajihve ca mahākuṣṭhāni sapta tu

atiślakṣṇakharasparśasvedāsvedavivarṇatāḥ /
dāhaḥ kaṇḍūstvaci svāpastodaḥ koconnatistamaḥ

vraṇānāmadhikaṃ śūlaṃ śīghrotpattiścirasthitiḥ /
rūḍhānāmapi rūkṣatvaṃ nimitte 'lpe 'tikopanam

romaharṣo 'sṛjaḥ kārṣṇyaṃ kuṣṭhalakṣaṇamagrajam /
kṛṣṇāruṇakapālābhaṃ yadrūkṣaṃ paruṣaṃ tanu

vistṛtākṛtiparyastandūṣitairlomabhiścitam /
kāpālaṃ todabahulaṃ tatkuṣṭhaṃ viṣamaṃ smṛtam

udumbaraphalābhāsaṃ kuṣṭhamaudumbaraṃ vadet /
vartulaṃ bahulaketyuktaṃ dāharujādhikam

asaṃcchannamadaraṇaṃ kṛmivatsyādudumbaram /
sthiraṃ satyānaṃ guru snigdhaṃ śvetaraktaṃ malānvitam

anyonyasaktapucchūnabahukaṇḍūsnutikṛmi /
ślakṣṇapītābhāsaṃyuktaṃ maṇḍalaṃ parikīrtitam

sakaṇḍūpiṭikā śyāvā sakledā ca vicarcikā /
paruṣantatraraktāntamantaḥ śyāmaṃ samunnatam

ṛṣyajihvākṛtiproktaṃ ṛṣyajihvaṃ bahukrimi /
hasticarmakharasparśaṃ carmākhyaṃ kuṣṭhamucyate

asvedañcamatsyaśalkasannibhaṃ kiṭimaṃ punaḥ /
rūkṣāgnivarṇaṃ duḥ sparśaṃ kaṇḍūmatparuṣāsitam

antā rūkṣaṃ bahiḥ snigdhamantarghṛṣṭaṃ rajaḥ kiret /
ślakṣṇasparśaṃ tanu snigdhaṃ svacchamasvedapuṣpavat

prāyeṇa cordhvakārśyañca kuṇḍaiḥ kaṇḍūparaiścitam /
raktairalaṃśukā pāṇipāde kuryādvipādikā

tīvrārtiṃ gāḍhakaṇḍūñca sarāgapiḍikācitam /
dīrghapratānadūrvāvadatasīkusumacchavi

ucchūnamaṇḍalo dadruḥ kaṇḍūmāniti kathyate /
sthūlamūlaṃ sadāhārti raktastrāvaṃ bahuvraṇam

sādahakakledarujaṃ prāyaśaḥ sarvajanma ca /
raktāktamaṇḍalaṃ pāṇḍu kaṇḍūdāharujānvitam

sotsedhamācitaṃ raktaiḥ kañjaparṇamivāmbubhiḥ /
puṇḍarīkaṃ bhavettaddhi citaṃ sphoṭaiḥ sitāruṇaiḥ

visphoṭapiṭikā pāmā kaṇḍūkledarujānvitāḥ /
sūkṣmā śyāmāruṇā rūkṣā prāyaḥ sphikpāṇikūrpare

sasphoṭasaṃsparśasahaṃ kaṇḍūraktātidāhavat /
raktadalaṃ carmadalaṃ kākaṇaṃ tīvradāharuk

pūrvaraktañca kṛṣṇañca kākaṇaṃ triphalopamam /
kṛṣṇaliṅgairyutaiḥ sarvaiḥ svasvakāraṇato bhavet

doṣabhedāya vihitairādiśelliṅgakarmabhiḥ /
kuṣṭhasvadoṣānugataṃ sarvadoṣagataṃ tyajet

kuṣṭhoktaṃ yacca yaccāsthimajjāśukrasamāśrayam /
kṛcchraṃ medomatañcaiva yāpyaṃ snāpvāsthimāṃsagam

akṛcchraṃ kaphavātotthaṃ tvaggataṃ tvamalañca yat /
tatra tvaci sthite kaṣṭhe kāye vaivarṇyarūkṣātā

svedatāpaśvayathavaḥ śoṇite piśite punaḥ /
pāṇipādāśritāḥ sphoṭāḥ kleśātsandhiṣu cādhikam

doṣasyābhīkṣṇayogena dalanaṃ syācca medasi /
nātisaṃjñāsti majjāsthinetravegasvarakṣyaḥ

kṣate ca krimibhiḥ śukre svadārāpatyabādhanam /
yathāpūrvāṇi sarvāṇi svaliṅgāni mṛgādiṣu

kaṣṭhaikasambhavaṃ śvitraṃ kilāsaṃ dāruṇaṃ bhavet /
nirdiṣṭamaparistrāvi tridhātūdbhavasaṃśrayam

vātādrūkṣāruṇaṃ pittāttāmraṃ kamalapatravat /
sadāhaṃ romavidhvaṃsi kaphācchvetaṃ ghana guru

sakaṇḍūraṃ kramādraktamāṃsamedaḥ su cādiśet /
varṇenaivedṛgubhayaṃ kṛcchraṃ taccottarottaram

aśuklaromabahulamasaṃśliṣṭaṃ mitho navam /
anagnidagdhajaṃ sādhyaṃ śvitraṃ varjyamato 'nyathā

guhyapāṇitalauṣṭheṣu jātamapyacirantaram /
varjanīyaṃ viśeṣeṇa kilāsaṃ siddhimicchitā

sparśaikāhārasaṃgādisevanātprāyaśo gadāḥ /
ekaśayyāsanāccaiva vastramālyānulepanāt