Garuda Purana · Chapter 1.140

iti śrīgāruḍe mahupārāṇe pūrvakhaṇḍe prathamāṃśākhye ācārakāṇḍe candravaṃśavarṇanaṃ nāmaikonacatvāriṃśaduttaraśatatamo 'dhyāyaḥ
śrīgaruḍamahāpurāṇam- 140
hariruvāca /
janamejayaḥ puroścābhūnnamasyurjanamejayāt /
tasya putraścābhayadaḥ sudyuścābhayadādabhūt

sudyorbahugatiḥ putraḥ saṃjātistasya cātmajaḥ /
vatsajātiśca sañjāteḥ raudrāśvaśca tadātmajaḥ

ṛteyuḥ sthaṇḍileyuśca kakṣeyuśca kṛteyukaḥ /
jaleyuḥ santateyuśca rodrāśvasya sutā varāḥ

ratināra ṛteyośca tasya pratirathaḥ sutaḥ /
tasya medhātithiḥ putrastatputraścainilaḥ smṛtaḥ

ainilasya tu duṣyanto bharatastasya cātmajaḥ /
śakuntalāyāṃ saṃjajñe vitatho bharatādabhūt

vitathasya suto manyurmanyoścaiva naraḥ smṛtaḥ /
narasya saṃkṛtiḥ putro gargo vai saṃkṛteḥ sutaḥ

gargādamanyuḥ putro vai śiniḥ putro vyajāyata /
manyuputrānmahāvīryātsuto 'bhavadurukṣayaḥ

urukṣayāttrayyāruṇirvyūhakṣatrācca manyujāt /
suhotrastasya hastī ca ajamīḍhadvimīḍhakau

hastinaḥ purumīḍhaśca kaṇvo 'bhūdajamīḍhataḥ /
kaṇvānmedhātithirjajñe yataḥ kāṇvāyanā dvijāḥ

ajamīḍhādvṛhadiṣustatputraśca bṛhaddhanuḥ /
bṛhatkarmā tasya putrastasya putro jayadrathaḥ

jayadrathādviśvajicca senajicca tadātmajaḥ /
rucirāśvaḥ senajitaḥ pṛthusenastadātmajaḥ

pārastu pṛthusenasya pārāddvīpo 'bhavannṛpaḥ /
nṛpasya sṛmaraḥ putraḥ sukṛtiśca pṛthoḥ sutaḥ

vibhrājaḥ sukṛteḥ putro vibhrājādaśvaho 'bhavat /
kṛtyāṃ tasmādbrahmadatto viṣvaksenastadātmajaḥ

yavīnaro dvimīḍhasya dhṛtimāṃśca yavīnarāt /
dhatimataḥ satyadhṛtirdṛḍhanemistadātmajaḥ

dṛḍhanemeḥ supārśvo 'bhūt supārśvātsannatistathā /
kṛstu sannateḥ putraḥ kṛtādugrāyudho 'bhavat

ugrāyudhācca kṣemyau'bhūtsudhīrastu tadātmajaḥ /
purañjayaḥ sudhīrācca tasya putro vidūrathaḥ

ajamīḍhānnalinyāñca nīlo nāma nṛpo 'bhavat /
nīlācchāntirabhūtputraḥ suśāntistasya cātmajaḥ

suśānteśca pururjāto hyarkastasya suto 'bhavat /
arkasya caiva haryaśvo haryaśvānmukulo 'bhavat

yavīnaro bṛhadbhānuḥ kampillaḥ sṛñjayastathā /
pāñcālānmukulājjajñe śaradvānvaiṣṇavo mahān

divodāso dvitīyo 'sya hyahalyāyāṃ śaradvataḥ /
śatānando 'bhavatputrastasya satyadhṛtiḥ sataḥ

kṛpaḥ kṛpī satyadhṛterurvaśyāṃ vīryahānitaḥ /
droṇapatnī kṛpī jajñe aśvatthāmānamuttamam

divodāsānmitrayuśca mitrayoścyavano 'bhavat /
sudāsaścyavanājjajñe saudāsastasya jātmajaḥ

sahadevastasya putraḥ sahadevāttu somakaḥ /
jantustu somakājjajñe pṛṣataścāparo mahān

pṛṣatāddrupado jajñe dhṛṣṭadyumnastato 'bhavat /
dhṛṣṭadyumnāddhṛṣṭaketurṛkṣo 'bhūtajamīḍhataḥ

ṛkṣātsaṃvaraṇo jajñe kuruḥ saṃvaraṇādabhūt /
sudhanuśca pīkṣicca jahnuścaiva kuroḥ sutāḥ

sudhanuṣaḥ suhotro 'bhūccyavano 'bhūtsuhotrataḥ /
cyavanātkṛtako jajñe tathoparicaro vasuḥ

bṛhadrathaśca pratyagraḥ satyādyāśca vasoḥ sutāḥ /
bṛhadrathātkuśāgraśca kuśāgrādṛṣabho 'bhavat

ṛṣabhātpuṣpavāṃstasmājjajñe satyahito nṛpaḥ /
satyahitātsudhanvābhūjjahruścava sudhanvanaḥ

bṛhadrathājjarāsandhaḥ sahadevastadātmajaḥ /
sahadevācca ca somāpiḥ somāpeḥ śrutavānsutaḥ

bhīmasenograsenau ca śrutaseno 'parājitaḥ /
janamejayastathānyo 'bhūjjahnostu suratho 'bhavat

vidūrathastu surathātsārvabhaumo vidūrathāt /
jayasenaḥ sārvabhaumādāvadhītastadātmajaḥ

ayutāyustasya putrastasya cākrodhanaḥ sutaḥ /
akrodhanasyātithiśca ṛkṣo 'bhūdatitheḥ sutaḥ

ṛkṣācca bhīmaseno 'bhūddilīpo bhīmasenataḥ /
pratīpo 'bhūddilīpācca devāpistu pratīpataḥ

śantanuścaiva bāhlīkastrayaste bhrātaro nṛpāḥ /
bāhlīkātsomadatto 'bhūdbhūrirbhūriśravāstataḥ

śalaśca śantanorbhoṣmo gaṅgāyāṃ dhārmiko mahān /
citrāṅgadavicitrau tu satyavatyāntu śantanoḥ

bhārye vicitravīryasya tvambikāmbālike tayoḥ /
dhṛrāṣṭraṃ ca pāṇḍuñca taddāsyāṃ vidurantathā

vyāsa utpādayāmāsa gāndhāgī dhṛtarāṣṭrataḥ /
śataputraṃ duryodhanādyaṃ pāṇḍoḥ pañca prajajñire

pratibindhyaḥ śrutasomaḥ śrutakīrtistathārjunāt /
śatānīkaḥ śrutakarmā draupadyāṃ pañca vai kramāt

yaudheyī ca hiḍimbā ca kauśī caiva subhadrikā /
vijayā vai reṇumatī pañcabhyastu sutāḥ kramāt

devako ghacotkacaśca hyabhimanyuśca sarvagaḥ /
suhotro niramitraśca parīkṣidabhimanyujaḥ

janamejayo 'sya tato bhaviṣyāṃśca nṛpāñchṛṇu