Garuda Purana · Chapter 1.139

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe sūryavaṃśavarṇanaṃ nāmāṣṭatriṃśaduttaraśatatamo 'dhyāyaḥ
śrīgaruḍamahāpurāṇam- 139
hariruvāca /
sūryasya kathito vaṃśaḥ somavaṃśaṃ śṛṇuṣva me /
nārāyaṇasuto brahmā brahmaṇo 'treḥ samudbhavaḥ

atreḥ somastasya bhāryā tārā suraguroḥ priyā /
somāttarā budhaṃ jajñe budhaputraḥ purūravāḥ

budhaputrādathorvaśyāṃ ṣaṭ putrāstu śrutātmakaḥ /
viśvāvasuḥ śatāyuśca āyurdhomānamāvasuḥ

amāvasorbhomanāmā bhīmaputraśca kāñcanaḥ /
kāñcanasya suhotro 'bhūjjahruścābhūtsuhotrataḥ

jahnoḥ sumanturabhavatsumantorapajāpakaḥ /
balākāśvastasya putro balākāśvāt kuśaḥ smṛtaḥ

kuśāśvaḥ kuśanābhaścāmūrtarayo vasuḥ kuśāt /
gādhiḥ kuśāśvātsaṃjajñe viśvāmitrastadātmajaḥ

kanyā satyavatī dattā ṛcīkāya dvijāya sā /
ṛcīkājjamadāgniśca rāmastasyābhavatsutaḥ

viśvāmitrāddevarātamaducchandādayaḥ sutāḥ /
āyuṣo nahuṣastasmādanenā rajirambhakau

kṣattravṛddhaḥ kṣattravṛddhātsuhotraścābhavannṛpaḥ /
kāśyakāśaugṛtsamadaḥ suhotrādabhavaṃstrayaḥ

gṛtsamadācchauna ko 'bhūtkāśyāddīrghatamāstathā /
vaidyo dhanvantaristasmātketumāṃśca tadātmajaḥ

bhīmarathaḥ ketumato divodāsastadātmajaḥ /
divodāsātpratardanaḥ śatrujitso 'tra viśrutaḥ

ṛtadhvajastasya putro hyalarkaśca ṛtadhvajāt /
alarkātsannatirjajñe sunītaḥ sannateḥ sutaḥ

satyaketuḥ sunītasya satyaketorvibhuḥ sutaḥ /
vibhostu suvibhuḥ putraḥ suvibhoḥ sukumārakaḥ

sukumārāddhṛṣṭaketurvotihotrastadātmajaḥ /
vītihotrasya bhargo 'bhūdbhargabhūmistadātmajaḥ

vaiṣṇavāḥ syurmahātmāna ityete kāśayo nṛpāḥ /
pañcaputraśatānyāsanrajeḥ śakreṇa saṃhṛtāḥ

pratikṣattraḥ kṣattravṛddhātsaṃjayaśca ta dātmajaḥ /
vijayaḥ saṃjayasyāpi vijayasya kṛtaḥ sutaḥ

kṛtādvṛṣadhanaścābhūtsahadevastadātmajaḥ /
sahadevādadīno 'bhūjjayatseno 'pyadīnataḥ

jayatsenātsaṃkṛtiśca kṣattradharmā ca saṃkṛteḥ /
yatiryayātiḥ saṃyātirayātirvikṛtiḥ kramāt

nahuṣasya sutāḥ khyātā yayāternṛpatestathā /
yaduṃ ca turvasuṃ caiva devayānī vyajāyata

druhyuṃ cānuṃ ca pūruñca śarmiṣṭhā vārṣapārvaṇī /
sahasrajītkroṣṭumanā raghuścaiva yadoḥ sutāḥ

sahasrajitaḥ śatajittasmādvai hayahaihayau /
anaraṇyo hayātputro dharmo haihayato 'bhavat

dharmasya dharmanetro 'būtkuntirvai dharmanetrataḥ /
kunterbabhūta sāhañjirmahiṣmāṃśca tadātmajaḥ

bhadraśreṇyastasya puttro bhadraśreṇayasya durdamaḥ /
dhanako durdamāccaiva kṛtavīryaśca jānakiḥ

kṛtāgniḥ kṛtakarmā ca kṛtaujāḥ sumahābalaḥ /
kṛtavīryādarjuno 'bhūdarjunācchūrasenakaḥ

jayadhvajo madhuḥ śūro vṛṣaṇaḥ pañca savratāḥ /
jayadhvajāttālajaṅgho bharatastālajaṅgataḥ

vṛṣaṇasya madhuḥ puttro madhorvṛṣṇyādivaṃśakaḥ /
kroṣṭorvijajñivānputtra āhistasya mahātmanaḥ

āheruśaṅkuḥ saṃjajñetasya citrarathaḥ sataḥ /
śaśabinduścitrarathātpatnyo lakṣañca tasya ha

daśalakṣañca putrāṇāṃ pṛthukīrtyādayo varāḥ /
pṛthukīrtiḥ pṛthujayaḥ pṛthudānaḥ pṛthuśravāḥ

pṛthuśravaso 'bhūttama uśanāstamaso 'bhavat /
tatputraḥ śitagurnāma śrīrukmakavacastataḥ

rukmaśca pṛthurukmaśca jyāmaghaḥ pālito hariḥ /
śrīrukmakavacasyaite vidarbho jyāmaghāttathā

bhāryāyāñcaiva śaibyāyāṃ vidarbhātkrathakauśikau /
romapādo romapādādbabhrurbabhrordhṛtistathā

kauśikasya ṛciḥ putraḥ tataścaidyo nṛpaḥ kila /
kuntiḥ kilāsya putro 'bhūtkuntervṛṣṇiḥ sutaḥ smṛtaḥ

vṛṣṇeśca nivṛtiḥ putro daśārhe nivṛtestathā /
daśārhasya suto vyomā jīmūtaśca tadātmajaḥ

jīmūtādvikṛtirjajñe tato bhīmaratho 'bhavat /
tato madhuratho jajñe śakunistasya cātmajaḥ

karambhiḥ śakuneḥ putrastasya vai devavānsmṛtaḥ /
devakṣattro devanato devakṣattrānmadhuḥ smṛtaḥ

kuruvaṃśo madhoḥ putro hyanuśca kuruvaṃśataḥ /
puruhotro hyanoḥ putro hyaṃśuśca puruhotrataḥ

sattvaśrutaḥ sutaścāṃśostato vai sāttvato nṛpaḥ /
bhajino bhajamānaśca sātvatādandhakaḥ sutaḥ

mahābhojo vṛṣṇi divyāvanyo devāvṛdho 'bhavat /
nimivṛṣṇī bhajamānādayutājittathaiva ca

śatajicca sahasrājidbabhrurdevo bṛhaspatiḥ /
mahābhojāttu bhojo 'bhūttadvṛṣṇeśca sumitrakaḥ

svadhājitsaṃjñakastasmādanamitrāśinī tathā /
anamitrasya nighno 'bhūnnighnācchatrājito 'bhavat

prasenaścāparaḥ khyāto hyanamitrācchibistathā /
śibestu satyakaḥ putraḥ satyakātsātyakistathā

sātyakeḥ sañjayaḥ putraḥ kuliścaiva tadātmajaḥ /
kuleryugandharaḥ putraste śaibeyāḥ prakīrtitāḥ

anamitrānvaye vṛṣṇiḥ śvaphalkaścitrakaḥ sutaḥ /
śvaphalkāccaivagāndinyāmakrūro vaiṣṇavo 'bhavat

upamadgurathākrūrāddevadyotastataḥ sutaḥ /
devavānupadevaśca hyakrūrasya sutau smṛtau

pṛthurvipṛthuścitrasya tvandhakasya śuciḥ smṛtaḥ /
kukuro bhajamānasya tathā kambalabarhiṣaḥ

dhṛṣṭastu kukurājjajñe tasmātkāpotaromakaḥ /
tadātmajo vilomā ca vilomnastumburuḥ sutaḥ

tasmāccadundubhirjajñe punarvasurataḥ smṛtaḥ /
tasyāhukaścāhukī ca kanyā caivāhukasya tu

devakaścograsenaśca devakāddevakī tvabhūt /
vṛkadevopadevāca sahadevā surakṣitā

śrīdevī śāntidevī ca vasudeva uvāha tāḥ /
devavānupadevaśca sahadevāsutau smṛtau

ugrasenasya kaṃso 'bhūtsunāmā ca vaṭādayaḥ /
vidūratho bhajamānācchūraścābhūdvidūrathāt

vidūrathasutasyātha sūrasyāpi śamī sutaḥ /
pratikṣattraśca śaminaḥ svayambhojastadātmajaḥ

hṛdikaśca svayambhojātkṛtavarmā tadātmajaḥ /
devaḥ śatadhanuścaiva śūrādvai devamīḍhuṣaḥ

daśa putrā māriṣāyāṃ vasudevādayo 'bhavan /
pṛthā ca śrutadevī ca śrutakīrtiḥ śrutaśravāḥ

rājādhidevo śūrācca pṛthāṃ kunteḥ sutāmadāt /
sā dattā kuntinā pāṇḍostasyāṃ dharmānilendrakaiḥ

yudhiṣṭhiro bhīmapārtho nakulaḥ sahadevakaḥ /
mādrayāṃ nāsatyadastrābhyāṃ kuntyāṃ karṇaḥ purābhavat

śrutadevyāṃ dantavakro jajñe vai yuddhadurmadaḥ /
santardanādayaḥ pañca śrutakīrtyāñca kaikayāt

rājādhidevyāṃ jajñāte vindaścaivānuvindakaḥ /
śrutaśravā damaghoṣātprajajñe śiśupālakam

pauravī rohīṇā bhāryā madirānakadundubheḥ /
devakīpramukhā bhadrā rohiṇyāṃ balabhadrakaḥ

sāraṇādyāḥ śaṭhaścaiva revatyāṃ balabhadrataḥ /
niśaṭhaścolmuko jāto devakyāṃ ṣaṭ ca jajñire

kīrtimāṃśca suṣeṇaśca hyudāryo bhadrasenakaḥ /
ṛjudāso bhadradevaḥ kaṃsa evāvadhīcca tān

saṃkarṣaṇaḥ saptamo 'bhūdaṣṭamaḥ kṛṣṇa eva ca /
ṣoḍaśastrīsahasrāṇi bhāryāṇāñcābhavanhareḥ

rukmiṇī satyabhāmā ca lakṣmaṇā cāruhāsinī /
śreṣṭhā jāmbavatī cāṣṭau jajñire tāḥ sutānbahūn

pradyumnaścārudeṣṇaśca pradhānāḥ sāmba eva ca /
pradyumnādaniruddho 'bhūtkakudminyāṃ mahābalaḥ

aniruddhātsubhadrāyāṃ vajro nāma nṛpo 'bhavat /
pratibāhurvajrasutaścārustasya suto 'bhavat

vahnistu turvasorvaṃśe vahnerbhargo 'bhavatsutaḥ /
bhargādbhānurabhūtputro bhānoḥ putraḥ karandhamaḥ

karandhamasya maruto druhyorvaṃśaṃ nibodha me /
drahyostu tanayaḥ seturāraddhaśca tadātmajaḥ

āraddhasyaiva gāndha ro gharmo gāndhārato 'bhavat /
ghṛtastu gharmaputro 'bhūddurgamaśca ghṛsya tu

pracetā durgamasyaiva anorvaṃśaṃ śṛṇuṣva me /
anoḥ sabhānaraḥ putrastasmā kālañjayo 'bhavat

kālañjayātsṛñjayo 'bhūtsṛñjayāttu puruñjayaḥ /
janamejayastu tatputro mahāśālastadātmajaḥ

mahāmanā mahāśāladuśīnara iha smṛtaḥ /
aśīnarācchibirjajñe vṛṣadarbhaḥ śiveḥ sutaḥ

mahāmanojāttitikṣoḥ putro 'bhūcca ruṣadrathaḥ /
hemo ruṣadrathājjajñe sutapā hemato 'bhavat

baliḥ sutapaso jajñe hyaṅgavaṅgakaliṅgakāḥ /
andhaḥ paiṇḍraśca bāleyā hyanapānastathāṅgataḥ

anapānāddivirathastato dharmaratho 'bhavat /
romapādo dharmarathāccaturaṅgastadātmajaḥ

pṛthulākṣastasya putraścampo 'bhūtpṛthulākṣataḥ /
campaputraśca haryaṅgastasya bhadrarathaḥ sutaḥ

bṛhatkarmā sutastasya bṛhadbhānustato 'bhavat /
buhanmanā bṛhādbhānostasya putro jayadrathaḥ

jayajrathasya vijayo vijayasya dhṛtiḥ sutaḥ /
dhṛterdhṛvrataḥ putraḥ satyadharmā dhṛtavratāt

tasya putrastvadhirathaḥ karṇastasya suto 'bhavat

vṛrṣasenastu karṇasya puruvaṃśyāñchaṇuṣva me