ગરુડ પુરાણ · અધ્યાય 1.140

ઇતિ શ્રીગારુડે મહુપારાણે પૂર્વખણ્ડે પ્રથમાંશાખ્યે આચારકાણ્ડે ચન્દ્રવંશવર્ણનં નામૈકોનચત્વારિંશદુત્તરશતતમો ઽધ્યાયઃ
શ્રીગરુડમહાપુરાણમ્- 140
હરિરુવાચ ।
જનમેજયઃ પુરોશ્ચાભૂન્નમસ્યુર્જનમેજયાત્ ।
તસ્ય પુત્રશ્ચાભયદઃ સુદ્યુશ્ચાભયદાદભૂત્

સુદ્યોર્બહુગતિઃ પુત્રઃ સંજાતિસ્તસ્ય ચાત્મજઃ ।
વત્સજાતિશ્ચ સઞ્જાતેઃ રૌદ્રાશ્વશ્ચ તદાત્મજઃ

ઋતેયુઃ સ્થણ્ડિલેયુશ્ચ કક્ષેયુશ્ચ કૃતેયુકઃ ।
જલેયુઃ સન્તતેયુશ્ચ રોદ્રાશ્વસ્ય સુતા વરાઃ

રતિનાર ઋતેયોશ્ચ તસ્ય પ્રતિરથઃ સુતઃ ।
તસ્ય મેધાતિથિઃ પુત્રસ્તત્પુત્રશ્ચૈનિલઃ સ્મૃતઃ

ઐનિલસ્ય તુ દુષ્યન્તો ભરતસ્તસ્ય ચાત્મજઃ ।
શકુન્તલાયાં સંજજ્ઞે વિતથો ભરતાદભૂત્

વિતથસ્ય સુતો મન્યુર્મન્યોશ્ચૈવ નરઃ સ્મૃતઃ ।
નરસ્ય સંકૃતિઃ પુત્રો ગર્ગો વૈ સંકૃતેઃ સુતઃ

ગર્ગાદમન્યુઃ પુત્રો વૈ શિનિઃ પુત્રો વ્યજાયત ।
મન્યુપુત્રાન્મહાવીર્યાત્સુતો ઽભવદુરુક્ષયઃ

ઉરુક્ષયાત્ત્રય્યારુણિર્વ્યૂહક્ષત્રાચ્ચ મન્યુજાત્ ।
સુહોત્રસ્તસ્ય હસ્તી ચ અજમીઢદ્વિમીઢકૌ

હસ્તિનઃ પુરુમીઢશ્ચ કણ્વો ઽભૂદજમીઢતઃ ।
કણ્વાન્મેધાતિથિર્જજ્ઞે યતઃ કાણ્વાયના દ્વિજાઃ

અજમીઢાદ્વૃહદિષુસ્તત્પુત્રશ્ચ બૃહદ્ધનુઃ ।
બૃહત્કર્મા તસ્ય પુત્રસ્તસ્ય પુત્રો જયદ્રથઃ

જયદ્રથાદ્વિશ્વજિચ્ચ સેનજિચ્ચ તદાત્મજઃ ।
રુચિરાશ્વઃ સેનજિતઃ પૃથુસેનસ્તદાત્મજઃ

પારસ્તુ પૃથુસેનસ્ય પારાદ્દ્વીપો ઽભવન્નૃપઃ ।
નૃપસ્ય સૃમરઃ પુત્રઃ સુકૃતિશ્ચ પૃથોઃ સુતઃ

વિભ્રાજઃ સુકૃતેઃ પુત્રો વિભ્રાજાદશ્વહો ઽભવત્ ।
કૃત્યાં તસ્માદ્બ્રહ્મદત્તો વિષ્વક્સેનસ્તદાત્મજઃ

યવીનરો દ્વિમીઢસ્ય ધૃતિમાંશ્ચ યવીનરાત્ ।
ધતિમતઃ સત્યધૃતિર્દૃઢનેમિસ્તદાત્મજઃ

દૃઢનેમેઃ સુપાર્શ્વો ઽભૂત્ સુપાર્શ્વાત્સન્નતિસ્તથા ।
કૃસ્તુ સન્નતેઃ પુત્રઃ કૃતાદુગ્રાયુધો ઽભવત્

ઉગ્રાયુધાચ્ચ ક્ષેમ્યૌઽભૂત્સુધીરસ્તુ તદાત્મજઃ ।
પુરઞ્જયઃ સુધીરાચ્ચ તસ્ય પુત્રો વિદૂરથઃ

અજમીઢાન્નલિન્યાઞ્ચ નીલો નામ નૃપો ઽભવત્ ।
નીલાચ્છાન્તિરભૂત્પુત્રઃ સુશાન્તિસ્તસ્ય ચાત્મજઃ

સુશાન્તેશ્ચ પુરુર્જાતો હ્યર્કસ્તસ્ય સુતો ઽભવત્ ।
અર્કસ્ય ચૈવ હર્યશ્વો હર્યશ્વાન્મુકુલો ઽભવત્

યવીનરો બૃહદ્ભાનુઃ કમ્પિલ્લઃ સૃઞ્જયસ્તથા ।
પાઞ્ચાલાન્મુકુલાજ્જજ્ઞે શરદ્વાન્વૈષ્ણવો મહાન્

દિવોદાસો દ્વિતીયો ઽસ્ય હ્યહલ્યાયાં શરદ્વતઃ ।
શતાનન્દો ઽભવત્પુત્રસ્તસ્ય સત્યધૃતિઃ સતઃ

કૃપઃ કૃપી સત્યધૃતેરુર્વશ્યાં વીર્યહાનિતઃ ।
દ્રોણપત્ની કૃપી જજ્ઞે અશ્વત્થામાનમુત્તમમ્

દિવોદાસાન્મિત્રયુશ્ચ મિત્રયોશ્ચ્યવનો ઽભવત્ ।
સુદાસશ્ચ્યવનાજ્જજ્ઞે સૌદાસસ્તસ્ય જાત્મજઃ

સહદેવસ્તસ્ય પુત્રઃ સહદેવાત્તુ સોમકઃ ।
જન્તુસ્તુ સોમકાજ્જજ્ઞે પૃષતશ્ચાપરો મહાન્

પૃષતાદ્દ્રુપદો જજ્ઞે ધૃષ્ટદ્યુમ્નસ્તતો ઽભવત્ ।
ધૃષ્ટદ્યુમ્નાદ્ધૃષ્ટકેતુરૃક્ષો ઽભૂતજમીઢતઃ

ઋક્ષાત્સંવરણો જજ્ઞે કુરુઃ સંવરણાદભૂત્ ।
સુધનુશ્ચ પીક્ષિચ્ચ જહ્નુશ્ચૈવ કુરોઃ સુતાઃ

સુધનુષઃ સુહોત્રો ઽભૂચ્ચ્યવનો ઽભૂત્સુહોત્રતઃ ।
ચ્યવનાત્કૃતકો જજ્ઞે તથોપરિચરો વસુઃ

બૃહદ્રથશ્ચ પ્રત્યગ્રઃ સત્યાદ્યાશ્ચ વસોઃ સુતાઃ ।
બૃહદ્રથાત્કુશાગ્રશ્ચ કુશાગ્રાદૃષભો ઽભવત્

ઋષભાત્પુષ્પવાંસ્તસ્માજ્જજ્ઞે સત્યહિતો નૃપઃ ।
સત્યહિતાત્સુધન્વાભૂજ્જહ્રુશ્ચવ સુધન્વનઃ

બૃહદ્રથાજ્જરાસન્ધઃ સહદેવસ્તદાત્મજઃ ।
સહદેવાચ્ચ ચ સોમાપિઃ સોમાપેઃ શ્રુતવાન્સુતઃ

ભીમસેનોગ્રસેનૌ ચ શ્રુતસેનો ઽપરાજિતઃ ।
જનમેજયસ્તથાન્યો ઽભૂજ્જહ્નોસ્તુ સુરથો ઽભવત્

વિદૂરથસ્તુ સુરથાત્સાર્વભૌમો વિદૂરથાત્ ।
જયસેનઃ સાર્વભૌમાદાવધીતસ્તદાત્મજઃ

અયુતાયુસ્તસ્ય પુત્રસ્તસ્ય ચાક્રોધનઃ સુતઃ ।
અક્રોધનસ્યાતિથિશ્ચ ઋક્ષો ઽભૂદતિથેઃ સુતઃ

ઋક્ષાચ્ચ ભીમસેનો ઽભૂદ્દિલીપો ભીમસેનતઃ ।
પ્રતીપો ઽભૂદ્દિલીપાચ્ચ દેવાપિસ્તુ પ્રતીપતઃ

શન્તનુશ્ચૈવ બાહ્લીકસ્ત્રયસ્તે ભ્રાતરો નૃપાઃ ।
બાહ્લીકાત્સોમદત્તો ઽભૂદ્ભૂરિર્ભૂરિશ્રવાસ્તતઃ

શલશ્ચ શન્તનોર્ભોષ્મો ગઙ્ગાયાં ધાર્મિકો મહાન્ ।
ચિત્રાઙ્ગદવિચિત્રૌ તુ સત્યવત્યાન્તુ શન્તનોઃ

ભાર્યે વિચિત્રવીર્યસ્ય ત્વમ્બિકામ્બાલિકે તયોઃ ।
ધૃરાષ્ટ્રં ચ પાણ્ડુઞ્ચ તદ્દાસ્યાં વિદુરન્તથા

વ્યાસ ઉત્પાદયામાસ ગાન્ધાગી ધૃતરાષ્ટ્રતઃ ।
શતપુત્રં દુર્યોધનાદ્યં પાણ્ડોઃ પઞ્ચ પ્રજજ્ઞિરે

પ્રતિબિન્ધ્યઃ શ્રુતસોમઃ શ્રુતકીર્તિસ્તથાર્જુનાત્ ।
શતાનીકઃ શ્રુતકર્મા દ્રૌપદ્યાં પઞ્ચ વૈ ક્રમાત્

યૌધેયી ચ હિડિમ્બા ચ કૌશી ચૈવ સુભદ્રિકા ।
વિજયા વૈ રેણુમતી પઞ્ચભ્યસ્તુ સુતાઃ ક્રમાત્

દેવકો ઘચોત્કચશ્ચ હ્યભિમન્યુશ્ચ સર્વગઃ ।
સુહોત્રો નિરમિત્રશ્ચ પરીક્ષિદભિમન્યુજઃ

જનમેજયો ઽસ્ય તતો ભવિષ્યાંશ્ચ નૃપાઞ્છૃણુ