Garuda Purana · Chapter 1.141

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe candravaṃśavarṇanaṃ nāma catvāriṃśaduttaraśatatamo 'dhyāyaḥ
śrīgaruḍamahāpurāṇam- 141
hariruvāca /
śatānīko hyaśvamedhadattaścāpyadhisomakaḥ /
kṛṣṇo 'niruddhaścāpyuṣṇastataścitraratho nṛpaḥ

śucidratho vṛṣṇimāṃśca supeṇaśca sunīthakaḥ /
nṛcakṣuśca mukhābāṇaḥ medhāvī ca nṛpañjayaḥ

pāriplavaśca munayo medhāvī ca nṛpañjayaḥ /
bṛhadratho haristigmo śatānīkaḥ sudānakaḥ

udāno 'hninaraścaiva daṇḍapāṇirnimittakaḥ /
kṣemakaśca tataḥ śūdraḥ pitā pūrvastataḥ sutaḥ

bṛhadbalāstu kathayante nṛpoścaikṣvākuvaṃśajāḥ /
bṛhadbalādurukṣayo vatsavyūhastataḥ paraḥ

vatsavyūhāttataḥ sūryaḥ sahadevastadātmajaḥ /
bṛhadaśvo bhānurathaḥ pratīcyaśca pratītakaḥ /
manudevaḥ sunakṣatraḥ kinnaraścāntarikṣakaḥ

suparṇaḥ kṛtajiccaiva bṛhadbhrājaśca dhārmikaḥ /
kṛtañjayo dhanañjayaḥ saṃjayaḥ śākya eva ca

śuddhodano bāhulaśca senajitkṣudrakastathā /
sumitraḥ kuḍavaścātaḥ sumitrānmāgadhāñchaṇu

jarāsandhaḥ sahadevaḥ somāpiśca śrutaśravāḥ /
ayutāyurniramitraḥ sukṣatro bahukarmakaḥ

śrutañjayaḥ senajicca bhūriścaiva śucistathā /
kṣemyaśca suvrato dharmaḥ śmaśrulo dṛḍhasenakaḥ

sumatiḥ subalo nīto satyajidviśvajittathā /
iṣuñjayaśca ityete nṛpā bārhadrathāḥ smṛtāḥ

adharmiṣṭhāśca śūdrāśca bhaviṣyanti nṛpāstataḥ /
svargādikṛddhi bhagavānsākṣānnārāyaṇo 'vyayaḥ

naimittikaḥ prākṛtikastathaivātyantiko layaḥ /
yāti bhūḥ pralayaṃ cāpsu hyāpastejasi pāvakaḥ

vāyau vāyuśca viyati tvākāśau yātyahaṅkṛtau /
ahaṃ buddhau matirjove jīvo 'vyakte tadātmani

ātmā pareśvaro viṣṇureko nārāyaṇo naraḥ /
avināśyaparaṃ sarvaṃ jagatsvargādi nāśi hi

nṛpādayo gatā nāśamataḥ pāpaṃ vivarjayet /
dharmaṃ kuryātsthiraṃ yena pāpaṃ hitvā hariṃ vrajet