Garuda Purana · Chapter 1.138

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe tithivāranakṣatrādivratanirūpaṇaṃ nāma saptatriṃśaduttaraśatatamo 'dhyāyaḥ
śrīgaruḍamahāpurāṇam- 138
(iti vratāni samāptāni) /
hariruvāca /
rājñāṃ vaṃśānpravakṣyāmi vaṃśānucaritāni ca /
viṣṇunābhyabjato brahmā dakṣo 'ṅguṣṭhācca tasya vai

tato 'pitarvivasvāṃśca tataḥ sūnurvivasvataḥ manurikṣvākuśaryātī nṛgo dhṛṣṭaḥ praṣadhrakaḥ

nariṣyantaśca nābhāgo diṣṭaḥ śaśaka eva ca /
manorāsīdilā kanyā sudyumno 'sya suto 'bhavat

ilāyāṃ tu budhājjāto rājā rudra purūravāḥ /
sutāstrayaśca sudyumnādutkalo vinato gayaḥ

abhṛcchradro govadhāttu pṛṣadhrastu manoḥ sutaḥ /
karūṣātkṣattriyā jātā kārūṣā iti viśrutāḥ

diṣṭaputrastu nābhāgo vaiśyātāmagamatsa ca /
tasmādbhalandanaḥ putro vatsaprītirbhalandanāt

tataḥ pāṃśuḥ khanitro 'bhūdbhūpastasmāttataḥ kṣupaḥ /
kṣupādviṃśo 'bhavatputro viṃśājjāto viviṃśakaḥ

viviṃśācca khanīnetro vibhūtistatsutaḥ smṛtaḥ /
karandhamo vibhūtestu tato jāto 'pyavikṣitaḥ

marutto 'vikṣitasyāpi nariṣyantastataḥ smṛtaḥ /
nariṣyantāttamo jātastatobhūdrājavardhanaḥ

rājavardhātsudhṛtiśca naro 'bhūtsudhṛteḥ sutaḥ /
narācca kevalaḥ putraḥ kevalāddhundhumānapi

dhundhumato vegavāṃśca budho vegavataḥ sutaḥ /
tṛṇabindurbudhājjātaḥ kānyā cailavilā tathā

viśālaṃ janayāmāsa tṛṇabindostvalambusā /
viśālāddhemacandro 'bhūddhema candrācca candrakaḥ

dhūmrāśvaścaiva candrāttu dhūmrāśvātsṛñjayastathā /
sañjayātsahadevo 'bhūtkṛśāśvastatsuto 'bhavat

kṛśāśvātsomadattastutato 'bhūjjanamejayaḥ /
tatputraśca sumantiśca ete vaiśālakā nṛpāḥ

śaryātestu sukanyābūtsā bhāryā cyavanasya tu /
ananto nāma śāryate ranantādrevato 'bhavat

raivato revatasyāpi raivatādrevatī sutā /
dhṛṣṭasya dhārṣṭar (ta) kaṃ kṣetraṃ vaiṣṇavaṃ (śyakaṃ) tadvabhūva ha

nābhāgaputro neṣṭho hyambarīṣo 'pi tatsutaḥ /
ambarīṣādvirūpo 'bhūtpṛṣadaśvo virūpataḥ

rathīnaraśca tatputro vāsudevaparāyaṇaḥ /
ikṣvākostu trayaḥ putrāḥ vikukṣinimidaṇḍakāḥ

ikṣvākujo vikukṣistu śaśādaḥ śaśabhakṣaṇāt /
purañjayaḥ śaśādācca kakutsthākhyo 'bhavatsutaḥ

anenāstu kakutsathācca pṛthuḥ putrastvanenasaḥ /
viśvarātaḥ pṛthoḥ putra ārdre 'bhūdviśvarātataḥ

yuvanāśvo 'bhavaccārdrācchāvasto yuvanāśvataḥ /
bṛhadaśvastuśāvastāttatputraḥ kuvalāśvakaḥ

dhundhumāro hi vikyāto dṛḍhaśvaścatato 'bhavat /
candrāśvaḥ kapilāśvaśca haryaśvaśca dṛḍhaśvataḥ

haryaśvācca nikumbo 'bhūddhitāśvaśca nikumbhataḥ /
pūjāśvaśca hitāśvācca tatsato yuvanāśvakaḥ

yuvanāśvācca māndhātā bindumatyāstato 'bhavat /
mucukundo 'mbarīṣaśca purukutsastrayaḥ sutāḥ

pañcāśatkanyakāścaiva bhāryāstāḥ saubharermuneḥ /
yuvanāśvo 'mbarīṣācca harito yuvanāśvataḥ

purukutsānnarmadāyāṃ trasadasyurabūtsutaḥ /
anaraṇyastato jāto haryaśvo 'pyanaraṇyataḥ

tatputro 'bhūdvasumanāstridhanvā tasya cātmajaḥ /
trayyāruṇastasya putrastasta satyarataḥ sutaḥ

yastriśaṅkuḥ samākhyāto hariścandro 'bhavattataḥ /
hariścandrādrohitāśvo harito rohitāśvataḥ

haritasya sutaścañcuścañcośca vijayaḥ sutaḥ /
vijayādruruko jajñe rurukāttu vṛkaḥ sutaḥ

vṛkādbāhurnṛpo 'bhūcca bāhostu sagaraḥ smṛtaḥ /
ṣaṣṭiḥ putra sahasrāṇi sumatyāṃ sagarāddhara

keśinyāmeka evāsāvasamañjasasaṃjñakaḥ

tasyāṃśumānsuto vidvāndilīpastatsuto 'bhavat /
bhagīratho dilīpācca yo gaṅgāmānayadbhuvam

śruto bhagīrathasuto nābhagaśca śrutātkila /
nābhāgādambarīṣo 'bhūtsindudvīpo 'mbarīṣataḥ

sindudvīpasyāyutāyurṛtuparṇastadātmajaḥ /
ṛtuṣarṇātsarvakāmaḥ sudāso 'bhūttadātmajaḥ

sudāsasya ca saudāso nāmnā mitrasahaḥ smṛtaḥ /
kalmāṣa pādasaṃjñaśca damayantyāṃ tadātmajaḥ

aśvakākhyo 'bhavatputro hyaśvakānmūla(nmṛccha) ko 'bhavat /
tato daśaratho rājā tasya cailavilaḥ sutaḥ

tasya viśvasahaḥ putraḥ khaṭvāṅgaśca tadātmajaḥ /
khaṭvāṅgaddīrghabāhuśca dīrghabāhorhyajaḥ sutaḥ

tasya puttro daśarathaścatvārastatsutāḥ smṛtāḥ /
rāmalakṣmaṇaśatrughnabharatāśca mahābalāḥ

rāmātkuśalavau jātau bharatāttārkṣapuṣkarau /
citrāṅgadaścandraketurlakṣmaṇātsaṃbabhūvatuḥ

subāhuśūrasenau ca śatrughnātsaṃbabhūvatuḥ /
kuśasya cātithiḥ putro niṣadho hyatitheḥ sutaḥ

niṣadhasya nalaḥ putro nalasya ca nabhāḥ smṛtaḥ /
nabhasaḥ puṇḍarīkastukṣemadhanvā tadātmajaḥ

devānīkastasya putro devānīkādahīnakaḥ /
ahīnakādrururyajñe pāriyātro ruroḥ sutaḥ

pāriyātrāddalo yajñe dala putraśchalaḥ smṛtaḥ /
chalādukthastato hyukthādvajranābhastato gaṇaḥ

uṣitāśvo gaṇājjajñe tato viśvasaho 'bhavat /
hiraṇyanābhastatputrastatputraḥ puṣpakaḥ smṛtaḥ

dhruvasandhirabhūtpuṣpāddhruvasandheḥ sudarśanaḥ /
sudarśanādagnivarṇaḥ padmavaṇo 'gnivarṇataḥ

śīghrastu padmavarṇāttu śīghrātputro marustvabhūt /
maroḥ prasuśrutaḥ putrastasya codāvasuḥ sutaḥ

udāvasornandivardhanaḥ suketurnandivardhanāt /
suketordevarāto 'bhūdvṛhadukthastataḥ sutaḥ

bṛhadukthānmahāvīryaḥ sudhṛtistasya cātmajaḥ /
sudhṛterdhṛṣṭaketuśca haryaśvo dhṛṣṭaketutaḥ

haryaśvāttu marurjāto maroḥ pratīndhako 'bhavat /
pratīndhakātkṛtiratho devamīḍhastadātmajaḥ

vibudho devamīḍhāttu vibudhāttu mahādhṛtiḥ /
mahādhṛteḥ kīrtirāto mahāromā tadātmajaḥ

mahāromṇaḥ svarṇaromā hrasvaromā tadātmajaḥ /
sīradhvajo hrasvaromṇaḥ tasya sītābhavatsutā

bhrātā kuśadhvajastasya sīradhvajāttu bhānumān /
śatadyumno bhānumataḥ śatadyumnācchuciḥ smṛtaḥ

ūrjanāmā śuceḥ putraḥ sanadvājastadātmajaḥ /
sanadvājātkulirjāto 'nañjanastu kuleḥ sutaḥ

anañjanācca kulajittasyāpi cādhinemikaḥ /
śrutāyustasya putro 'bhūtsupārśvaśca tadātmajaḥ

supārśvātsṛṃjayo jātaḥ kṣemāriḥ sṛjayātsamṛtaḥ /
kṣemāri tastvanenāśca tasya rāmarathaḥ smṛtaḥ

satyaratho rāmarathāttasmādupaguruḥ smṛtaḥ /
upagurorupaguptaḥ svāgataścopaguptataḥ

svanaraḥ svāgatājjajñe suvarcāstasya cātmajaḥ /
suvarcasaḥ supārśvastu suśrutaśca supārśvataḥ

jayastu suśrutājjajñe jayāttu vijayo 'bhavat /
vijayasya ṛtaḥ putraḥ ṛtasya sunayaḥ sutaḥ

sunayādvītahavyastu vītahavyāddhatiḥ smṛtaḥ /
bahulāśvo dhṛteḥ putro bahulāśvātkṛtiḥ smṛtaḥ

janakasya dvaye vaṃśe ukto yogasamāśrayaḥ