ગરુડ પુરાણ · અધ્યાય 1.138

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે તિથિવારનક્ષત્રાદિવ્રતનિરૂપણં નામ સપ્તત્રિંશદુત્તરશતતમો ઽધ્યાયઃ
શ્રીગરુડમહાપુરાણમ્- 138
(ઇતિ વ્રતાનિ સમાપ્તાનિ) ।
હરિરુવાચ ।
રાજ્ઞાં વંશાન્પ્રવક્ષ્યામિ વંશાનુચરિતાનિ ચ ।
વિષ્ણુનાભ્યબ્જતો બ્રહ્મા દક્ષો ઽઙ્ગુષ્ઠાચ્ચ તસ્ય વૈ

તતો ઽપિતર્વિવસ્વાંશ્ચ તતઃ સૂનુર્વિવસ્વતઃ મનુરિક્ષ્વાકુશર્યાતી નૃગો ધૃષ્ટઃ પ્રષધ્રકઃ

નરિષ્યન્તશ્ચ નાભાગો દિષ્ટઃ શશક એવ ચ ।
મનોરાસીદિલા કન્યા સુદ્યુમ્નો ઽસ્ય સુતો ઽભવત્

ઇલાયાં તુ બુધાજ્જાતો રાજા રુદ્ર પુરૂરવાઃ ।
સુતાસ્ત્રયશ્ચ સુદ્યુમ્નાદુત્કલો વિનતો ગયઃ

અભૃચ્છ્રદ્રો ગોવધાત્તુ પૃષધ્રસ્તુ મનોઃ સુતઃ ।
કરૂષાત્ક્ષત્ત્રિયા જાતા કારૂષા ઇતિ વિશ્રુતાઃ

દિષ્ટપુત્રસ્તુ નાભાગો વૈશ્યાતામગમત્સ ચ ।
તસ્માદ્ભલન્દનઃ પુત્રો વત્સપ્રીતિર્ભલન્દનાત્

તતઃ પાંશુઃ ખનિત્રો ઽભૂદ્ભૂપસ્તસ્માત્તતઃ ક્ષુપઃ ।
ક્ષુપાદ્વિંશો ઽભવત્પુત્રો વિંશાજ્જાતો વિવિંશકઃ

વિવિંશાચ્ચ ખનીનેત્રો વિભૂતિસ્તત્સુતઃ સ્મૃતઃ ।
કરન્ધમો વિભૂતેસ્તુ તતો જાતો ઽપ્યવિક્ષિતઃ

મરુત્તો ઽવિક્ષિતસ્યાપિ નરિષ્યન્તસ્તતઃ સ્મૃતઃ ।
નરિષ્યન્તાત્તમો જાતસ્તતોભૂદ્રાજવર્ધનઃ

રાજવર્ધાત્સુધૃતિશ્ચ નરો ઽભૂત્સુધૃતેઃ સુતઃ ।
નરાચ્ચ કેવલઃ પુત્રઃ કેવલાદ્ધુન્ધુમાનપિ

ધુન્ધુમતો વેગવાંશ્ચ બુધો વેગવતઃ સુતઃ ।
તૃણબિન્દુર્બુધાજ્જાતઃ કાન્યા ચૈલવિલા તથા

વિશાલં જનયામાસ તૃણબિન્દોસ્ત્વલમ્બુસા ।
વિશાલાદ્ધેમચન્દ્રો ઽભૂદ્ધેમ ચન્દ્રાચ્ચ ચન્દ્રકઃ

ધૂમ્રાશ્વશ્ચૈવ ચન્દ્રાત્તુ ધૂમ્રાશ્વાત્સૃઞ્જયસ્તથા ।
સઞ્જયાત્સહદેવો ઽભૂત્કૃશાશ્વસ્તત્સુતો ઽભવત્

કૃશાશ્વાત્સોમદત્તસ્તુતતો ઽભૂજ્જનમેજયઃ ।
તત્પુત્રશ્ચ સુમન્તિશ્ચ એતે વૈશાલકા નૃપાઃ

શર્યાતેસ્તુ સુકન્યાબૂત્સા ભાર્યા ચ્યવનસ્ય તુ ।
અનન્તો નામ શાર્યતે રનન્તાદ્રેવતો ઽભવત્

રૈવતો રેવતસ્યાપિ રૈવતાદ્રેવતી સુતા ।
ધૃષ્ટસ્ય ધાર્ષ્ટર્ (ત) કં ક્ષેત્રં વૈષ્ણવં (શ્યકં) તદ્વભૂવ હ

નાભાગપુત્રો નેષ્ઠો હ્યમ્બરીષો ઽપિ તત્સુતઃ ।
અમ્બરીષાદ્વિરૂપો ઽભૂત્પૃષદશ્વો વિરૂપતઃ

રથીનરશ્ચ તત્પુત્રો વાસુદેવપરાયણઃ ।
ઇક્ષ્વાકોસ્તુ ત્રયઃ પુત્રાઃ વિકુક્ષિનિમિદણ્ડકાઃ

ઇક્ષ્વાકુજો વિકુક્ષિસ્તુ શશાદઃ શશભક્ષણાત્ ।
પુરઞ્જયઃ શશાદાચ્ચ કકુત્સ્થાખ્યો ઽભવત્સુતઃ

અનેનાસ્તુ કકુત્સથાચ્ચ પૃથુઃ પુત્રસ્ત્વનેનસઃ ।
વિશ્વરાતઃ પૃથોઃ પુત્ર આર્દ્રે ઽભૂદ્વિશ્વરાતતઃ

યુવનાશ્વો ઽભવચ્ચાર્દ્રાચ્છાવસ્તો યુવનાશ્વતઃ ।
બૃહદશ્વસ્તુશાવસ્તાત્તત્પુત્રઃ કુવલાશ્વકઃ

ધુન્ધુમારો હિ વિક્યાતો દૃઢશ્વશ્ચતતો ઽભવત્ ।
ચન્દ્રાશ્વઃ કપિલાશ્વશ્ચ હર્યશ્વશ્ચ દૃઢશ્વતઃ

હર્યશ્વાચ્ચ નિકુમ્બો ઽભૂદ્ધિતાશ્વશ્ચ નિકુમ્ભતઃ ।
પૂજાશ્વશ્ચ હિતાશ્વાચ્ચ તત્સતો યુવનાશ્વકઃ

યુવનાશ્વાચ્ચ માન્ધાતા બિન્દુમત્યાસ્તતો ઽભવત્ ।
મુચુકુન્દો ઽમ્બરીષશ્ચ પુરુકુત્સસ્ત્રયઃ સુતાઃ

પઞ્ચાશત્કન્યકાશ્ચૈવ ભાર્યાસ્તાઃ સૌભરેર્મુનેઃ ।
યુવનાશ્વો ઽમ્બરીષાચ્ચ હરિતો યુવનાશ્વતઃ

પુરુકુત્સાન્નર્મદાયાં ત્રસદસ્યુરબૂત્સુતઃ ।
અનરણ્યસ્તતો જાતો હર્યશ્વો ઽપ્યનરણ્યતઃ

તત્પુત્રો ઽભૂદ્વસુમનાસ્ત્રિધન્વા તસ્ય ચાત્મજઃ ।
ત્રય્યારુણસ્તસ્ય પુત્રસ્તસ્ત સત્યરતઃ સુતઃ

યસ્ત્રિશઙ્કુઃ સમાખ્યાતો હરિશ્ચન્દ્રો ઽભવત્તતઃ ।
હરિશ્ચન્દ્રાદ્રોહિતાશ્વો હરિતો રોહિતાશ્વતઃ

હરિતસ્ય સુતશ્ચઞ્ચુશ્ચઞ્ચોશ્ચ વિજયઃ સુતઃ ।
વિજયાદ્રુરુકો જજ્ઞે રુરુકાત્તુ વૃકઃ સુતઃ

વૃકાદ્બાહુર્નૃપો ઽભૂચ્ચ બાહોસ્તુ સગરઃ સ્મૃતઃ ।
ષષ્ટિઃ પુત્ર સહસ્રાણિ સુમત્યાં સગરાદ્ધર

કેશિન્યામેક એવાસાવસમઞ્જસસંજ્ઞકઃ

તસ્યાંશુમાન્સુતો વિદ્વાન્દિલીપસ્તત્સુતો ઽભવત્ ।
ભગીરથો દિલીપાચ્ચ યો ગઙ્ગામાનયદ્ભુવમ્

શ્રુતો ભગીરથસુતો નાભગશ્ચ શ્રુતાત્કિલ ।
નાભાગાદમ્બરીષો ઽભૂત્સિન્દુદ્વીપો ઽમ્બરીષતઃ

સિન્દુદ્વીપસ્યાયુતાયુરૃતુપર્ણસ્તદાત્મજઃ ।
ઋતુષર્ણાત્સર્વકામઃ સુદાસો ઽભૂત્તદાત્મજઃ

સુદાસસ્ય ચ સૌદાસો નામ્ના મિત્રસહઃ સ્મૃતઃ ।
કલ્માષ પાદસંજ્ઞશ્ચ દમયન્ત્યાં તદાત્મજઃ

અશ્વકાખ્યો ઽભવત્પુત્રો હ્યશ્વકાન્મૂલ(ન્મૃચ્છ) કો ઽભવત્ ।
તતો દશરથો રાજા તસ્ય ચૈલવિલઃ સુતઃ

તસ્ય વિશ્વસહઃ પુત્રઃ ખટ્વાઙ્ગશ્ચ તદાત્મજઃ ।
ખટ્વાઙ્ગદ્દીર્ઘબાહુશ્ચ દીર્ઘબાહોર્હ્યજઃ સુતઃ

તસ્ય પુત્ત્રો દશરથશ્ચત્વારસ્તત્સુતાઃ સ્મૃતાઃ ।
રામલક્ષ્મણશત્રુઘ્નભરતાશ્ચ મહાબલાઃ

રામાત્કુશલવૌ જાતૌ ભરતાત્તાર્ક્ષપુષ્કરૌ ।
ચિત્રાઙ્ગદશ્ચન્દ્રકેતુર્લક્ષ્મણાત્સંબભૂવતુઃ

સુબાહુશૂરસેનૌ ચ શત્રુઘ્નાત્સંબભૂવતુઃ ।
કુશસ્ય ચાતિથિઃ પુત્રો નિષધો હ્યતિથેઃ સુતઃ

નિષધસ્ય નલઃ પુત્રો નલસ્ય ચ નભાઃ સ્મૃતઃ ।
નભસઃ પુણ્ડરીકસ્તુક્ષેમધન્વા તદાત્મજઃ

દેવાનીકસ્તસ્ય પુત્રો દેવાનીકાદહીનકઃ ।
અહીનકાદ્રુરુર્યજ્ઞે પારિયાત્રો રુરોઃ સુતઃ

પારિયાત્રાદ્દલો યજ્ઞે દલ પુત્રશ્છલઃ સ્મૃતઃ ।
છલાદુક્થસ્તતો હ્યુક્થાદ્વજ્રનાભસ્તતો ગણઃ

ઉષિતાશ્વો ગણાજ્જજ્ઞે તતો વિશ્વસહો ઽભવત્ ।
હિરણ્યનાભસ્તત્પુત્રસ્તત્પુત્રઃ પુષ્પકઃ સ્મૃતઃ

ધ્રુવસન્ધિરભૂત્પુષ્પાદ્ધ્રુવસન્ધેઃ સુદર્શનઃ ।
સુદર્શનાદગ્નિવર્ણઃ પદ્મવણો ઽગ્નિવર્ણતઃ

શીઘ્રસ્તુ પદ્મવર્ણાત્તુ શીઘ્રાત્પુત્રો મરુસ્ત્વભૂત્ ।
મરોઃ પ્રસુશ્રુતઃ પુત્રસ્તસ્ય ચોદાવસુઃ સુતઃ

ઉદાવસોર્નન્દિવર્ધનઃ સુકેતુર્નન્દિવર્ધનાત્ ।
સુકેતોર્દેવરાતો ઽભૂદ્વૃહદુક્થસ્તતઃ સુતઃ

બૃહદુક્થાન્મહાવીર્યઃ સુધૃતિસ્તસ્ય ચાત્મજઃ ।
સુધૃતેર્ધૃષ્ટકેતુશ્ચ હર્યશ્વો ધૃષ્ટકેતુતઃ

હર્યશ્વાત્તુ મરુર્જાતો મરોઃ પ્રતીન્ધકો ઽભવત્ ।
પ્રતીન્ધકાત્કૃતિરથો દેવમીઢસ્તદાત્મજઃ

વિબુધો દેવમીઢાત્તુ વિબુધાત્તુ મહાધૃતિઃ ।
મહાધૃતેઃ કીર્તિરાતો મહારોમા તદાત્મજઃ

મહારોમ્ણઃ સ્વર્ણરોમા હ્રસ્વરોમા તદાત્મજઃ ।
સીરધ્વજો હ્રસ્વરોમ્ણઃ તસ્ય સીતાભવત્સુતા

ભ્રાતા કુશધ્વજસ્તસ્ય સીરધ્વજાત્તુ ભાનુમાન્ ।
શતદ્યુમ્નો ભાનુમતઃ શતદ્યુમ્નાચ્છુચિઃ સ્મૃતઃ

ઊર્જનામા શુચેઃ પુત્રઃ સનદ્વાજસ્તદાત્મજઃ ।
સનદ્વાજાત્કુલિર્જાતો ઽનઞ્જનસ્તુ કુલેઃ સુતઃ

અનઞ્જનાચ્ચ કુલજિત્તસ્યાપિ ચાધિનેમિકઃ ।
શ્રુતાયુસ્તસ્ય પુત્રો ઽભૂત્સુપાર્શ્વશ્ચ તદાત્મજઃ

સુપાર્શ્વાત્સૃંજયો જાતઃ ક્ષેમારિઃ સૃજયાત્સમૃતઃ ।
ક્ષેમારિ તસ્ત્વનેનાશ્ચ તસ્ય રામરથઃ સ્મૃતઃ

સત્યરથો રામરથાત્તસ્માદુપગુરુઃ સ્મૃતઃ ।
ઉપગુરોરુપગુપ્તઃ સ્વાગતશ્ચોપગુપ્તતઃ

સ્વનરઃ સ્વાગતાજ્જજ્ઞે સુવર્ચાસ્તસ્ય ચાત્મજઃ ।
સુવર્ચસઃ સુપાર્શ્વસ્તુ સુશ્રુતશ્ચ સુપાર્શ્વતઃ

જયસ્તુ સુશ્રુતાજ્જજ્ઞે જયાત્તુ વિજયો ઽભવત્ ।
વિજયસ્ય ઋતઃ પુત્રઃ ઋતસ્ય સુનયઃ સુતઃ

સુનયાદ્વીતહવ્યસ્તુ વીતહવ્યાદ્ધતિઃ સ્મૃતઃ ।
બહુલાશ્વો ધૃતેઃ પુત્રો બહુલાશ્વાત્કૃતિઃ સ્મૃતઃ

જનકસ્ય દ્વયે વંશે ઉક્તો યોગસમાશ્રયઃ