Garuda Purana · Chapter 1.136

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ṛṣyekādaśīvrataṃ nāma pañcatriṃśaduttaraśatatamo 'dhyāyaḥ
śrīgaruḍamahāpurāṇam- 136
brahmovāca /
śravaṇadvādaśoṃ vakṣye bhuktimuktipradāyinīm /
ekādaśī dvādaśī ca śravaṇena ca saṃyutā

vijayā sā tithiḥ proktā haripūjādi cākṣayam /
eka bhaktena naktena tathaivāyācitena ca

upavāsena bhaikṣyeṇa naivādbādaśiko bhavet /
kāsyaṃ māṃsaṃ tathā kṣaudraṃ lobhaṃ vitathabhāṣaṇam

vyāyāmaṃ ca vyavāyaṃ ca divāsvapnamathāñjanam /
śilāṣiṣṭaṃ masūraṃ ca dvādaśyāṃ varjayennaraḥ

māsī bhādrapade śuklā dvādaśī śravaṇānvitā /
mahatī dvādaśī jñeyā upavāse mahāphalā

saṃgama saritāṃ snānaṃ budhayuktā mahāphalā /
kuṃbhe saratne sajale yajetsvarṇaṃ tu vāmanam

sitavastrayugacchannaṃ chatropānadyugānvitam /
oṃ namo vāsudevāya śiraḥ saṃpūjayettataḥ

śrīdharāya mukhaṃ tadvatkaṇṭhaṃ kṛṣṇāya vai namaḥ /
namaḥ śrīpataye vakṣo bhujau sarvāstradhāriṇe

vyāpakāya namaḥ kukṣau keśavāyodaraṃ budhaḥ /
trailokyapataye meḍhraṃ jaṅghe sarvabhṛte namaḥ

sarvātmane namaḥ pādau naivedyaṃ ghṛtapāyasam /
kumbhāṃśca modakāndadyājjāgaraṃ kārayenniśi

snātvācāntor'cayitvā tu kṛtapuṣpāñjalirvadet /
namonamaste govinda budha śravaṇasaṃjñaka !