ગરુડ પુરાણ · અધ્યાય 1.136

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ઋષ્યેકાદશીવ્રતં નામ પઞ્ચત્રિંશદુત્તરશતતમો ઽધ્યાયઃ
શ્રીગરુડમહાપુરાણમ્- 136
બ્રહ્મોવાચ ।
શ્રવણદ્વાદશોં વક્ષ્યે ભુક્તિમુક્તિપ્રદાયિનીમ્ ।
એકાદશી દ્વાદશી ચ શ્રવણેન ચ સંયુતા

વિજયા સા તિથિઃ પ્રોક્તા હરિપૂજાદિ ચાક્ષયમ્ ।
એક ભક્તેન નક્તેન તથૈવાયાચિતેન ચ

ઉપવાસેન ભૈક્ષ્યેણ નૈવાદ્બાદશિકો ભવેત્ ।
કાસ્યં માંસં તથા ક્ષૌદ્રં લોભં વિતથભાષણમ્

વ્યાયામં ચ વ્યવાયં ચ દિવાસ્વપ્નમથાઞ્જનમ્ ।
શિલાષિષ્ટં મસૂરં ચ દ્વાદશ્યાં વર્જયેન્નરઃ

માસી ભાદ્રપદે શુક્લા દ્વાદશી શ્રવણાન્વિતા ।
મહતી દ્વાદશી જ્ઞેયા ઉપવાસે મહાફલા

સંગમ સરિતાં સ્નાનં બુધયુક્તા મહાફલા ।
કુંભે સરત્ને સજલે યજેત્સ્વર્ણં તુ વામનમ્

સિતવસ્ત્રયુગચ્છન્નં છત્રોપાનદ્યુગાન્વિતમ્ ।
ઓં નમો વાસુદેવાય શિરઃ સંપૂજયેત્તતઃ

શ્રીધરાય મુખં તદ્વત્કણ્ઠં કૃષ્ણાય વૈ નમઃ ।
નમઃ શ્રીપતયે વક્ષો ભુજૌ સર્વાસ્ત્રધારિણે

વ્યાપકાય નમઃ કુક્ષૌ કેશવાયોદરં બુધઃ ।
ત્રૈલોક્યપતયે મેઢ્રં જઙ્ઘે સર્વભૃતે નમઃ

સર્વાત્મને નમઃ પાદૌ નૈવેદ્યં ઘૃતપાયસમ્ ।
કુમ્ભાંશ્ચ મોદકાન્દદ્યાજ્જાગરં કારયેન્નિશિ

સ્નાત્વાચાન્તોર્ઽચયિત્વા તુ કૃતપુષ્પાઞ્જલિર્વદેત્ ।
નમોનમસ્તે ગોવિન્દ બુધ શ્રવણસંજ્ઞક !