Garuda Purana · Chapter 1.135

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe mahānavamyāṃ mahākauśikamantrakṛtyādivivaraṇaṃ nāma catustriṃśaduttaraśatatamo 'dhyāyaḥ
śrīgaruḍamahāpurāṇam- 135
brahmovāca /
navamyāmāśvine śukle ekabhaktena pūjayet /
devīṃ vipraṃllakṣamekañjapedvīraṃ vratī naraḥ

(ti vīranavamīvratam) /
brahmovāca /
caitre śuklanavamyāṃ ca devīṃ damanakairyajet /
āyurārogyasaubhāgyaṃ śatrubhiścāparājitaḥ

(iti damanakanavamīvratam) /
brahmovāca /
daśamyāmekabhaktāśī samānte daśadhenudaḥ /
diśaśca kāñcanīrdattvā brahmāṇḍādhipatirbhavet

(iti digdaśamīvratam) brahmovāca /
ekādaśyāmṛṣipūjā kāryā sarvopakārikā /
dhanavānputravāṃścānte ṛṣiloke mahīyate

marīciratryaṃ girasau pulasatyaḥ pulahaḥ kratuḥ /
pracetāśca vasiṣṭhaśca bhṛgurnārada eva ca

caitrādau kārayetpūjāṃ mālyaiśca damanodbhavaiḥ /
aśokākhyāṣṭamīproktā vīrākhyā navamītathā

damanākhyā digdaśamī navamyekādaśī tathā