Garuda Purana · Chapter 1.130

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe daṣṭoddhārapañcamavritaṃ nāmaikonatriṃśottaraśatatamo 'dhyāyaḥ
śrīgaruḍamahāpurāṇam- 130
brahmovāca /
evaṃ bhādrapade māsi kārtikeyaṃ prapūyet /
snānadānādikaṃ sarvamasyāmakṣayyamucyate

saptamyāṃ prāśayeccapi bhojyaṃ viprānraviṃ yajet /
oṃ khakholkāyamṛtatvaṃ (tantaṃ) priyasaṅgamo bhava sada svāhā

aṣṭamyāṃ pāraṇaṃ kuryānmarīcaṃ prāśya svargabhāk
saptamyāṃ niyataḥ snātvā pūjayitvā divākaram

dadyātphalāni viprebhyo mārtaṇḍaḥ prīyatāmiti /
kharjūraṃ nārikelaṃ vā prāśayenmātuluṅgakam

sarve bhavantu saphalā mama kāmāḥ samantataḥ /
(iti phalasaptamī)
saṃpūjya devaṃ saptamyāṃ pāyasenātha bhojayet

viprāṃśca dakṣiṇāṃ dattvā svayaṃ cātha payaḥ pibet /
bhakṣyaṃ coṣyaṃ tathā lehyaṃ odanaṃ ceti kīrtitam

dhanaputrādikāmastu tyajedetadanodanaḥ
vāyvāśī vijayetkṣucca kuryādvijayasaptamīm /
adyādarkaṃ ca kāmecchurupavāse tarenmadam

godhūmamāṣayavaṣaṣṭikakāṃsyapātraṃ pāṣāṇapiṣṭamadhumaiṣunamadyamāṃsam /
abhyañjanāñjanatilāṃśca vivarjayedyaḥ tasyeṣitaṃ bhavati saptasu saptamīṣu