ગરુડ પુરાણ · અધ્યાય 1.130

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે દષ્ટોદ્ધારપઞ્ચમવ્રિતં નામૈકોનત્રિંશોત્તરશતતમો ઽધ્યાયઃ
શ્રીગરુડમહાપુરાણમ્- 130
બ્રહ્મોવાચ ।
એવં ભાદ્રપદે માસિ કાર્તિકેયં પ્રપૂયેત્ ।
સ્નાનદાનાદિકં સર્વમસ્યામક્ષય્યમુચ્યતે

સપ્તમ્યાં પ્રાશયેચ્ચપિ ભોજ્યં વિપ્રાન્રવિં યજેત્ ।
ઓં ખખોલ્કાયમૃતત્વં (તન્તં) પ્રિયસઙ્ગમો ભવ સદ સ્વાહા

અષ્ટમ્યાં પારણં કુર્યાન્મરીચં પ્રાશ્ય સ્વર્ગભાક્
સપ્તમ્યાં નિયતઃ સ્નાત્વા પૂજયિત્વા દિવાકરમ્

દદ્યાત્ફલાનિ વિપ્રેભ્યો માર્તણ્ડઃ પ્રીયતામિતિ ।
ખર્જૂરં નારિકેલં વા પ્રાશયેન્માતુલુઙ્ગકમ્

સર્વે ભવન્તુ સફલા મમ કામાઃ સમન્તતઃ ।
(ઇતિ ફલસપ્તમી)
સંપૂજ્ય દેવં સપ્તમ્યાં પાયસેનાથ ભોજયેત્

વિપ્રાંશ્ચ દક્ષિણાં દત્ત્વા સ્વયં ચાથ પયઃ પિબેત્ ।
ભક્ષ્યં ચોષ્યં તથા લેહ્યં ઓદનં ચેતિ કીર્તિતમ્

ધનપુત્રાદિકામસ્તુ ત્યજેદેતદનોદનઃ
વાય્વાશી વિજયેત્ક્ષુચ્ચ કુર્યાદ્વિજયસપ્તમીમ્ ।
અદ્યાદર્કં ચ કામેચ્છુરુપવાસે તરેન્મદમ્

ગોધૂમમાષયવષષ્ટિકકાંસ્યપાત્રં પાષાણપિષ્ટમધુમૈષુનમદ્યમાંસમ્ ।
અભ્યઞ્જનાઞ્જનતિલાંશ્ચ વિવર્જયેદ્યઃ તસ્યેષિતં ભવતિ સપ્તસુ સપ્તમીષુ