Garuda Purana · Chapter 1.129

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe vrataparibhāṣā nāmāṣṭāviṃśatyuttaraśatatamo 'dhyāyaḥ
śrīgaruḍamahāpurāṇam- 129
brahmovāca /
vakṣye pratipadādīni vratāni vyāsa śṛṇvatha /
vāśvānarapadaṃ yāti śikhivratamidaṃ smṛtam

pratipadyekabhaktāśī samāpte kapilāpradaḥ /
caitrādau kārayeccaiva brahmapūjāṃ yathāvidhi /
gandhapuṣpārcanairdānairmālyādyaiśca manoramaiḥ

sahomaiḥ pūjayeddevaṃ sarvānkāmānavāpnuyāt /
kārtike ta site 'ṣṭamyāṃ puṣpahārī ca vatsaram

puṣpādidātā rūpeṇa rūpabhāgī bhavennaraḥ /
kṛṣṇapakṣe tṛtīyāyāṃ śrāvaṇe śrīdharaṃ śriyā

yajedaśūnyaśayyāyāṃ phalaṃ dadyāddvijātaye /
śayyāṃ dattvā prārthayecca śrīdharāya namaḥ śriyai

umāṃśivaṃ hutāśaṃ ca tṛtīyāyāṃ ca pūjayet /
haviṣyamanna naivedya deya damanakaṃ tathā

caitrādau phalamāpnoti umayā me prabhāṣitam /
phālgunāditṛtīyāyāṃ lavaṇaṃ yastu varjayet

samāpte śayanaṃ dadyādgṛhaṃ copaskarānvitam /
saṃpūjya vipramithanaṃ bhavānī prīyatāmiti

gaurīloke vasennityaṃ saubhāgyakaramuttamam /
gaurī kālī umā bhadrā durgā kāntiḥ sarasvatī

maṅgalā vaiṣṇavī lakṣmīḥ śivā nārāyaṇī kramāt /
mārgetṛtīyāmārabhya aviyogādimāpnuyāt

caturthyāṃ sitamāghādau nirāhāro vratānvitaḥ /
dattvā tilāṃstu viprāya svayaṃ bhuṅkte tilodakam

varṣadvaye samāptiśca nirvighnādiṃ samāpnuyāt /
gaḥ svāhā mūlamantro 'yaṃ praṇavena samanvitaḥ

glaiṃ glāṃhṛdaye gāṃ gīṃ hūṃ hrīṃ hrīṃ śiraḥ śikhā /
gūṃ varma goṃ ca gaiṃ netraṃ goṃ ca āvāhanādiṣu

āgaccholkāya ganandholkaḥ puṣpolko dhūpakolkakaḥ /
dīpolkāya maholkāya baliścātha visa (mār) janam

sidedholkāya ca gāyattrī (tra) nyāsoṃguṣṭhādirīritaḥ /
oṃ mahākarṇāya vidmahe--vakratuṇḍāya dhīmahi--tanno dantiḥ pracodayāt

pūjayottilahomaiśca ete pūjyā gaṇāstathā /
gaṇāya gaṇapataye svāhā kūṣmāṇḍakāya ca

amogholkāyaikadantāya tripurāntakarūpiṇe /
oṃ śyāma (va) dantavikarālāsyāhavepāya vai namaḥ

padmadaṃṣṭāya svāhānte mudrā vai nartanaṃ gaṇe /
hastatālaśca hasanaṃ saubhāgyādiphalaṃ bhavet

mārgaśīrṣe tathā śuklacaturthyāṃ pūjayedgaṇa /
abdaṃ prāpnoti vidyāśrīkīrtyāyuḥ putrasantatim

somavāre caturthyāṃ ca samupoṣyārcayedgaṇam /
japañjuhvatsmaranvidyā svargaṃ nirvāṇatāṃ vrajet

yajecchuklacaturthyāṃ yaḥ khaṇḍalaḍḍukamoda (maṇḍa) kaiḥ /
vighnācanena sarvānsa kāmānsaubhāgyamāpnuyāt

putrādikaṃ damanakairdamanākhyā caturthyapi /
āṃ gaṇapataye namaḥ caturthyantaṃ yajedgaṇam

māse tu yasminkasmiṃścijjuhuyādvā japetsmaret /
sarvānkāmānavāpnoti sarvavighnavināśanam

vināyakaṃ mūrtikādyaṃ yajedebhiśca nāmabhiḥ /
so 'pi sadgatimāpnoti svargamokṣasukhāni ca

gaṇapūjyo vakratuṇḍa ekadaṃṣṭrī triyambakaḥ /
nīlagrīvo lambodaro vikaṭo vighnarājakaḥ

dhūmravarṇo bhālacandro daśamasta vināyakaḥ /
gaṇapatirhastimukho dvādaśāre yajedgaṇam

pṛthak samastaṃ madhāvī sarvānkāmāna vāpnuyāt /
śrāvaṇe cāśvine bhādre pañcamyāṃ kāttika śubhe

vāsukistakṣakaścaiva kālīyo maṇibhadrakaḥ /
airāvato dhṛtarāṣṭaḥ karkoṭakadhanañjayau

ghṛtādyaiḥ snāpitā hyete āyurārogyasampadaḥ /
anantaṃ vāsukiṃ śaṅkhaṃ padmaṃ kambalameva ca

tathā karkāṭakaṃ nāgaṃ dhṛtarāṣṭraṃ ca śaṅkhakam /
kālīyaṃ takṣakaṃ caiva piṅgalaṃ māsimāsi ca

yajedbhādrasite nāgānaṣṭau muktiṃ divaṃ vrajet /
dvārasyobhayato lekhyāḥ śrāvaṇe tu site yajet

pañcamyāṃ pūjayennāgānanantāndyānmahoragān /
kṣīraṃ sarpiśca naivedyaṃ deyaṃ sarvaviṣāpaham /
nāgā abhayahastāśca daṣṭoddhārātu pañcamī