Garuda Purana · Chapter 1.131

(iti vijayasaptamīvratam) /
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe saptamīvratanirūpaṇaṃ nāma triṃśottaraśatatamo 'dhyāyaḥ
śrīgaruḍamahāpurāṇam- 131
brahmovāca /
brahman bhādrapade māsi śuklāṣṭamyāmupoṣitaḥ /
dūrvāṃ saurīṃ gaṇeśaṃ ca phalapuṣpaiḥ śivaṃ yajet

phalavrīhyādibhiḥ sarvaiḥ śambhavenamaḥ śivāya ca /
tvaṃ dūrve 'mṛjanmāsi hyaṣṭamī sarvakāmabhāk

anagnipakramaśrīyānmucyate brahmahatyayā /
(iti dūrvāṣṭamīvratam) /
kṛṣṇāṣṭamyāṃ ca rohiṇyāmardharātrer'canaṃ hareḥ

kāryā viddhāpi saptamyā hanti pāpaṃ trijanmanaḥ /
upoṣitor'cayenmantraistithi bhānte ca pāraṇam

yogāya yogapataye yogeśvarāya yogasambhavāya govindāya namonamaḥ /
(snānamantraḥ( yajñāya yajñeśvarāya yajñapataye govindāya namonamaḥ

(arcanadṛ)--viśvāya viśveśvarāya viśvapataye govindāya namonamaḥ /
(śayanadṛ)--sarvāya sarveśvarāya sarvetāya sarvasambhavāya govindāya namonamaḥ

sthaṇḍile pūjayeddevaṃ sacandrāṃ rohiṇīṃ tathā /
śaṅkhe toyaṃ samādāya sapuṣpaphalacandanam

jānubhyāmavanīṃ gatvā candrāyārghyaṃ nivedayet /
kṣirodārṇavasaṃbhūta ! atrinetrasamudbhava !

gṛhāṇārghyaṃ śaśāṅkeśa (maṃ) rohiṇyā sahito mama /
śriyai ca vasude vāya nandāya ca balāya ca

yaśodāyai tato dadyādarghyaṃ phalasamanvitam /
anantaṃ (ghaṃ) vāmanaṃ śauriṃ vaikuṣṭhaṃ puruṣottamam

vāsudevaṃ hṛṣīkeśaṃ mādhavaṃ madhusūdanam /
varāhaṃ puṇḍarīkākṣaṃ nṛsiṃhaṃ daityasūdanam

dāmodaraṃ padmanābhaṃ keśavaṃ gāruḍadhvajam /
govindamacyutaṃ devamanantama parājitam

adhokṣajaṃ jagadvījaṃ sargasthityantakāraṇam /
anādinidhanaṃ viṣṇuṃ trilokeśaṃ trivikramam

nārāyaṇaṃ caturbāhuṃ śaṅkhacakragadādharam /
pītambaradharaṃ divyaṃ vanamālāvibhūṣitam

śrīvatsāṅkaṃ jagaddhāma śrīpatiṃ śrīdharaṃ harim /
yaṃ devaṃ devakī devī vasudevādajījanat

bhaumasya brahmaṇo guptyai tasmai brahmātmane namaḥ /
nāmānyetāni saṃkīrtya gatyarthaṃ prārthayetpunaḥ

trāhi māṃ devadeveśa ! hare ! saṃsārasāgarāt /
trāhi māṃ sarvapāpaghna ! duḥ khaśokārṇavātprabho !

devakīnandana ! śrīśa ! hare ! saṃsārasāgarāt /
durvṛttāṃstrāyase viṣṇo ! ye smaranti sakṛtsakṛt

so 'haṃ devātidurvṛttastrāhi māṃ śokasāgarāt /
puṣkarākṣa ! nimagno 'haṃ mahtayajñānasāgare

trāhi māṃ devadeveśa ! tvāmṛte 'nyo na rakṣitā /
svajanma vāsudevāpa gobrāhmaṇahitāya ca

jagaddhitāya kṛṣṇāya govindāya namonamaḥ /
śāntirastu śivaṃ cāstu dhanavikhyātirājyabhāk