Garuda Purana · Chapter 1.126

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ekādaśīmāhātmyaṃ nāma pañcaviṃśatyuttaraśatatamo 'dhyāyaḥ
śrīgaruḍamahāpurāṇam- 126
brahmovāca /
yenārcanena vai loko jagāma paramāṃ gatim /
tamarcanaṃ pravakṣyāmi bhuktimuktikaraṃ param

sāmānyamaṇḍalaṃ nyasya dhātāraṃ dvāradeśataḥ /
vidhātāraṃ tathā gaṅgāṃ yamunāṃ ca mahānadīm

dvāraśriyaṃ ca daṇḍaṃ ca pracaṇḍaṃ vāstupūruṣam /
madhye cādhāraśaktiṃ ca kūrmaṃ cānantamarcayet

bhūmiṃ dharmaṃ tathā jñānaṃ vairagyaiśvaryameva ca /
adharmādīṃśca caturaḥ kandaṃ nālaṃ ca paṅkajam

karṇikāṃ kesaraṃ sattvaṃ rājasaṃ tāmasaṃ guṇam /
suryādimaṇḍalānyeva vimalādyāśca śaktayaḥ

durgāṃ gaṇaṃ sarasvatīṃ kṣetrapālaṃ ca koṇake /
āsanaṃ mūrtimabhyarcya vāsudevaṃ balaṃ smaran

aniruddhaṃ mahātmānaṃ nārāyaṇamathārcayet /
hṛdayādīni cāṅgāni śaṅkhādīnyāyudhāni ca