Garuda Purana · Chapter 1.125

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śivarātrivrataṃ nāma caturviṃśatyuttaraśatatamo 'dhyāyaḥ
śrīgaruḍamahāpurāṇam- 125
pitāmaha uvāca /
māndhātā cakravartyāsīdupoṣyaikādaśīṃ nṛpaḥ /
ekādaśyāṃ na bhuñjīta pakṣayorubhayārapi

daśamyekādaśīmiśrā gāndhāryā samupoṣitā /
tasyāḥ putraśataṃ naṣṭaṃ tasmāttāṃ parivarjayet

dvādaśyekādaśī yatra tatra sannihito hariḥ /
daśamyekādaśī yatra tatra sannihito 'suraḥ /
bahuvākyavirodhena sandeho jāyate yadā

dvādaśī tu tadā grāhyā trayodaśyāntu pāraṇam /
ekādaśī kalāpisyādupoṣyā dvādaśī tathā

ekādaśī dvādaśī ca viśeṣeṇa trayodaśī /
trimiśrā sā tithirgrāhyā sarvapāpaharā śubhā

ekādaśīmupoṣyaivadvādaśīma thavā dvija ! /
trimiśrāṃ caiva kurvīta na daśamyā yutāṃ kracit

rātrau jāgaraṇaṃ kurvanpurāṇaśravaṇaṃ nṛpaḥ /
gadādharaṃ pūjayaṃśca upoṣyaikā daśīdvayam /
rukmāṅgado yayau mokṣamanye caikādaśīvratam