ગરુડ પુરાણ · અધ્યાય 1.126

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે એકાદશીમાહાત્મ્યં નામ પઞ્ચવિંશત્યુત્તરશતતમો ઽધ્યાયઃ
શ્રીગરુડમહાપુરાણમ્- 126
બ્રહ્મોવાચ ।
યેનાર્ચનેન વૈ લોકો જગામ પરમાં ગતિમ્ ।
તમર્ચનં પ્રવક્ષ્યામિ ભુક્તિમુક્તિકરં પરમ્

સામાન્યમણ્ડલં ન્યસ્ય ધાતારં દ્વારદેશતઃ ।
વિધાતારં તથા ગઙ્ગાં યમુનાં ચ મહાનદીમ્

દ્વારશ્રિયં ચ દણ્ડં ચ પ્રચણ્ડં વાસ્તુપૂરુષમ્ ।
મધ્યે ચાધારશક્તિં ચ કૂર્મં ચાનન્તમર્ચયેત્

ભૂમિં ધર્મં તથા જ્ઞાનં વૈરગ્યૈશ્વર્યમેવ ચ ।
અધર્માદીંશ્ચ ચતુરઃ કન્દં નાલં ચ પઙ્કજમ્

કર્ણિકાં કેસરં સત્ત્વં રાજસં તામસં ગુણમ્ ।
સુર્યાદિમણ્ડલાન્યેવ વિમલાદ્યાશ્ચ શક્તયઃ

દુર્ગાં ગણં સરસ્વતીં ક્ષેત્રપાલં ચ કોણકે ।
આસનં મૂર્તિમભ્યર્ચ્ય વાસુદેવં બલં સ્મરન્

અનિરુદ્ધં મહાત્માનં નારાયણમથાર્ચયેત્ ।
હૃદયાદીનિ ચાઙ્ગાનિ શઙ્ખાદીન્યાયુધાનિ ચ