ગરુડ પુરાણ · અધ્યાય 1.125

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે શિવરાત્રિવ્રતં નામ ચતુર્વિંશત્યુત્તરશતતમો ઽધ્યાયઃ
શ્રીગરુડમહાપુરાણમ્- 125
પિતામહ ઉવાચ ।
માન્ધાતા ચક્રવર્ત્યાસીદુપોષ્યૈકાદશીં નૃપઃ ।
એકાદશ્યાં ન ભુઞ્જીત પક્ષયોરુભયારપિ

દશમ્યેકાદશીમિશ્રા ગાન્ધાર્યા સમુપોષિતા ।
તસ્યાઃ પુત્રશતં નષ્ટં તસ્માત્તાં પરિવર્જયેત્

દ્વાદશ્યેકાદશી યત્ર તત્ર સન્નિહિતો હરિઃ ।
દશમ્યેકાદશી યત્ર તત્ર સન્નિહિતો ઽસુરઃ ।
બહુવાક્યવિરોધેન સન્દેહો જાયતે યદા

દ્વાદશી તુ તદા ગ્રાહ્યા ત્રયોદશ્યાન્તુ પારણમ્ ।
એકાદશી કલાપિસ્યાદુપોષ્યા દ્વાદશી તથા

એકાદશી દ્વાદશી ચ વિશેષેણ ત્રયોદશી ।
ત્રિમિશ્રા સા તિથિર્ગ્રાહ્યા સર્વપાપહરા શુભા

એકાદશીમુપોષ્યૈવદ્વાદશીમ થવા દ્વિજ ! ।
ત્રિમિશ્રાં ચૈવ કુર્વીત ન દશમ્યા યુતાં ક્રચિત્

રાત્રૌ જાગરણં કુર્વન્પુરાણશ્રવણં નૃપઃ ।
ગદાધરં પૂજયંશ્ચ ઉપોષ્યૈકા દશીદ્વયમ્ ।
રુક્માઙ્ગદો યયૌ મોક્ષમન્યે ચૈકાદશીવ્રતમ્