Garuda Purana · Chapter 1.123

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe māsopavāsavrataṃ nāma dvāviṃśatyuttaraśatatamo 'dhyāyaḥ
śrīgaruḍamahāpurāṇam- 123
brahmovāca /
vratāni kārtike vakṣye snātvā viṣṇuṃ prapūjayet /
ekabhaktena naktena māsaṃ vāyācitena vā

dugdhaśākaphalādyairvā upavāsena vā punaḥ /
sarvapāpavinirmuktaḥ prāptakāmo hariṃ vrajet

sadā harervrataṃ śreṣṭhaṃ tataḥ syāddakṣiṇāyane /
cāturmāsye tatastasmātkārtike bhīṣmapañcakam

tataḥ śreṣṭhavrataṃ śuklasyaikādaśyāṃ samācaret /
snātvā trikālaṃ pitrādīnyavādyairarcayeddharim

yajenmaunī ghṛtādyaiśca pañcagavyena vāribhiḥ /
snāpayitvātha karpūramukhaiścaivānulepayet

ghṛtāktaguggulairdhūpaṃ dvijaḥ pañcadinaṃ dahet /
naivadyaṃ paramānnaṃ tu japedaṣṭottaraṃ śatam

oṃ namo vāsudevāya ghṛtavrīhitilādikam /
aṣṭākṣareṇa mantreṇa svāhāntena tu homayet

prathame 'hni hareḥ pādau yajetpadmairdvitayika /
bilvapatrairjānudeśaṃ nābhi gandhena cāpare

skandhā bilvajavābhiśca pañcame 'hni śiror'cayat /
mālatyā bhūmiśāyī syādgomayaṃ prāśayetkramāt

gomūtraṃ ca dadhi kṣīraṃ pañcame pañcagavyakam /
naktaṃ kuryātpañcadaśyāṃ vratī syādbhuktimuktibhāk

ekādaśīvrataṃ nityaṃ tatkuryātpakṣayordvayoḥ /
aghaughanarakaṃ hanyātsarvadaṃ viṣṇulokadam

ekādaśī dvādaśī ca niśānte ca trayodaśī /
nityamekādaśī yatra tatra sannihito hariḥ

daśamyekādaśī yatra tatrasthāścāsurādayaḥ /
dvādaśyāṃ pāraṇa kuryātsūtake mṛtake caret

caturdaśīṃ pratipadaṃ pūrvamiśrāmupāvaset /
paurṇamāsyā mamāvāsyāṃ pratipanmiśritāṃ mune

dvitīyāṃ tṛtīyāmiśrāṃ tṛtīyāñcāpyupāvaset /
caturthyā saṅgatāṃ nityaṃ caturthoñcanayā yutām /
pañcamīṃṣaṣṭhyasaṃyuktāṃ ṣaṣṭhyā yuktāñca saptamīm