Garuda Purana · Chapter 1.122

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe cāturmāsyavratanirūpaṇaṃ nāmakāvaśatyuttaraśatatamo 'dhyāyaḥ
śrīgaruḍamahāpurāṇam- 122
brahmovāca /
vrataṃ māsopavāsākhyaṃ sarvotkṛṣṭaṃ vadāmite /
vānaprastho yatirnārī kuryānmāsopavāsakam

āśvinasya site pakṣe ekādaśyāmupoṣitaḥ /
vratametattu gṛhṇīyādyāvattriṃśaddināni tu

adyaprabhṛtyahaṃ viṣṇo yāvadutthānakaṃ tava /
arcayetvāmanaśraṃstu dināni triṃśadeva tu

kārtikāśvinayorviṣṇo dvādaśyoḥ śuklayoraham /
mriyeyadyantarāle tu vratabhaṅgo na me bhavet

hariṃ yajottriṣavaṇasnāyī gandhādibhirvratī /
gātrābhyaṅgaṃ gandhalepaṃ devatāyatane tyajet

dvādaśyāmatha saṃpūjya pradadyāddvijabhojanam /
tataśca pāraṇaṃ kuryāddharermāsopavāsakṛt

dugdhādiprāśanaṃ kuryādvratastho mūrchito 'ntarā /
dugdhādyairna vrataṃ naśyedbhuktimuktimavāpnuyāt