ગરુડ પુરાણ · અધ્યાય 1.123

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે માસોપવાસવ્રતં નામ દ્વાવિંશત્યુત્તરશતતમો ઽધ્યાયઃ
શ્રીગરુડમહાપુરાણમ્- 123
બ્રહ્મોવાચ ।
વ્રતાનિ કાર્તિકે વક્ષ્યે સ્નાત્વા વિષ્ણું પ્રપૂજયેત્ ।
એકભક્તેન નક્તેન માસં વાયાચિતેન વા

દુગ્ધશાકફલાદ્યૈર્વા ઉપવાસેન વા પુનઃ ।
સર્વપાપવિનિર્મુક્તઃ પ્રાપ્તકામો હરિં વ્રજેત્

સદા હરેર્વ્રતં શ્રેષ્ઠં તતઃ સ્યાદ્દક્ષિણાયને ।
ચાતુર્માસ્યે તતસ્તસ્માત્કાર્તિકે ભીષ્મપઞ્ચકમ્

તતઃ શ્રેષ્ઠવ્રતં શુક્લસ્યૈકાદશ્યાં સમાચરેત્ ।
સ્નાત્વા ત્રિકાલં પિત્રાદીન્યવાદ્યૈરર્ચયેદ્ધરિમ્

યજેન્મૌની ઘૃતાદ્યૈશ્ચ પઞ્ચગવ્યેન વારિભિઃ ।
સ્નાપયિત્વાથ કર્પૂરમુખૈશ્ચૈવાનુલેપયેત્

ઘૃતાક્તગુગ્ગુલૈર્ધૂપં દ્વિજઃ પઞ્ચદિનં દહેત્ ।
નૈવદ્યં પરમાન્નં તુ જપેદષ્ટોત્તરં શતમ્

ઓં નમો વાસુદેવાય ઘૃતવ્રીહિતિલાદિકમ્ ।
અષ્ટાક્ષરેણ મન્ત્રેણ સ્વાહાન્તેન તુ હોમયેત્

પ્રથમે ઽહ્નિ હરેઃ પાદૌ યજેત્પદ્મૈર્દ્વિતયિક ।
બિલ્વપત્રૈર્જાનુદેશં નાભિ ગન્ધેન ચાપરે

સ્કન્ધા બિલ્વજવાભિશ્ચ પઞ્ચમે ઽહ્નિ શિરોર્ઽચયત્ ।
માલત્યા ભૂમિશાયી સ્યાદ્ગોમયં પ્રાશયેત્ક્રમાત્

ગોમૂત્રં ચ દધિ ક્ષીરં પઞ્ચમે પઞ્ચગવ્યકમ્ ।
નક્તં કુર્યાત્પઞ્ચદશ્યાં વ્રતી સ્યાદ્ભુક્તિમુક્તિભાક્

એકાદશીવ્રતં નિત્યં તત્કુર્યાત્પક્ષયોર્દ્વયોઃ ।
અઘૌઘનરકં હન્યાત્સર્વદં વિષ્ણુલોકદમ્

એકાદશી દ્વાદશી ચ નિશાન્તે ચ ત્રયોદશી ।
નિત્યમેકાદશી યત્ર તત્ર સન્નિહિતો હરિઃ

દશમ્યેકાદશી યત્ર તત્રસ્થાશ્ચાસુરાદયઃ ।
દ્વાદશ્યાં પારણ કુર્યાત્સૂતકે મૃતકે ચરેત્

ચતુર્દશીં પ્રતિપદં પૂર્વમિશ્રામુપાવસેત્ ।
પૌર્ણમાસ્યા મમાવાસ્યાં પ્રતિપન્મિશ્રિતાં મુને

દ્વિતીયાં તૃતીયામિશ્રાં તૃતીયાઞ્ચાપ્યુપાવસેત્ ।
ચતુર્થ્યા સઙ્ગતાં નિત્યં ચતુર્થોઞ્ચનયા યુતામ્ ।
પઞ્ચમીંષષ્ઠ્યસંયુક્તાં ષષ્ઠ્યા યુક્તાઞ્ચ સપ્તમીમ્