Garuda Purana · Chapter 1.121

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe rambhātṛtīyāvrataṃ nāma viṃśatyuttaraśatatamo 'dhyāyaḥ
śrīgaruḍamahāpurāṇam- 121
brahmovāca /
cāturmāsyavratānyūce ekādaśyāṃ samācaret /
āṣāḍhyāṃ paurṇamāsyāṃ vā sarveṇaharimarcyaca

idaṃ vrataṃ mayā deva gṛhītaṃ puratastava /
nirvighnaṃ siddhimāpnotu prasanne tvayi keśava

gṛhīte 'sminvrate deva yadyapūrṇe mriyāmyaham /
tanme bhavatu sampūrṇaṃ tvatprasādājjanārdana

evamabhyarcya gṛhṇīyādvratārcanajapādikam /
sarvāghaṃ ca kṣayaṃ yāti cikīrṣedyo harervratam

snātvāyobhyacya gṛhṇīyādvratārcanajapādikam /
snātvā yaccaturo māsānekabhaktena pūjayet /
viṣṇuṃ sa yāti viṣṇorva lokaṃ malavivarjitam

madyamāṃsasurātyagī vedaviddharipūjanāt /
tailavarji viṣṇulokaṃ viṣṇubhākkṛcchrapādakṛt

ekarātropavāsācca devo vaimāniko bhavet /
śvetadvīpaṃ trirātrāttu vrajetṣaṣṭhānnakṛnnaraḥ

cāndrāyaṇāddharerdhāma labhenmuktimayācitām /
prājāpatyaṃ viṣṇulokaṃ parākavratakṛddharim

saktuyāvakabhikṣāśī payodadhighṛtāśanaḥ /
gomūtrayāvakāhāraḥ pañcagavyakṛtāśanaḥ /
śākamalaphalādyāśī rasavarjo ca viṣṇubhāk