ગરુડ પુરાણ · અધ્યાય 1.122

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે ચાતુર્માસ્યવ્રતનિરૂપણં નામકાવશત્યુત્તરશતતમો ઽધ્યાયઃ
શ્રીગરુડમહાપુરાણમ્- 122
બ્રહ્મોવાચ ।
વ્રતં માસોપવાસાખ્યં સર્વોત્કૃષ્ટં વદામિતે ।
વાનપ્રસ્થો યતિર્નારી કુર્યાન્માસોપવાસકમ્

આશ્વિનસ્ય સિતે પક્ષે એકાદશ્યામુપોષિતઃ ।
વ્રતમેતત્તુ ગૃહ્ણીયાદ્યાવત્ત્રિંશદ્દિનાનિ તુ

અદ્યપ્રભૃત્યહં વિષ્ણો યાવદુત્થાનકં તવ ।
અર્ચયેત્વામનશ્રંસ્તુ દિનાનિ ત્રિંશદેવ તુ

કાર્તિકાશ્વિનયોર્વિષ્ણો દ્વાદશ્યોઃ શુક્લયોરહમ્ ।
મ્રિયેયદ્યન્તરાલે તુ વ્રતભઙ્ગો ન મે ભવેત્

હરિં યજોત્ત્રિષવણસ્નાયી ગન્ધાદિભિર્વ્રતી ।
ગાત્રાભ્યઙ્ગં ગન્ધલેપં દેવતાયતને ત્યજેત્

દ્વાદશ્યામથ સંપૂજ્ય પ્રદદ્યાદ્દ્વિજભોજનમ્ ।
તતશ્ચ પારણં કુર્યાદ્ધરેર્માસોપવાસકૃત્

દુગ્ધાદિપ્રાશનં કુર્યાદ્વ્રતસ્થો મૂર્છિતો ઽન્તરા ।
દુગ્ધાદ્યૈર્ન વ્રતં નશ્યેદ્ભુક્તિમુક્તિમવાપ્નુયાત્