ગરુડ પુરાણ · અધ્યાય 1.121

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે રમ્ભાતૃતીયાવ્રતં નામ વિંશત્યુત્તરશતતમો ઽધ્યાયઃ
શ્રીગરુડમહાપુરાણમ્- 121
બ્રહ્મોવાચ ।
ચાતુર્માસ્યવ્રતાન્યૂચે એકાદશ્યાં સમાચરેત્ ।
આષાઢ્યાં પૌર્ણમાસ્યાં વા સર્વેણહરિમર્ચ્યચ

ઇદં વ્રતં મયા દેવ ગૃહીતં પુરતસ્તવ ।
નિર્વિઘ્નં સિદ્ધિમાપ્નોતુ પ્રસન્ને ત્વયિ કેશવ

ગૃહીતે ઽસ્મિન્વ્રતે દેવ યદ્યપૂર્ણે મ્રિયામ્યહમ્ ।
તન્મે ભવતુ સમ્પૂર્ણં ત્વત્પ્રસાદાજ્જનાર્દન

એવમભ્યર્ચ્ય ગૃહ્ણીયાદ્વ્રતાર્ચનજપાદિકમ્ ।
સર્વાઘં ચ ક્ષયં યાતિ ચિકીર્ષેદ્યો હરેર્વ્રતમ્

સ્નાત્વાયોભ્યચ્ય ગૃહ્ણીયાદ્વ્રતાર્ચનજપાદિકમ્ ।
સ્નાત્વા યચ્ચતુરો માસાનેકભક્તેન પૂજયેત્ ।
વિષ્ણું સ યાતિ વિષ્ણોર્વ લોકં મલવિવર્જિતમ્

મદ્યમાંસસુરાત્યગી વેદવિદ્ધરિપૂજનાત્ ।
તૈલવર્જિ વિષ્ણુલોકં વિષ્ણુભાક્કૃચ્છ્રપાદકૃત્

એકરાત્રોપવાસાચ્ચ દેવો વૈમાનિકો ભવેત્ ।
શ્વેતદ્વીપં ત્રિરાત્રાત્તુ વ્રજેત્ષષ્ઠાન્નકૃન્નરઃ

ચાન્દ્રાયણાદ્ધરેર્ધામ લભેન્મુક્તિમયાચિતામ્ ।
પ્રાજાપત્યં વિષ્ણુલોકં પરાકવ્રતકૃદ્ધરિમ્

સક્તુયાવકભિક્ષાશી પયોદધિઘૃતાશનઃ ।
ગોમૂત્રયાવકાહારઃ પઞ્ચગવ્યકૃતાશનઃ ।
શાકમલફલાદ્યાશી રસવર્જો ચ વિષ્ણુભાક્