Garuda Purana · Chapter 1.120

iti śrīgāruḍe mahāpurāṇe prathamāṃśākhye ācārakāṇḍe 'gastyārghyavrataṃ nāmakonaviṃśatyuttaraśatatamo 'dhyāyaḥ
śrīgaruḍamahāpurāṇam- 120
brahmovāca /
rambhātṛtīyāṃ vakṣya ca saubhagyaśrīsutādidām /
mārgaśīrṣesite pakṣe tṛtīyāyāmupoṣitaḥ

gaurīṃ yajedvilvapatraiḥ kuśodakakarastataḥ /
kadambādau girisutāṃ pauṣe marubakairyajet

karpūrādaḥ kṛsarado mallikādantakāṣṭhakṛt /
māghesubhadrāṃ kalhārairghṛtāśo maṇḍakapradaḥ

gītīmayaṃ tantakāṣṭhaṃ phālgune gomatīṃ yajet /
kundaiḥ kṛtvā dantakāṣṭhaṃ jīvāśaḥ śaṣkulīpradaḥ

viśālākṣīṃ damanakaiścaitre ca kṛsarapradaḥ /
dadhiprāśo dantakāṣṭhaṃ tagaraṃ śrīmukhīṃ yajet

vaiśākhe karṇikāraiśca aśokāśo vaṭapradaḥ /
jyeṣṭhe nārāyaṇīmarcecchatapatraiśca khaṇḍadaḥ /
lavaṅgāśo bhavedeva āṣāḍhe mādhavīṃ yajet

tilāśo bilvapatraiśca kṣīrānnavaṭakapradaḥ /
audumbaraṃ dantakāṣṭhaṃ tagaryāḥ śrāvaṇe śriyam

dantakāṣṭhaṃ mallikāyā kṣīrado hyuttamāṃ yajet /
padmairyajedbhādrapade śṛṅgadāśo gṛḍādidaḥ

rājaputrīṃ cāśvayuje japāpuṣpaiśca jīrakam /
prāśayenniśi naivedyaiḥ kṛsaraiḥ kārtike yajet

jātīpuṣpaiḥ padmajāṃ ca pañcagavyāśano yajet /
ghṛtodanaṃ ca varṣānte sapatnīkāndvijānyajet

umāmaheśvaraṃ pūjya pradadyācca guḍādikam /
vastracchatrasuvarṇādyaiḥ rātrau ca kṛtajāgaraḥ /
gītavādyairdadatpratargavādyaṃ sarvamānpuyāt