Brihat Samhita · Chapter 96

pakṣād bhānoḥ somasya māsiko +aṅgārakasya vaktra^uktaḥ/
ādarśanāc ca pāko budhasya jīvasya varṣeṇa//

ṣaḍbhiḥ sitasya māsair abdena śaneḥ suradviṣo +abdārdhāt/
varṣāt sūryagrahaṇe sadyaḥ syāt tvāṣṭra^kīlakayoḥ//

tribhir eva dhūmaketor māsaiḥ śvetasya saptarātra^ante/
saptāhāt pariveṣa^indracāpa^sandhyā^abhrasūcīnām//

śīta^uṣṇa^viparyāsaḥ phala^puṣpam akālajaṃ diśāṃ dāhaḥ/
sthira^carayor anyatvaṃ prasūti^vikṛtiś ca ṣaṇ^māsāt//

akriyamāṇaka^karaṇaṃ bhūkampo +anutsavo duriṣṭaṃ ca/
śoṣaś ca^aśoṣyāṇāṃ sroto +anyatvaṃ ca varṣa^ardhāt//

stambha^kusūla^arcānāṃ jalpita^rudita^prakampita^svedāḥ/
māsa^trayeṇa kalaha^indracāpa^nirghāta^pākāś ca//

kīṭa^ākhu^makṣika^uraga^bāhulyaṃ mṛga^vihaṅga^virutaṃ ca/
loṣṭasya cāpsu taraṇaṃ tribhir eva vipacyate māsaiḥ//

prasavaḥ śunām araṇye vanyānāṃ grāma^sampraveśaś ca/
madhunilaya^toraṇa^indradhvajāś ca varṣāt samadhikād vā//

gomāyu^gṛdhra^saṃghā daśa^ahikāḥ sadya eva tūrya^ravaḥ/
ākruṣṭaṃ pakṣa^phalaṃ valmīko vidaraṇaṃ ca bhuvaḥ//

ahutāśa^prajvalanaṃ ghṛta^taila^vasā^ādi^varṣaṇaṃ ca^api/
sadyaḥ paripacyante māse +adhyardhe ca janavādaḥ//

chatra^citi^yūpa^hutavaha^bījānāṃ saptabhir bhavati pakṣaiḥ/
chatrasya toraṇasya ca kecin māsāt phalaṃ prāhuḥ //

atyanta^viruddhānāṃ snehaḥ śabdaś ca viyati bhūtānām/
mārjāra^nakulayor mūṣakeṇa saṅgaś ca māsena//

gandharvapuraṃ māsād rasa^vaikṛtyaṃ hiraṇya^vikṛtiś ca/
dhvaja^veśma^pāṃśu^dhūma^ākulā diśaś ca^api māsa^phalāḥ//

navaka^eka^aṣṭa^daśaka^eka^ṣaṭ^trika^trika^saṅkhya^māsa^pākāni/
nakṣatrāṇy aśvinipūrvakāṇi sadyaḥ phala^āśleṣā//

pitryān māsaḥ ṣaṭ saṭ^trayo +ardham aṣṭau ca tri^ṣaḍ^eka^ekāḥ/
māsa^catuṣke +aṣāḍhe sadyaḥ pāka^abhijittārā//

sapta^aṣṭav adhyardhaṃ trayas trayaḥ pañca ca^eva māsāḥ syuḥ/
śravaṇa^ādīnāṃ pāko nakṣatrāṇāṃ yathāsaṅkhyam//

nigadita^samaye na dṛśyate ced
adhikataraṃ dviguṇe prapacyate tat/
yadi na kanaka^ratna^go^pradānair
upaśamitaṃ vidhivad dvijaiś ca śāntyā//
97 nakṣatrakarmaguṇādhyāyaḥ