Brihat Samhita · Chapter 97

śikhi^guṇa^rasa^indriya^anala^śaśi^viṣaya^guṇa^ṛtu^pañca^vasu^pakṣāḥ/
viṣaya^eka^candra^bhūta^arṇava^agni^rudra^aśvi^vasu^dahanāḥ//

bhūta^śata^pakṣa^vasavo dvātriṃśac ca^iti tārakā^mānam/
kramaśo +aśviny^ādīnāṃ kālas tārā^pramāṇena//

nakṣatrajam udvāhe phalam abdais tārakā^mitaiḥ sadasat/
divasair jvarasya nāśo vyādher anyasya vā vācyaḥ//

aśvi^yama^dahana^kamalaja^śaśi^śūlabhṛd^aditi^jīva^phaṇi^pitaraḥ/
yony^aryama^dinakṛt^tvaṣṭṛ^pavana^śakrāgni^mitrāś ca//

śakro nirṛtis toyaṃ viśve brahmā harir vasur varuṇaḥ/
ajapādo +ahirbudhnyaḥ pūṣā cetīśvarā bhānām//

trīṇy uttarāṇi tebhyo rohiṇyaś ca dhruvāṇi taiḥ kuryāt/
abhiṣeka^śānti^taru^nagara^dharma^bīja^dhruva^ārambhān//

mūla^śiva^śakra^bhujaga^adhipāni tīkṣṇāni teṣu siddhyanti/
abhighāta^mantra^vetāla^bandha^vadha^bheda^saṃbandhāḥ//

ugrāṇi pūrva^bharaṇī^pitryāṇy utsāda^nāśa^śāṭhyeṣu/
yojyāni bandha^viṣa^dahana^śastra^ghāta^ādiṣu ca siddhyai//

laghu hasta^aśvina^puṣyāḥ paṇya^rati^jñāna^bhūṣaṇa^kalāsu/
śilpa^auṣadha^yāna^ādiṣu siddhikarāṇi pradiṣṭāni//

mṛdu^vargo[K.mṛduvargas tv] +anūrādhā^citrā^pauṣṇa^aindavāni mitrārthe/
suratavidhi^vastra^bhūṣaṇa^maṅgala^gīteṣu ca hitāni//

hautabhujaṃ saviśākhaṃ mṛdu^tīkṣṇam tad^vimiśra^phala^kāri/
śravaṇatrayam āditya^ānile ca carakarmaṇi hitāni//

hasta^trayaṃ mṛgaśiraḥ śravaṇa^trayaṃ[K.śravanāttrayaṃ] ca
pūṣa^aśvi^śakra^guru^bhāni punarvasuś ca/
kṣaure tu karmaṇi hitāny udaye kṣaṇe vā
yuktāni ca^uḍupatinā śubhatārayā ca//

na snātamātra^gamana^unmukha[K.utsuka]^bhūṣitānām
abhyakta^bhukta^raṇakāla^nirāsanānām/
sandhyā^*niśā^śani^kuja^arka^tithau[K.niśoḥ kujayamārkadine] ca rikte
kṣauraṃ hitaṃ na navame +ahni na ca^api viṣṭyām//

nṛpājñayā brāhmaṇa^sammate ca vivāhakāle mṛtasūtake ca/
baddhasya mokṣe kratu^dīkṣaṇāsu sarveṣu śastaṃ kṣurakarma bheṣu//
[K.one verse inserted
K.98.15ab/ hasto mūlaṃ śravaṇā punarvasur mṛgaśiras tathā puṣyaḥ/
K.98.15cd/ puṃsañjñiteṣu kāryeṣv etāni śubhāni dhiṣṇyāni//]

sāvitra^pauṣṇa^anila^maitra^tiṣya^tvāṣṭre tathā ca^uḍugaṇādhipa^ṛkṣe/
saṃskāra^dīkṣā^vrata^mekhalādi kuryād gurau śukra^budha^induyukte//
[K.one verse inserted
K.98.17ab/ lābhe tṛtīye ca śubhaiḥ samete pāpair vihīne śubharāśilagne/
K.98.17cd/ vedhyau tu karṇau tridaśejyalagne tiṣyenducitrāharirevatīṣu//]

śuddhair dvādaśa^kendra^naidhanagṛhaiḥ pāpais triṣaṣṭhāyagair
lagne kendragate +atha vā suragurau daitya^indrapūjye +api vā/
sarva^ārambha^phala^prasiddhir udaye rāśau ca kartuḥ śubhe
sagrāmya^sthira^bha^udaye ca bhavanaṃ kāryaṃ praveśo +api vā//
98 tithikarmaguṇādhyāyaḥ