Brihat Samhita · Chapter 93

dantasya mūla^paridhiṃ dvir āyataṃ prohya kalpayet^śeṣam/
adhikam anūpa^carāṇāṃ nyūnaṃ giri^cāriṇāṃ kiñ cit//

śrīvatsa^vardhamāna^cchatra^dhvaja^cāmara^anurūpeṣu/
chede dṛṣṭeṣv ārogya^vijaya^dhana^vṛddhi^saukhyāni//

praharaṇa^sadṛśeṣu jayo nandyāvarte pranaṣṭa^deśa^āptiḥ/
loṣṭe tu labdha^pūrvasya bhavati deśasya samprāptiḥ//

strīrūpe +aśva^vināśo[K.svavināśo] bhṛṅgāre +abhyutthite suta^utpattiḥ/
kumbhena nidhi^prāptir yātrā^vighnaṃ ca daṇḍena//

kṛkalāsa^kapi^bhujaṅgeṣv asubhikṣa^vyādhayo ripu^*vaśitvam[K.vaśatvam]/
gṛdhra^ulūka^dhvāṅkṣa^śyena^ākāreṣu janamarakaḥ//

pāśe +atha vā kabandhe nṛpa^mṛtyur jana^vipat srute rakte/
kṛṣṇe śyāve rūkṣe durgandhe ca^aśubhaṃ bhavati//

śuklaḥ samaḥ sugandhiḥ snigdhaś ca śubha^āvaho bhavec chedaḥ/
galana^mlāna^phalāni ca dantasya samāni bhaṅgena//

mūla^madhya^daśana^agra^saṃsthitā
deva^daitya^manujāḥ kramāt tataḥ/
sphīta^madhya^paripelavaṃ phalaṃ
śīghra^madhya^cirakāla^sambhavam//

danta^bhaṅga^phalam atra dakṣiṇe bhūpa^deśa^bala^vidrava^pradam/
vāmataḥ suta^purohita^ibhayān[K.ibhapān] hanti sāṭavika^dāra^nāyakān//

ādiśed ubhaya^bhaṅga^darśanāt pārthivasya sakalaṃ kula^kṣayam/
saumya^lagna^tithi^bha^ādibhiḥ śubhaṃ vardhate +aśubham ato +anyathā vadet[K.bhavet]//

kṣīra^mṛṣṭa[K.kṣīravṛkṣa]^phala^puṣpa^pādapeṣv āpagā^taṭa^vighaṭṭitena vā/
vāma^madhya^rada^bhaṅga^khaṇḍane[K.khaṇḍanaṃ] śatru^nāśakṛd ato +anyathā param//

skhalita^gatir akasmāt trasta^karṇo +atidīnaḥ
śvasiti mṛdu sudīrghaṃ nyasta^hastaḥ pṛthivyām/
druta^mukulita^dṛṣṭiḥ svapna^śīlo vilomo
bhayakṛd ahita^bhakṣī naikaśo *+asṛk^śakṛt^kṛt[K.+asṛk chakṛt ca]//

valmīka^sthāṇu^gulma^kṣupa^taru^mathanaḥ sva^icchayā hṛṣṭa^dṛṣṭir
yāyād yātrā^anulomaṃ tvarita^pada^gatir vaktram unnāmya ca^uccaiḥ/
kakṣyā^sannāha^kāle janayati ca muhuḥ śīkaraṃ bṛṃhitaṃ vā
tatkāle[K.tatkālaṃ] vā madāptir jayakṛd atha radaṃ veṣṭayan dakṣiṇaṃ ca//

praveśanaṃ vāriṇi vāraṇasya
grāheṇa nāśāya bhaven nṛpasya/
grāhaṃ gṛhotvā[K.grihītvā]^uttaraṇaṃ nṛpasya[K.ū.dvipasya]
toyāt sthalaṃ vṛddhi^karaṃ nṛbhartuḥ//
94 vāyasavirutādhyāyaḥ