Brihat Samhita · Chapter 86

aindryāṃ diśi śāntāyāṃ viruvan nṛpa^saṃśrita^āgamaṃ vakti/
[K.śakuniḥ] pūjā^lābhaṃ maṇi^ratna^dravya^samprāptim//

tad^anantara^diśi kanaka^āgamo bhaved vāñchita^artha^siddhiś ca/
āyudha^dhana^pūgaphala^āgamas tṛtīye bhaved bhāge//

snigdha^dvijasya sandarśanaṃ caturthe tathā^āhitāgneś ca/
koṇe +anujīvi^bhikṣu^pradarśanaṃ kanaka^loha^āptiḥ//

yāmyena^ādye nṛpa^putra^darśanaṃ siddhir abhimatasya^āptiḥ/
parataḥ strī^dharma^āptiḥ sarṣapa^yava^labdhir apy uktā//

koṇāc caturtha^khaṇḍe labdhir dravyasya pūrva^naṣṭasya/
yad vā tad vā phalam api yātrāyāṃ prāpnuyād yātā//

yātrā^siddhiḥ samadakṣiṇena śikhi^mahiṣa^kukkuṭa^āptiś ca/
yāmyād dvitīyabhāge cāraṇa^saṅgaḥ śubhaṃ prītiḥ//

ūrdhvaṃ siddhiḥ kaivarta^saṅgamo mīna^tittira^ādy^āptiḥ/
pravrajita^darśanaṃ tatpare ca pakvānna^phala^labdhiḥ//

nairṛtyāṃ strīlābhas turaga^alaṅkāra^dūta^lekha^āptiḥ/
parato +asya carma^tatśilpi^darśanaṃ carmamaya^labdhiḥ//

vānara^bhikṣu^śravaṇa^avalokanaṃ nairṛtāt tṛtīya^aṃśe/
phala^kusuma^danta^ghaṭita^āgamaś ca koṇāc caturtha^aṃśe//

vāruṇyām arṇavajāta^ratna^vaidūrya[K.vaiḍūrya]^maṇimaya^prāptiḥ/
parato +ataḥ śabara^vyādha^caura^saṅgaḥ piśita^labdhiḥ//

parato +api darśanaṃ vātarogiṇāṃ candana^aguru^prāptiḥ/
āyudha^pustaka^labdhis tadvṛttisamāgamaś ca^ūrdhvam//

vāyavye phenaka^cāmara^aurṇika^āptiḥ sameti kāyasthaḥ/
mṛnmaya^lābho +anyasmin vaitālika^ḍiṇḍi^bhāṇḍānām//

vāyavyāc ca tṛtīye mitreṇa samāgamo dhanaprāptiḥ/
vastra^aśva^āptir ataḥ param iṣṭa^suhṛt^samprayogaś ca//

dadhi^taṇḍula^lājānāṃ labdhir udag darśanaṃ ca viprasya/
artha^avāptir anantaram upagacchati sārtha^vāhaś ca//

veśyā^vaṭu^dāsa^samāgamaḥ pare śukla[K.śuṣka]^puṣpa^phala^labdhiḥ/
*ata ūrdhvaṃ[K.ataḥ paraṃ] citrakarasya darśanaṃ citra^vastra^āptiḥ[K.vastrasamprāptiḥ]//

aiśānyāṃ devalaka^upasaṅgamo dhānya^ratna^paśu^labdhiḥ/
prāk prathame vastrāptiḥ samāgamaś ca^api bandhakyā//

rajakena samāyogo jalaja^dravya^āgamaś ca parato +ataḥ/
hasty^upajīvi^samājaś ca^asmād dhana^hasti^labdhiś ca//

dvātriṃśat^pravibhaktaṃ dikcakraṃ *vāstuvat sanemy uktam[K.vāstubandhane apy uktam]/
ara^nābhi^sthair antaḥ phalāni navadhā vikalpyāni//

nābhisthe bandhu^suhṛt^samāgamas tuṣṭir uttamā bhavati/
prāg rakta^paṭṭa^vastra^āgamas tv are nṛpati^saṃyogaḥ//

āgneye kaulika^takṣa^pārikarma^aśva^sūta^saṃyogaḥ/
labdhiś ca tatkṛtānāṃ dravyāṇām aśva^labdhir vā//

nemī^bhāgaṃ buddhvā nābhī^bhāgaṃ ca dakṣiṇe yo +araḥ/
dhārmika^jana^saṃyogas tatra bhaved dharma^lābhaś ca//

usrā^krīḍaka^kāpālika^āgamo nairṛte samuddiṣṭaḥ/
vṛṣabhasya ca^atra labdhir māṣa^kulattha^ādyam aśanam ca//

aparasyāṃ diśi yo +aras tatra^āsaktiḥ kṛṣīvalair bhavati/
sāmudradravya^susāra^kāca^phala^madya^labdhiś ca//

bhāravaha^takṣa^bhikṣuka^sandarśanam api ca vāyu^dik^saṃsthe/
tilaka^kusumasya labdhiḥ sanāga^punnāga^kusumasya//

kauberyāṃ diśi *yo +aras tatrastho[K.śakunaḥ śāntāyāṃ] vitta^lābham ākhyāti/
bhāgavatena samāgamanam[K.ū.samāgamam] ācaṣṭe pīta^vastraiś ca//

aiśāne vratayuktā vanitā sandarśanaṃ samupayāti/
labdhiś ca parijñeyā kṛṣṇāyaḥ^śastra[K.kṛṣṇāyovastra]^ghaṇṭānām//

yāmye +aṣṭāṃśe paścād dvi^ṣaṭ^tri^sapta^aṣṭameṣu madhya^phalā/
saumyena ca dvitīye śeṣeṣv atiśobhanā yātrā//

abhyantare tu nābhyāṃ śubhaphaladā bhavati ṣaṭsu ca^areṣu/
vāyavyā^nairṛtayor arayoḥ[K.?ubhayyoḥ] kleśāvahā yātrā//

śāntāsu dikṣu phalam idam uktaṃ dīptāsv ato +abhidhāsyāmi/
aindryāṃ bhayaṃ narendrāt samāgamaś ca^eva śātrūṇām//

tad^anantara^diśi nāśaḥ kanakasya bhayaṃ suvarṇakārāṇām/
artha^kṣayas tṛtīye kalahaḥ śastra^prakopaś ca//

agnibhayaṃ ca caturthe bhayam āgneye ca bhavati caurebhyaḥ/
koṇād api dvitīye dhana^kṣayo nṛpa^suta^vināśaḥ//

pramadā^garbha^vināśas tṛtīya^bhāge bhavec caturthe ca/
hairaṇyaka^kārukayoḥ pradhvaṃsaḥ śastra^kopaś ca//

atha pañcame nṛpa^bhayaṃ mārī^mṛta^darśanaṃ ca vaktavyam/
ṣaṣṭhe tu bhayaṃ jñeyaṃ gandharvāṇāṃ saḍombānām//

dhīvara^śākunikānāṃ saptama^bhāgād[K.bhāge] bhayaṃ bhavati dīpte/
bhojana^vighāta ukto nirgrantha^bhayaṃ ca tatparataḥ//

kalaho nairṛta^bhāge raktasrāvo +atha śastra^kopaś ca/
aparādye carmakṛtaṃ vinaśyate carmakāra^bhayam//

tadanantaraṃ[K.tadanantare] parivrāṭ^śravaṇa^bhayaṃ tatpare tv anaśanabhayam/
vṛṣṭibhayaṃ vāruṇye śva^taskarāṇāṃ bhayaṃ parataḥ//

vāyu^grasta^vināśaḥ pare pare śastra^pusta^*vārtānām[K.vārttānām]/
koṇe pustakanāśaḥ pare viṣa^stena^vāyu^bhayam//

parato vitta^vināśo mitraiḥ saha vigrahaś ca vijñeyaḥ/
tasya^āsanne +aśvavadho bhayam api ca purodhasaḥ proktam//

goharaṇa^śastra^ghātāv udak pare sārtha^ghāta^dhana^nāśau/
āsanne ca śvabhayaṃ vrātya^dvija^dāsa^gaṇikānām//

aiśānasya^āsanne citra^ambara^citrakṛd^bhayaṃ proktam/
aiśāne tv agni^bhayaṃ dūṣaṇam apy uttama^strīṇām//

prāk tasya^eva^āsanne duḥkha^utpattiḥ striyā vināśaś ca/
bhayam ūrdhvaṃ rajakānāṃ vijñeyaṃ kācchikānāṃ ca//

hasty^āroha^bhayaṃ syād dvirada^vināśaś ca maṇḍala^samāptau/
abhyantare tu dīpte patnī^maraṇaṃ dhruvaṃ pūrve//

śastra^anala^prakopa^āgneye vāji^maraṇa^śilpi^bhayam/
yāmye dharma^*vināśo +apare[K.vināśaḥ pare] +agny^avaskanda^cokṣa^vadhāḥ//

apare tu karmiṇāṃ bhayam atha koṇe ca^anile khara^uṣṭra^vadhaḥ/
atra^eva manuṣyāṇāṃ visūcikā[K.viśūcikā]^viṣa^bhayaṃ bhavati//

udag artha^vipra^pīḍā diśy aiśānyāṃ tu citta^santāpaḥ/
grāmīṇa^gopa^pīḍā ca tatra nābhyāṃ tathā^ātma^vadhaḥ//
87 virutādhyāyḥ