Brihat Samhita · Chapter 7

na^utpāta^parityaktaḥ kadā cid api candrajo vrajaty udayam/
jala^dahana^pavana^bhaya^kṛd dhānya^argha^kṣaya^vivṛddhau vā//

vicaran śravaṇa^dhaniṣṭhā^prajāpatya[U.prājāpatya]^indu*vaiśvadevāni[K.viśvadaivāni]/
mṛdnan hima^kara^tanayaḥ karoty avṛṣṭiṃ sa^roga^bhayām//

raudra^ādīni maghā^antāny upāśrite candraje prajāpīḍā/
śastra^nipāta^kṣud^bhaya^roga^anāvṛṣṭi^santāpaiḥ//

hasta^ādīni *caran[K.vicaran] ṣaḍṛkṣāṇy upapīḍayan gavām aśubhaḥ/
sneha^rasa^argha^vivṛddhiṃ karoti ca^urvīṃ prabhūta^annām//

āryamṇaṃ hautabhujaṃ bhadrapadām uttrarāṃ yameśaṃ ca/
candrasya suto nighnan prāṇa^bhṛtāṃ dhātu^saṃkṣaya^kṛt//

āśvina^vāruṇa^mūlāny upamṛdnan revatīṃ ca candra^sutaḥ/
paṇya^bhiṣag^naujīvika^salilaja^turaga^upaghāta^karaḥ//

pūrva^ādy^ṛkṣa^tritayād ekam api^indoḥ suto +abhimṛdnīyāt/
kṣut^śastra^taskara^āmaya^bhaya^pradāyī caran jagataḥ//

prākṛta^vimiśra^saṃkṣipta^tīkṣṇa^yogānta^ghora^pāpa^ākhyāḥ/
sapta parāśara^tantre nakṣatraiḥ kīrtitā gatayaḥ//

prākṛta^saṃjñā vāyavya^yāmya^paitāmahāni bahulāś ca/
miśrā gatiḥ pradiṣṭā śaśi^śiva^pitṛ^*bhujagadevāni[K.bhujagadaivāni]/

saṃkṣiptāyāṃ puṣyaḥ punarvasuḥ phalgunī^dvayaṃ ca^iti/
tīkṣṇāyāṃ bhadrapadā^dvayaṃ sa^śākra^aśvayuk pauṣṇam//

yogāntikā^iti mūlaṃ dve ca^āṣāḍhe gatiḥ sutasya^indoḥ//
ghorā śravaṇas tvāṣṭraṃ *vasudaivaṃ[K.vasudevaṃ] vāruṇaṃ ca^eva//

pāpa^ākhyā sāvitraṃ maitraṃ śakrāgni^daivataṃ ca^iti/
udaya^pravāsa^divasaiḥ sa eva gati^lakṣaṇaṃ prāha//

catvāriṃśat(40) triṃśad(30) dvisametā viṃśatir(22) dvinavakaṃ(18) ca/
nava(9) māsa^ardhaṃ(15) daśa ca^ekasaṃyutāḥ(11) prākṛtādyānām//

prākṛta^gatyām ārogya^vṛṣṭi^sasya^pravṛddhayaḥ kṣemam/
saṃkṣipta^miśrayor miśram etad anyāsu viparītam//

ṛjvī^ativakrā^vakrā vikalā ca matena devalasya^etāḥ/
pañca^catur^dvy^ekāhā ṛjvyādīnāṃ ṣaḍabhyastāḥ//

ṛjvī hitā prajānām *ativakrā +arghaṃ[K.ativakrārthaṃ] gatir vināśayati/
śastra^bhayadā ca vakrā vikalā bhaya^roga^saṃjananī//

pauṣa^āṣāḍha^śrāvaṇa^vaiśākheṣv indujaḥ sa^māgheṣu/
vṛṣṭo bhayāya jagataḥ śubha^phala^kṛt proṣitas teṣu//

*kārtike[K.kārttike] +aśvayuji vā yadi māse dṛśyate tanu^bhavaḥ śiśirāṃśoḥ/
śastra^caura^hutabhug^gada^toya^kṣud^bhayāni ca tadā vidadhāti

ruddhāni saumye *+astagate[K.astamite] purāṇi yāny udgate tāny upayānti mokṣam/
anye tu paścād udite vadanti lābhaḥ purāṇāṃ bhavati tajjñāḥ//

hema^kāntir atha vā śuka^varṇaḥ sasyakena maṇinā sadṛśo vā/
snigdha^mūrtir alaghuś ca hitāya vyatyaye na śubha^kṛt śaśiputraḥ//
8 bṛhaspaticārādhyāyaḥ