Brihat Samhita · Chapter 6

yady udaya^ṛkṣād vakraṃ karoti navama^aṣṭa^saptama^ṛkṣeṣu/
tad*vaktrām[K.vakram ū.vaktram] uṣṇam udaye pīḍā^karam agnivārttānām//

dvādaśa^daśama^ekādaśa^nakṣatrād vakrite kuje +aśru^mukham/
dūṣayati rasān udaye karoti rogān avṛṣṭiṃ ca//

vyālaṃ trayodaśa^ṛkṣāc caturdaśād vā vipacyate +astamaye/
daṃṣṭri^vyāla^mṛgebhyaḥ karoti pīḍāṃ subhikṣaṃ ca//

rudhira^ānanam iti vaktraṃ pañcadaśāt ṣoḍaśāc ca vinivṛtte/
tat^kālaṃ mukha^rogaṃ sa^bhayaṃ ca subhikṣam āvahati//

asi^muśalaṃ saptadaśād aṣṭādaśato +api vā tad anuvakre/
dasyu^gaṇebhyaḥ pīdāṃ karoty avṛṣṭiṃ sa^śastra^bhayām//

bhāgya^āryamā^udite yadi nivartate vaiśva^daivate bhaumaḥ/
prājāpatye +astamitas trīn api lokān nipīḍayati//

śravaṇa^uditasya vakraṃ puṣye mūrdha^abhiṣikta^pīḍā^kṛt/
yasminn ṛkṣe +abhyuditas tad^dig^vyūhān janān hanti//

madhyena yadi maghānāṃ gata^agataṃ lohitaḥ karoti tataḥ/
pāṇḍyo nṛpo vinaśyati śastra^udyogād bhayam avṛṣṭiṃ//

bhittvā *maghā[K.maghāṃ] viśākhāṃ bhindan bhaumaḥ karoti durbhikṣam/
marakaṃ karoti ghoraṃ yadi bhittvā rohiṇīṃ yāti//

dakṣiṇato rohiṇyās caran mahījo +argha^vṛṣṭi^nigraha^kṛt/
dhūmāyan sa^śikho vā vinihanyāt pāriyātra^sthān//

prājāpatye śravaṇe mūle *triṣu ca^uttareṣu[K.tisṛṣūttarāsu] śākre ca/
vicaran ghana^nivahānām upaghāta^karaḥ kṣamā^tanayaḥ//

cāra^udayāḥ praśastāḥ śravaṇa^maghā^āditya*hasta^mūleṣu[K.mūlahasteṣu]/
ekapadā^aśvi^viśākhā^prājāpatyeṣu ca kujasya//

vipula^vimala^mūrtiḥ kiṃśuka^aśoka^varṇaḥ
sphuṭa^rucira^mayūkhas tapta^tāmra^prabhā^ābhaḥ/
vicarati yadi mārgaṃ ca^uttaraṃ medinījaḥ
śubha^kṛd avani^pānāṃ hārdidaś ca prajānām//
7 budhacārādhyāyaḥ