Brihat Samhita · Chapter 52

vāstujñānam atha^ataḥ kamalabhavān muniparam parāyātam/
kriyate +adhunā mayā^idam vidagdha^sāṃvatsara^prītyai//

kim api kila bhūtam abhavad rundhānaṃ rodasī śarīreṇa/
tad amaragaṇena sahasā vinigṛhya^adhomukhaṃ nyastam//

yatra ca yena gṛhītaṃ vibudhena^adhiṣṭhitaḥ sa tatra^eva/
tad amaramayaṃ vidhātā vāstunaraṃ kalpayām āsa//

uttamam aṣṭa^abhyadhikaṃ hastaśataṃ nṛpa^gṛhaṃ pṛthutvena/
aṣṭa^aṣṭa^ūnāny evaṃ pañca sapādāni dairghyeṇa//

ṣaḍbhiḥ ṣaḍbhir hīnā senāpati^sadmanāṃ catuḥṣaṣṭiḥ/
*evaṃ pañca gṛhāṇi[K.pañca evaṃ vistārāt] ṣaḍbhāga^samanvitā dairghyam//

ṣaṣṭiś *caturbhir hīnā[K.caturvihīnā] veśmāni pañca sacivasya/
sva^aṣṭāṃśa^yuto dairghyaṃ tadardhato rāja^mahiṣīṇām//

ṣaḍbhiḥ ṣaḍbhiś ca^evaṃ yuvarājasya^apavarjitā^aśītiḥ/
tryaṃśānvitā ca dairghyaṃ pañca tadardhais tadanujanānām//

nṛpa^saciva^antaratulyaṃ sāmanta^pravara^rājapuruṣāṇām/
nṛpa^yuvarāja^viśeṣaḥ kañcuki^veśyā^kalājñānām//

adhyakṣa^adhikṛtānāṃ *sarveṣāṃ[K.sarveṣām eva] kośa^rati^tulyam/
yuvarāja^mantri^vivaraṃ karmānta^adhyakṣa^dūtānām//

catvāriṃśad^ dhīnā catuścaturbhis tu pañca yāvad iti/
ṣaḍ^bhāga^yutā dairghyaṃ daivajña^purodhasor bhiṣajaḥ//

vāstuni yo vistāraḥ sa eva ca^ucchrāya^niścayaḥ śubhadaḥ/
śālā^ekeṣu gṛheṣv api vistārād dviguṇitaṃ dairghyam//

cāturvarṇya^vyāso dvātriṃśat *sā[K.syāt] catuścaturhīnā/
āṣoḍaśād iti paraṃ nyūnataram atīva hīnānām//

sadaśāṃśaṃ viprāṇāṃ kṣatrasya^aṣṭāṃśa^saṃyutaṃ dairghyam/
ṣaḍbhāga^yutaṃ vaiśyasya bhavati śūdrasya pādayutam//

nṛpa^senāpati^gṛhayor antaramānena kośa^rati^bhavane/
senāpati^cāturvarṇya^vivarato rājapuruṣāṇām//

atha *pāraśava[K.pārasava]^ādīnāṃ svamāna^saṃyoga^dala^samaṃ bhavanam/
hīna^adhikaṃ svamānād aśubhakaraṃ vāstu sarveṣām//

paśv^āśramiṇām amitaṃ dhānya^āyudha^vahni^rati^gṛhāṇāṃ ca/
na^icchanti śāstrakārā hastaśatād ucchritaṃ parataḥ//

senāpati^nṛpatīnāṃ saptati^sahite dvidhā^kṛte vyāse/
śālā caturdaśa^hṛte pañcatriṃśad^dhṛte +alindaḥ//

hasta^dvātriṃśa^ādiṣu catuś^catus^tri^trika^trikāḥ śālāḥ/
sapta^daśa^tritaya^tithi^trayodaśa^kṛtāṅgula^abhyadhikāḥ//

tri^tri^dvi^dvi^dvi^samāḥ kṣayakramād aṅgulāni ca^eteṣām/
vyekā viṃśatir aṣṭau viṃśatir aṣṭādaśa tritayam//

śālā^tribhāga^tulyā kartavyā vīthikā bahirbhavanāt/
yady agrato bhavati sā soṣṇīṣaṃ nāma tadvāstu//

sāyāśrayam iti paścāt sāvaṣṭambhaṃ tu pārśvasaṃsthitayā/
susthitam iti ca samantāt^śāstrajñaiḥ pūjitāḥ sarvāḥ//

vistāra^ṣoḍaśāṃśaḥ sacatur^hasto bhaved gṛha^ucchrāyaḥ/
dvādaśa^bhāgena^ūno bhūmau bhūmau samastānām//

vyāsāt ṣoḍaśabhāgaḥ sarveṣāṃ sadmanāṃ bhavati bhittiḥ/
pakva^iṣṭakā^ākṛtānāṃ dārukṛtānāṃ tu *na vikalpaḥ[K.savikalpaḥ, K's tr. na vikalpaḥ]//

ekādaśa^bhāga^yutaḥ sasaptatir nṛpa^baleśayor vyāsaḥ/
ucchrāyo +aṅgulatulyo dvārasyārdhena viṣkambhaḥ//

viprādīnāṃ vyāsāt pañcāṃśo +aṣṭādaśa^aṅgula^sametaḥ/
sāṣṭāṃśo viṣkambho dvārasya triguṇa ucchrāyaḥ//

ucchrāya^hasta^saṃkhyā^parimāṇāny aṅgulāni bāhulyam/
śākhādvaye +api kāryaṃ sārdhaṃ tat syād udumbarayoḥ//

ucchrāyāt saptaguṇād aśītibhāgaḥ pṛthutvam eteṣām/
navaguṇite +aśītyaṃśaḥ stambhasya daśāṃśahīno +agre//

*samacaturasro[K.samacaturaśro] rucako vajro *+aṣṭāsrir[K.aṣṭāśris] dvivajrako dviguṇaḥ/
dvātriṃśatā tu madhye pralīnako vṛtta iti vṛttaḥ//

stambhaṃ vibhajya navadhā vahanaṃ bhāgo ghaṭo +asya bhāgo +anyaḥ/
padmaṃ tathā^uttaroṣṭhaṃ kuryād bhāgena bhāgena//

stambhasamaṃ bāhulyaṃ bhāratulānām upary upary āsām/
bhavati tulā^upatulānām ūnaṃ pādena pādena//

apratiṣiddha^alindaṃ samantato vāstu sarvatobhadram/
nṛpa^vibudha^samūhānāṃ kāryaṃ dvāraiś caturbhir api//

nandyāvartam alindaiḥ śālākuḍyāt pradakṣiṇa^antagataiḥ/
dvāraṃ paścimam asmin vihāya śeṣāṇi kāryāṇi//

dvārālindo +antagataḥ pradakṣiṇo +anyaḥ śubhas tataś cānyaḥ/
*tasmiṃś[K.tadvad] ca vardhamāne dvāraṃ tu na dakṣiṇaṃ kāryam//

aparo +antagato +alindaḥ prāgantagatau tadutthitau cānyau/
tadavadhi^*vidhṛtaś[K.vivṛtaś, K's tr. vidhṛta] cānyaḥ prāgdvāraṃ svastike *śubhadam[K.+aśubhadam, K's tr. śubham]//

prāk^paścima^avalindāv antagatau tad avadhisthitau śeṣau/
rucake dvāraṃ na śubhadam uttarato +anyāni śastāni//

śreṣṭhaṃ nandyāvartaṃ sarveṣāṃ vardhamāna^saṃjñaṃ ca/
svastika^rucake madhye śeṣaṃ śubhadaṃ nṛpa^ādīnām//

uttaraśālā^hīnaṃ hiraṇyanābhaṃ triśālakaṃ dhanyam/
prākśālayā viyuktaṃ sukṣetraṃ vṛddhidaṃ vāstu//

yāmyāhīnaṃ cullī triśālakaṃ vittanāśakaram etat/
pakṣaghnam aparayā varjitaṃ suta^dhvaṃsa^vaira^karam//

siddhārtham aparayāmye yamasūryaṃ paścimottare śāle/
daṇḍākhyam udakpūrve vāta^ākhyaṃ prāgyutā yāmyā//

pūrvāpare tu śāle gṛhacullī dakṣiṇottare kācam/
siddhārthe +arthāvāptir yamasūrye gṛhapater mṛtyuḥ//

daṇḍavadho daṇḍākhye kalaha^udvegaḥ sadaiva vāta^bākhye/
vittavināśaś cullyāṃ jñātivirodhaḥ smṛtaḥ kāce//

ekāśītivibhāge daśa daśa pūrvottarāyatā rekhāḥ/
antas trayodaśa surā dvātriṃśad^bāhya^koṣṭhasthāḥ//

śikhi^parjanya^jayanta^indra^sūrya^satyā bhṛśo +antarikṣaś ca/
*aiśānyādi[K.aiśānyādyāḥ]^kramaśo dakṣiṇapūrve +anilaḥ koṇe//

pūṣā vitatha^bṛhatkṣata^yama^gandharva^ākhya^bhṛṅgarāja^mṛgāḥ/
pitṛ^dauvārika^sugrīva^kusumadanta^ambupaty^asurāḥ//

śoṣo +atha pāpayakṣmā rogaḥ koṇe tato +ahi^mukhyau ca/
bhallāṭa^soma^bhujagās tato +aditir ditir iti kramaśaḥ//

madhye brahmā navakoṣṭhakādhipo +asya^aryamā sthitaḥ prācyām/
ekāntarāt pradakṣiṇam asmāt savitā vivasvāṃś ca//

vibudha^adhipatis tasmān mitro +anyo rāja^yakṣma^nāmā ca/
*pṛthivī[K.pṛthvī]dharāpavatsāv ity ete brahmaṇaḥ paridhau//

āpo nāma^aiśāne koṇe hautāśane ca sāvitraḥ/
jaya iti ca nairṛte rudra ānile +abhyantarapadeṣu//

āpas tathā^apavatsaḥ parjanyo +agnir ditiś ca vargo +ayam/
evaṃ koṇe koṇe padikāḥ syuḥ pañca pañca surāḥ//

bāhyā dvipadāḥ śeṣās te vibudhā viṃśati samākhyātāḥ/
śeṣāś catvāro +anye tripadā dikṣv aryamādyās te//

pūrvottaradig^mūrdhā puruṣo +ayam avāṅ^mukho +asya śirasi śikhī/
āpo mukhe stane +asyāryamā hy urasy āpavatsaś ca//

parjanyādyā bāhyā dṛkśravaṇa^uraḥsthalāṃsagā devāḥ/
satyādyāḥ pañca bhuje haste savitā *ca sāvitraḥ[K.sasāvitraḥ]//

vitatho bṛhatkṣatayutaḥ pārśve jaṭhare sthito vivasvāṃś ca/
ūrū jānu ca jaṅghe sphig iti yamādyaiḥ parigṛhītāḥ//

ete dakṣiṇapārśve sthāneṣv evaṃ ca vāmapārśvasthāḥ/
meḍhre śakra^jayantau hṛdaye brahmā pitā^*aṅghrigataḥ[K.aṅgrigataḥ]//

aṣṭa^aṣṭakapadam atha vā kṛtvā rekhāś ca koṇagās tiryak/
brahmā catuṣpado +asminn ardhapadā brahmakoṇasthāḥ//

aṣṭau ca bahiṣkoṇeṣv ardhapadās tad^ubhaya^sthitāḥ sa^ardhāḥ/
uktebhyo ye śeṣās te dvipadā viṃśatis te *hi[K.ca]//

sampātā vaṃśānāṃ madhyāni samāni yāni ca padānām/
marmāṇi tāni *vindyān na tāni paripīḍayet[K.vindyānn aparipīḍayet] prājñaḥ//

tāny aśucibhāṇḍa^kīla^stambha^ādyaiḥ pīḍitāni śalyaiś ca/
gṛhabhartus tattulye pīḍām aṅge prayacchanti//

kaṇḍūyate yad aṅgaṃ *gṛhabhartur[K.gṛhapatinā] yatra vā^amarāhutyām/
aśubhaṃ bhaven nimittaṃ vikṛter vā agneḥ saśalyaṃ tat//

dhanahānir dārumaye paśupīḍā rugbhayāni cāsthikṛte/
[K.two verses inserted
K. 53.60cd/ lohamaye śastra^bhayaṃ kapālakeśeṣu mṛtyuḥ syāt//
K. 53.61ab/ aṅgāre stenabhayaṃ bhasmani ca vinirdiśet sadāgnibhayam/
K. 53.61cd/ śalyaṃ hi marmasaṃsthaṃ suvarṇa^rajata^ādṛte +atyaśubham//
K. 53.62ab/ marmaṇyamarmago vā ruṇaddhy arthāgamaṃ tuṣasamūhaḥ]/
api nāgadantako marma^saṃsthito doṣakṛd bhavati//

rogād vāyuṃ pitṛto hutāśanaṃ śoṣasūtram api vitathāt/
mukhyād bhṛśaṃ jayantāc ca bhṛṅgam aditeś ca sugrīvam//

tatsampātā nava ye tāny atimarmāṇi sampradiṣṭāni/
yaś ca padasya^aṣṭāṃśas tat proktaṃ marma^parimāṇam//

padahasta^saṃkhyayā sammitāni vaṃśo +aṅgulāni vistīrṇaḥ/
vaṃśavyāso +adhyardhaḥ śirāpramāṇaṃ vinirdiṣṭam//

sukham icchan brahmāṇaṃ yatnād rakṣed gṛhī *gṛhāntaḥstham[K.gṛtāntastham]/
ucchiṣṭa^ādy^upaghātād gṛhapatir upatapyate tasmin//

dakṣiṇabhujena hīne vāstunare +arthakṣayo *+aṅganādādoṣāḥ[K.aṅganādoṣāḥ]/
vāme +arthadhānyahāniḥ śirasi guṇair hīyate sarvaiḥ//

strīdoṣāḥ sutamaraṇaṃ preṣyatvaṃ ca^api caraṇavaikalye/
avikala^puruṣe vasatāṃ māna^artha^yutāni saukhyāni//

gṛha^nagara^grāmeṣu ca sarvatra^evaṃ pratiṣṭhitā devāḥ/
teṣu ca yatha^anurūpaṃ varṇā viprādayo vāsyāḥ/

vāsagṛhāṇi ca vindyād vipra^ādīnām udagdigādyāni/
viśatāṃ ca yathā bhavanaṃ bhavanti tāny eva dakṣiṇataḥ//

nava^guṇa^sūtra^vibhaktāny aṣṭa^guṇena^atha vā catuḥṣaṣṭeḥ/
dvārāṇi yāni teṣām anala^ādīnāṃ phala^upanayaḥ//

*anilabhayaṃ[K.analabhayaṃ] *strījananaṃ[K.strījanma] prabhūtadhanatā narendra^vāllabhyam/
krodhaparatā^anṛtatvaṃ krauryaṃ cauryaṃ ca pūrveṇa//

alpasutatvaṃ praiṣyaṃ nīcatvaṃ bhakṣya^pāna^suta^vṛddhiḥ/
raudraṃ kṛtaghnam adhanaṃ suta^vīrya^ghnaṃ ca yāmyena//

suta^pīḍā ripu^vṛddhir na suta^dhana^āptiḥ[K.dhanastāptiḥ] suta^artha^phala^sampat/
dhanasampan nṛpati^bhayaṃ dhana^kṣayo roga ity apare//

vadha^bandho ripu^vṛddhiḥ sutadhanalābhaḥ[K.dhanasutalābhaḥ] samastaguṇasampat/
putradhanāptir vairaṃ sutena doṣāḥ striyā naiḥsvam//

mārga^taru^koṇa^kūpa^stambha^bhrama^viddham aśubbhadaṃ dvāram/
ucchrāyād dviguṇamitāṃ tyaktvā bhūmiṃ na doṣāya//

rathyā^āviddhaṃ dvāraṃ nāśāya kumāra^doṣadaṃ taruṇā/
paṅkadvāre śoko vyayo +ambuniḥsrāviṇi[K.ambuni śrāviṇi] proktaḥ//

kūpena^apasmāro bhavati vināśaś ca devatā^āviddhe/
stambhena strīdoṣāḥ kulanāśo brāhmaṇābhimukhe[K.brāhmaṇo +abhimukhe]//

unmādaḥ svayam udghāṭite +atha pihite svayaṃ kulavināśaḥ/
mānādhike nṛpa^bhayaṃ dasyubhayaṃ *vyasanam eva nīce ca[K.vyasanadaṃ nīcam]//

dvāraṃ dvārasya^upari yat tan na śivāya saṅkaṭaṃ yac ca/
āvyāttaṃ kṣudbhayadaṃ kubjaṃ kulanāśanaṃ bhavati//

pīḍākaram atipīḍitam antarvinataṃ bhaved abhāvāya/
bāhyavinate pravāso digbhrānte dasyubhiḥ pīḍā//

mūladvāraṃ nānyair dvārair abhisandadhīta rūpa^ṛddhyā/
ghaṭa^phala^patra^pramathā^ādibhiś ca tan^maṅgalaiś cinuyāt//

aiśānyādiṣu koṇeṣu saṃsthitā bāhyato gṛhasyaitāḥ/
carakī vidārināmā^atha pūtanā rākṣasī ca^iti//

purabhavanagrāmāṇāṃ ye koṇās teṣu nivasatāṃ doṣāḥ/
śvapacādayo +antyajātyās teṣv eva vivṛddhim āyānti//

yāmyādiṣv aśubhaphalā jātās taravaḥ pradakṣiṇenaite/
udagādiṣu praśastāḥ plakṣa^vaṭa^udumbara^aśvatthā[K.udumbarāśvatthāḥ]//

āsannāḥ kaṇṭhakino ripubhayadāḥ kṣīriṇo +arthanāśāya/
phalinaḥ prajākṣayakarā dārūṇy api varjayed eṣām//

chindyād yadi na tarūṃś tān tadantare pūjitān vaped anyat[K.anyān]/
punnāga^aśoka^ariṣṭa^bakula^panasān śamī^śālau//

śastauṣadhidrumalatā madhurā sugandhā
snigdhā samā na suṣirā ca mahī narāṇām/
apyadhvani śramavinodam upāgatānāṃ
dhatte śriyaṃ kim uta śāśvatamandireṣu//

sacivālaye +arthanāśo dhūrtagṛhe sutavadhaḥ samīpasthe/
udvego devakule catuṣpade[K.ū.catuṣpathe] bhavati cākīrtiḥ//

caitye bhayaṃ grahakṛtaṃ valmīkaśvabhrasaṅkule vipadaḥ/
gartāyāṃ tu pipāsā kūrma^ākāre dhanavināśaḥ//

udagādiplavam iṣṭaṃ viprādīnāṃ pradakṣiṇenaiva/
vipraḥ sarvatra vased anuvarṇam atha^iṣṭam anyeṣām//

gṛhamadhye hastamitaṃ khātvā paripūritaṃ punaḥ śvabhram/
yady ūnam aniṣṭaṃ tat same samaṃ dhanyam adhikaṃ yat//

śvabhram atha vā^ambupūrṇaṃ padaśatam itvā^āgatasya yadi na^ūnam/
tad dhanyaṃ yac ca bhavet palāny apām āḍhakaṃ catuḥṣaṣṭiḥ//

āme vā mṛtpātre śvabhrasthe dīpavartir abhyadhikam/
jvalati diśi yasya śastā sā bhūmis tasya varṇasya//

śvabhroṣitaṃ na kusumaṃ yasya[K.yasmin] pramlāyate +anuvarṇasamam/
tattasya bhavati śubhadaṃ yasya ca yasmin mano ramate//

sita^rakta^pīta^kṛṣṇā viprādīnāṃ praśasyate bhūmiḥ/
gandhaś ca bhavati yasyāṃ[K.yasyā] ghṛtarudhirānnādyamadyasamaḥ//

kuśa^yuktā śara^bahulā dūrvā^kāśa^āvṛtā kremeṇa mahī/
*hy anuvarṇaṃ[K.anuvarṇam] vṛddhikarī madhura^kaṣāya^amla^kaṭukā ca//

kṛṣṭāṃ prarūḍhabījāṃ go +adhyuṣitāṃ brāhmaṇaiḥ praśastāṃ ca/
gatvā mahīṃ gṛhapatiḥ kāle sāmvatsaroddiṣṭe//

bhakṣyair nānākārair dadhy^akṣata^surabhi^kusuma^dhūpaiś ca/
daivatapūjāṃ kṛtvā sthapatīn abhyarcya viprāṃś ca//

vipraḥ spṛṣṭvā śīrṣaṃ vakṣaś ca kṣatriyo viśāś ca^ūrū/
śūdraḥ pādau spṛṣṭvā kuryād rekhāṃ gṛhārambhe//

aṅguṣṭhakena kuryān madhyāṅgulyā +atha vā pradeśinyā/
kanakamaṇirajatamuktād adhika^phala^kusuma^akṣataiś ca śubham//

śastreṇa śastra^mṛtyur bandho lohena bhasmanā^agnibhayam/
taskara^bhayaṃ tṛṇena ca kāṣṭha^ullikhitā ca rājabhayam//

vakrā pādālikhitā śatrubhayakleśadā virūpā ca/
carmāṅgārāsthikṛtā dantena ca bhartur[K.kartur] aśivāya//

vairam apasavyalikhitā pradakṣiṇaṃ sampado vinirdeśyāḥ/
vācaḥ paruṣā niṣṭhīvitaṃ kṣutaṃ cāśubhaṃ kathitam//

ardhanicitaṃ kṛtaṃ vā praviśan sthapatir gṛhe nimittāni/
avalokayed gṛhapatiḥ kva saṃsthitaḥ spṛśati kiṃ cāṅgam//

ravidīpte yadi śakunis tasmin kāle virauti paruṣaravam[K.paruṣaravaḥ]/
saṃspṛṣṭāṅgasamānaṃ tasmin deśe +asthi nirdeśyam//

śakuna^samaye +athvā +anye hasty^aśva^śvādayo +anuvāśante/
tatprabhavam asthi tasmiṃs tadaṅgasambhūtam eva^iti//

sūtre prasāryamāṇe gardabha^rāvo +asthiśalyam ācaṣṭe/
śva^śṛgāla^laṅghite vā sūtre śalyaṃ vinirdeśyam//

diśi śāntāyāṃ śakunir[K.śakuno] madhuravirāvī yadā tadā vācyaḥ/
arthas tasmin sthāne gṛheśvarādhiṣṭhite +aṅge vā//

sūtracchede mṛtyuḥ kīle ca^avāṅmukhe mahagaḥ[K.mahān rogaḥ]/
gṛhanāthasthapatīnāṃ smṛti^lope mṛtyur ādeśyaḥ//

skandhāc cyute śiroruk kulopasargo +apavarjite kumbhe/
bhagne +api ca karmivadhaś cyute karād gṛhapater mṛtyuḥ//

dakṣiṇapūrve koṇe kṛtvā pūjāṃ śilāṃ nyaset prathamam[K.prathamām]/
śeṣāḥ pradakṣiṇena stambhāś ca^evaṃ samutthāpya[K.samutthāpyāḥ]//

chatra^srag^ambara^yutaḥ kṛta^dhūpa^vilepanaḥ samutthāpyaḥ/
stambhas tatha^eva kāryo dvāra^ucchrāyaḥ prayatnena//

vihaga^ādibhir avalīnair ākampita^patita^duḥsthitaiś ca tathā[K.phalam]/
śakradhvaja^*sadṛśaphalaṃ tad eva tasmin[K.sadṛśaṃ tasmiṃś ca śubhaṃ] vinirdiṣṭam//

prāguttara^unnate dhanasutakṣayaḥ sutavadhaś ca durgandhe/
vakre bandhuvināśo na santi garbhāś ca din^mūḍhe//

icched yadi gṛha^vṛddhiṃ tataḥ samantād vivardhayet tulyam/
eka^uddeśe doṣaḥ prāg atha vā +apy uttare kuryāt//

prāg bhavati mitravairaṃ mṛtyubhayaṃ dakṣiṇena yadi vṛddhiḥ/
arthavināśaḥ paścād udag^vivṛddhir[K.udag^vivṛddhau] manastāpaḥ//

aiśānyāṃ devagṛhaṃ mahānasaṃ yadi ca^api kāryam āgneyyām/
nairṛtyāṃ bhāṇḍa^upaskaro +arthadhānyāni mārutyām//

prācyādisthe salile sutahāniḥ śikhi^bhayaṃ ripubhayaṃ ca/
strīkalahaḥ strīdauṣṭyaṃ naiḥsvyaṃ vittātmaja^vivṛddhiḥ//

khaga^nilaya^bhagna^saṃśuṣka^dagdha^devālaya^śmaśāna^sthān/
kṣīrataru^dhava^vibhītaka^nimba^araṇi^*varjitān chindyāt[K.varjitāṃś cchindyāt]//

rātrau kṛtabalipūjaṃ pradakṣiṇaṃ chedayed divā vṛkṣam/
dhanyam udakprākpatataṃ na grāhyo +ato +anyathā patitaḥ//

chedo yady avikārī tataḥ śubhaṃ dāru tad^gṛhaupayikam/
pīte tu maṇḍale nirdiśet taror madhyagāṃ godhām//

mañjiṣṭhābhe bheko nīle sarpas tathā+aruṇe saraṭaḥ/
mudgābhe +aśmā kapile tu mūṣako +ambhaś ca khaḍgābhe//

dhānya^go^guru^hutāśa^surāṇāṃ na svaped upari nāpy anuvaṃśam/
na^uttarāparaśirā na ca nagno naiva cārdracaraṇaḥ śriyam icchan//

bhūripuṣpa^vikaraṃ[K.nikaraṃ] satoraṇaṃ toyapūrṇakalaśa^upaśobhitam/
dhūpagandha^balipūjitāmaraṃ brāhmaṇadhvaniyutaṃ viśed gṛham//
53 dakārgalādhyāyaḥ