Brihat Samhita · Chapter 51

sita^rakta^pīta^kṛṣṇā viprādīnāṃ krameṇa piṭakā ye/
te kramaśaḥ proktaphalā varṇānāṃ *na^agrajātānām[K.agrajādīnām]//

susnigdha^vyakta^śobhāḥ śirasi dhanacayaṃ mūrdhni saubhāgyam ārād
daurbhāgyaṃ bhrūyugotthāḥ priyajana^ghaṭanām āśu duḥśīlatāṃ ca/
tanmadhyotthāś ca śokaṃ nayanapuṭagatā netrayor iṣṭadṛṣṭiṃ
pravrajyāṃ śaṅkhadeśe +aśrujalanipatana^*sthānagā rānti cintām[K.sthānagāś ca aticintām]//

ghrāṇā^gaṇḍe vasanasutadāś ca^oṣṭhayor annalābhaṃ
kuryus tadvac cibukatalagā bhūri vittaṃ lalāṭe/
hanvor evaṃ galakṛtapadā bhūṣaṇāny annapāne
śrotre *ṣaḍbhūtaṇa[K.ū.tadbhūṣaṇa]gaṇam api jñānam ātmasvarūpam//

śiraḥ^sandhi^grīvā^hṛdaya^kuca^pārśva^urasi gatā
ayoghātaṃ ghātaṃ suta^tanaya^lābhaṃ śucam api/
priyaprāptiṃ skandhe +apy aṭanam atha bhikṣārtham asakṛd
vināśaṃ kakṣotthā vidadhati dhanānāṃ *bahumukham[K.bahusukham]//

duḥkha^śatrunicayasya *vināśaṃ[K.vighātaṃ] pṛṣṭha^bāhu^yugajā racayanti/
saṃyamaṃ ca maṇibandhana^jātā bhūṣaṇa^ādyam upabāhu^yug^utthāḥ//

dhanāptiṃ saubhāgyaṃ śucam api kara^aṅguly^udaragāḥ
supānānnaṃ nābhau tadadha iha caurair dhanahṛtim/
dhanaṃ dhānyaṃ bastau yuvatim atha meḍhre sutanayān
dhanaṃ saubhāgyaṃ vā guda^vṛṣaṇajātā vidadhati//

ūrvor yāna^aṅganā^lābhaṃ jānvoḥ śatrujanāt kṣatim/
śastreṇa jaṅghayor gulphe +adhva^bandha^kleśadāyinaḥ//

sphik^pārṣṇi^pāda^jātā dhananāśa^agamyagamanam adhvānam//
bandhanam aṅgulinicaye +aṅguṣṭhe ca jñātilokataḥ pūjām//

utpāta^gaṇḍa^piṭakā dakṣiṇato vāmatas tv abhīghātāḥ/
dhanyā bhavanti puṃsāṃ tad^viparītāś *ca[K.tu] nārīṇām//

iti piṭakavibhāgaḥ prokta āmūrdhato +ayaṃ
vraṇa^tilaka^vibhāgo +apy evam eva prakalpyaḥ/
bhavati maśaka^lakṣma^āvartajanma^api tadvan
nigaditaphalakāri prāṇināṃ deha^saṃstham//
52 vāstuvidyā