Brihat Samhita · Chapter 48
vistaraśo nirdiṣṭaṃ paṭṭāṇāṃ lakṣaṇaṃ yad ācāryaiḥ/
tat saṃkṣepaḥ kriyate mayā +atra sakalārthasampannaḥ//
paṭṭaḥ śubhado rājṇāṃ madhye +aṣṭāv aṅgulāni vistīrṇaḥ/
sapta narendra^mahiṣyāḥ ṣaḍ yuvarājasya nirdiṣṭaḥ//
catur^aṅgula^vistāraḥ paṭṭaḥ senāpater bhavati madhye/
dve ca prasādapaṭṭaḥ pañcaite kīrtitāḥ paṭṭāḥ//
sarve dviguṇāyāmā madhyād ardhena pārśvavistīrṇāḥ/
sarve ca śuddhakāñcanavinirmitāḥ śreyaso vṛddhyai//
pañca^śikho bhūmipates triśikho yuvarāja^pārthiva^mahiṣyoḥ/
ekaśikhaḥ sainyapateḥ prasādapaṭṭo vinā śikhayā//
kriyamāṇaṃ yadi patraṃ sukhena vistāram eti paṭṭasya/
vṛddhijayau bhūmipates tathā prajānāṃ ca sukhasampat//
jīvitarājyavināśaṃ karoti madhye vraṇaḥ samutpannaḥ/
madhye sphuṭitas tyājyo vighnakaraḥ pārśvayoḥ sphuṭitaḥ//
aśubhanimitta^utpattau śāstrajñaḥ śāntim ādiśed rājñaḥ/
śastanimittaḥ paṭṭo nṛpa^rāṣṭra^vivṛddhaye bhavati//
49 khaḍgalakṣaṇādhyāyaḥ
Original text: Bṛhatsaṃhitā · Edition: of A.V.Tripathi (Sarasvati Bhavan Granthamala Edition) with reference to H.Kern's text and his translation [variants marked by K. & K's tr.] and Utpala's commentary [marked by U.] · Data entry Michio Yano Mizue Sugita · GRETIL (Göttingen) · CC BY-NC-SA 4.0