બૃહત્સંહિતા · અધ્યાય 48

વિસ્તરશો નિર્દિષ્ટં પટ્ટાણાં લક્ષણં યદ્ આચાર્યૈઃ।
તત્ સંક્ષેપઃ ક્રિયતે મયા +અત્ર સકલાર્થસમ્પન્નઃ॥

પટ્ટઃ શુભદો રાજ્ણાં મધ્યે +અષ્ટાવ્ અઙ્ગુલાનિ વિસ્તીર્ણઃ।
સપ્ત નરેન્દ્ર^મહિષ્યાઃ ષડ્ યુવરાજસ્ય નિર્દિષ્ટઃ॥

ચતુર્^અઙ્ગુલ^વિસ્તારઃ પટ્ટઃ સેનાપતેર્ ભવતિ મધ્યે।
દ્વે ચ પ્રસાદપટ્ટઃ પઞ્ચૈતે કીર્તિતાઃ પટ્ટાઃ॥

સર્વે દ્વિગુણાયામા મધ્યાદ્ અર્ધેન પાર્શ્વવિસ્તીર્ણાઃ।
સર્વે ચ શુદ્ધકાઞ્ચનવિનિર્મિતાઃ શ્રેયસો વૃદ્ધ્યૈ॥

પઞ્ચ^શિખો ભૂમિપતેસ્ ત્રિશિખો યુવરાજ^પાર્થિવ^મહિષ્યોઃ।
એકશિખઃ સૈન્યપતેઃ પ્રસાદપટ્ટો વિના શિખયા॥

ક્રિયમાણં યદિ પત્રં સુખેન વિસ્તારમ્ એતિ પટ્ટસ્ય।
વૃદ્ધિજયૌ ભૂમિપતેસ્ તથા પ્રજાનાં ચ સુખસમ્પત્॥

જીવિતરાજ્યવિનાશં કરોતિ મધ્યે વ્રણઃ સમુત્પન્નઃ।
મધ્યે સ્ફુટિતસ્ ત્યાજ્યો વિઘ્નકરઃ પાર્શ્વયોઃ સ્ફુટિતઃ॥

અશુભનિમિત્ત^ઉત્પત્તૌ શાસ્ત્રજ્ઞઃ શાન્તિમ્ આદિશેદ્ રાજ્ઞઃ।
શસ્તનિમિત્તઃ પટ્ટો નૃપ^રાષ્ટ્ર^વિવૃદ્ધયે ભવતિ॥
49 ખડ્ગલક્ષણાધ્યાયઃ