Brihat Samhita · Chapter 33

divi bhukta^śubhaphalānāṃ patatāṃ rūpāṇi yāni tāny ulkāḥ/
dhiṣṇyā^ulkā^aśani^vidyut^tārā iti pañcadhā bhinnāḥ//

ulkā pakṣeṇa phalaṃ tadvad dhiṣṇyā^aśanis tribhiḥ pakṣaiḥ/
vidyud ahobhiḥ ṣaḍbhiḥ tadvat tārā vipācayati//

tārā phala^pāda^karī phalārdhadātrī prakīrtitā dhiṣṇyā/
tisraḥ sampūrṇa^phalā vidyud atha^ulkā^aśaniś ca^iti//

aśaniḥ svanena mahatā nṛ^gaja^aśva^mṛga^aśma^veśma^taru^paśuṣu/
nipatati vidārayantī dharātalaṃ cakra^saṃsthānā//

vidyut sattvatrāsaṃ janayantī taṭataṭasvanā sahasā/
kutilaviśālā nipatati jīva^indhanarāśiṣu jvalitā//

dhiṣṇyā kṛśālpapucchā dhanūṃṣi daśa dṛśyate +antarābhyadhikam/
jvalitāṅgāranikāśā dvau hastau sā pramāṇena//

tārā hastaṃ dīrghā śuklā tāmra^abja^tantu^rūpā vā/
tiryag adhaś ca^ūrdhvaṃ vā yāti viyaty uhyamānā^iva//

ulkā śirasi viśālā nipatantī vardhate pratanu^pucchā//
dīrghā *ca bhavati[K.bhavati ca] puruṣaṃ bhedā bahavo bhavaty asyāḥ//

preta^praharaṇa^khara^karabha^nakra^kapi^daṃṣṭri^lāṅgala^mṛgābhāḥ/
godhā^ahi^dhūma^rūpāḥ pāpā yā ca^ubhayaśiraskā//

dhvaja^jhaṣa^*giri^kari[K.karigiri]^kamala^indu^turaga^santapta^rajata^haṃsābhāḥ/
*śrīvṛkṣa[K.śrīvatsa, K's tr. śrīvṛkṣa]^vajra^śaṅkha^svastika^rūpāḥ śiva^subhikṣāḥ//

ambara^madhyād bahvyo nipatantyo rāja^rāṣṭra^nāśāya/
bambhramatī gagana^upari vibhramam ākhyāti lokasya//

saṃspṛśatī candrārkau tadvisṛtā vā sabhūprakampā ca/
paracakra^āgama^nṛpa^bhaya^durbhikṣa^avṛṣṭi^bhaya^jananī//

paura^itaraghnam ulkā^apasavya^karaṇaṃ divākara^himāṃśavoḥ/
ulkā śubhadā purato divākara^viniḥsṛtā yātuḥ//

śuklā raktā pītā kṛṣṇā ca^ulkā dvija^ādivarṇaghnī/
kramaśaś caitān hanyur mūrdha^uraḥ^pārśva^puccha^sthāḥ//

uttaradig^ādi^patitā viprādīnām aniṣṭadā rūkṣā/
ṛjvī snigdha^akhaṇḍā nīca^upagatā ca tad^vṛddhyai//

*śyāva^aruṇa[K.śyāmā vāruṇa]^nīla^asṛg^dahana^asita^bhasma^sannibhā rūkṣā/
sandhyā^dina^jā vakrā dalitā ca para^āgama^bhayāya//

nakṣatra^graha^*ghātais[K.ghāte] tadbhaktīnāṃ kṣayāya nirdiṣṭā/
udaye ghnatī ravīndū paura^itara^mṛtyave +aste vā//

bhāgya^āditya^dhaniṣṭhā^mūleṣu^ulkā^hateṣu yuvatīnām/
vipra^kṣatriya^pīḍā puṣya^anila^viṣṇudeveṣu//

dhruva^saumyeṣu nṛpāṇām ugreṣu sadāruṇeṣu caurāṇām/
kṣipreṣu kalāviduṣāṃ pīḍā sādhāraṇe ca hate//

kurvanty etāḥ patitā devapratimāsu rāja^rāṣṭra^bhayam/
śakropari nṛpatīnāṃ gṛheṣu tatsvāmināṃ pīḍām//

āśā^graha^upaghāte taddeśyānāṃ khale kṛṣiratānām/
caityatarau sampatitā satkṛta^pīḍāṃ karoty ulkā//

dvāri purasya purakṣayam atha^indrakīle janakṣayo +abhihitaḥ/
brahma^āyatane viprān vinihanyād gomino goṣṭhe//

kṣveḍā^āsphoṭita^vādita^gīta^utkuṣṭa^svanā bhavanti yadā/
ulkā^nipāta^samaye bhayāya rāṣṭrasya sanṛpasya//

yasyāś ciraṃ tiṣṭhati khe +anuṣaṅgo
daṇḍākṛtiḥ sā nṛpater bhayāya/
yā ca^uhyate tantudhṛtā^iva khasthā
yā vā mahendra^dhvaja^tulya^rūpā//

śreṣṭhinaḥ pratīpagā tiryagā *nṛpāṅganānām[K.nṛpāṅganāḥ]/
hanty adhomukhī nṛpān brāhmaṇān atha^ūrdhvagā//

*barhi[K.varhi]^puccha^rūpiṇī loka^saṃkṣaya^āvahā/
sarpavat *prasarpatī[K.prasarpiṇī] yoṣitām aniṣṭadā//

hanti maṇḍalā puraṃ chatravat purohitam/
vaṃśa^gulmavat sthitā rāṣṭra^doṣa^kāriṇī//

vyāla^sūkara^upamā visphuliṅga^mālinī/
khaṇḍaśo +atha vā gatā sasvanā ca pāpadā//

surapaticāpa^pratimā rājyaṃ nabhasi vilīnā jaladān hanti/
pavana^vilomā kuṭilaṃ yātā na bhavati śastā vinivṛttā vā//

abhibhavati yataḥ puraṃ balaṃ vā bhavati bhayaṃ tata eva pārthivasya/
nipatati ca yayā diśā pradīptā jayati ripūn acirāt tayā prayātaḥ//
34 pariveṣalakṣaṇādhyāyaḥ