Brihat Samhita · Chapter 31
dāho diśāṃ rājabhayāya pīto deśasya nāśāya hutāśavarṇaḥ/
yaś ca^aruṇaḥ syād apasavya^vāyuḥ sasyasya nāśaṃ sa karoti dṛṣṭaḥ//
yo +atīva dīptyā kurute prakāśaṃ
chāyām api vyañjayate +arkavad yaḥ/
rājño mahad vedayate bhayaṃ sa
śastra^prakopaṃ kṣataja^anurūpaḥ//
prāk kṣatriyāṇāṃ sanareśvarāṇāṃ
prāgdakṣiṇe śilpi^kumāra^pīḍā/
yāmye saha^ugraiḥ puruṣais tu vaiśyā
dūtāḥ punarbhūpramadāś ca koṇe//
paścāt tu śūdrāḥ kṛṣi^jīvinaś ca
caurās turaṅgaiḥ saha vāyudiksthe/
pīḍāṃ vrajanty uttarataś ca viprāḥ
*pākhaṇḍino[K.pāṣaṇḍino] vāṇijakāś ca śārvyām//
nabhaḥ prasannaṃ vimalāni bhāni
pradakṣiṇaṃ vāti sadāgatiś ca/
diśāṃ ca dāhaḥ kanaka^avadāto
hitāya lokasya sapārthivasya//
32 bhūkampalakṣaṇādhyāyaḥ
Original text: Bṛhatsaṃhitā · Edition: of A.V.Tripathi (Sarasvati Bhavan Granthamala Edition) with reference to H.Kern's text and his translation [variants marked by K. & K's tr.] and Utpala's commentary [marked by U.] · Data entry Michio Yano Mizue Sugita · GRETIL (Göttingen) · CC BY-NC-SA 4.0